გარდაბანში მოხუცი ცოლ-ქმრის სასტიკი მკვლელობისთვის, მათივე ნათესავი დააკავეს - შსს-მ 2019 წელს მომხდარი მკვლელობა გახსნა
2019 წელს გარდაბანში მომხდარი მკვლელობის ფაქტზე, შსს-მ 36 წლის მამაკაცი დააკავა. საქმე ეხება გარდაბნის მუნიციპალიტეტში 7 ივნისის ღამით მომხდარ სასტიკ მკვლელობას, როცა თავდამსხმელმა მოხუცი ცოლ-ქმარი - 84 წლის მამაკაცი და 77 წლის ქალი მოკლა.
შსს-ს ინფორმაციით, დაკავებულია 1984 წელს დაბადებული გ.ი, რომელსაც ორი ან მეტი პირის მიმართ დამამძიმებელ გარემოებაში ჩადენილი განზრახ მკვლელობა ედება ბრალად.
"გამოძიებით დადგინდა, რომ ბრალდებულმა გასული წლის ივნისის თვეში, გარდაბნის მუნიციპალიტეტში, მასთან ნათესაურ კავშირში მყოფ ცოლ-ქმარს - 1942 წელს დაბადებულ შ.მ. -სა და 1935 წელს დაბადებულ ი.მ.-ს მათსავე საცხოვრებელ სახლში ბლაგვი საგნით სასიკვდილო დაზიანებები მიაყენა, რის შემდეგაც დაზარალებულების კუთვნილ თანხას მართლსაწინააღმდეგოდ დაეუფლა და შემთხვევის ადგილიდან მიიმალა.
ცოლ-ქმარი მიყენებული დაზიანებების შედეგად გარდაიცვალა.
ბრალდებული ჩადენილ დანაშაულს აღიარებს.
ორი ან მეტი პირის მიმართ დამამძიმებელ გარემოებაში ჩადენილ განზრახ მკვლელობის ფაქტზე გამოძიება სისხლის სამართლის კოდექსის 109-ე მუხლის მესამე ნაწილის „ა“ ქვეპუნქტით მიმდინარეობს“, - აღნიშნულია შსს-ს მიერ გავრცელებულ ინფორმაციაში.
დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
პოლიციამ დააკავა ახალგაზრდები, რომლებმაც ახალქალაქში 4 ადამიანი დაჭრეს
"არ გავჩერდები, ვიდრე ჩემი ოჯახის გამაუბედურებელი არ დაისჯება" - 2003 წელს საზარელ ავარიაში დაღუპული დავით საყვარელიძის დედამ სტრასბურგში გაიმარჯვა
