მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საპატრულო პოლიციის უფროსის სიურპრიზი 15 წლის მოზარდს, რომელიც რამდენიმე თვის წინ დაჭრეს (ფოტო)
10:40 / 01-02-2020
შინაგან საქმეთა სამინისტროს საპატრულო პოლიციის დეპარტამენტის დირექტორმა ვაჟა სირაძემ 15 წლის გიორგი ფალელაშვილს, რომელიც 2019 წლის ოქტომბერში დაჭრეს, სიურპრიზი მოუწყო, სახლში მოინახულა და სპეციალურად მისთვის მომზადებული საჩუქარი გადასცა.
შემთხვევა გლდანში, მეტროსადგურ „ახმეტელის თეატრთან“ მოხდა. არასრულწლოვანი გიორგი ფალელაშვილი მეგობრებთან ერთად სახლში ბრუნდებოდა. არაფხიზელ მდგომარეობაში მყოფმა პირმა, რომელიც მანამდე 2 მოქალაქეს ეკამათებოდა, გიორგის მეგობარს და მის მამას დაუწყო ჩხუბი. მოზარდი მეგობრის და მისი მამის საშველად შემობრუნდა, რა დროსაც უცნობმა იგი ცივი იარაღით დაჭრა.
პოლიციამ ბრალდებული შემთხვევის ადგილზევე დააკავა, დაჭრილი ახალგაზრდა კი საავადმყოფოში გადაიყვანეს, სადაც გადაუდებელი ოპერაცია ჩაუტარდა.
შინაგან საქმეთა სამინისტროს თანამშრომლებისთვის, გიორგის დამრიგებლის, ლია ტუშურის „ფეისბუკ“-პოსტიდან ცნობილი გახდა, რომ ბიჭი პოლიციელობაზე და პოლიციელის ნამდვილ ფორმაზე ოცნებობდა. გიორგიმ ოპერაციის წინ წერილი დაწერა, რომელიც დედას გადასცა: "აბა, რა, მე ხომ ადამიანების სიცოცხლეზე უნდა ვიზრუნო... შსს".
ახლობლების თქმით, მოზარდი სკოლაში ხანდახან საკუთარი სურვილით შექმნილი, სამართალდამცველის ფორმის მსგავსი ტანსაცმლით მიდიოდა, მუდმივად ინტერესდებოდა პოლიციელებზე გადაღებული ფილმებით და ყოველთვის უნდოდა, რომ ნამდვილი პოლიციელის სამოსი ჰქონოდა.
საპატრულო პოლიციის დირექტორმა ვაჟა სირაძემ გიორგის საგანგებოდ მისთვის შეკერილი, საპატრულო პოლიციის თანამშრომლის ფორმა და სხვადასხვა სახის საჩუქრები გადასცა.
ვაჟა სირაძემ მოზარდი შინაგან საქმეთა სამინისტროს აკადემიაშიც წაიყვანა, სადაც მომავალი პოლიციელების მომზადება ხდება. მათ აკადემიის რექტორმა ივანე პაპიაშვილმა უმასპინძლა, რომელმაც გიორგის სასწავლებლის სპეციფიკა გააცნო, აკადემიის შენობა, სასროლეთი და „შუთჰაუსი“ დაათვალიერებინა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შს სამინისტრო იმ სქემის შესახებ ავრცელებს ინფორმაციას, რითაც, უწყების ცნობით, გიორგი ბაჩიაშვილმა საქართველოს საზღვრის გადაკვეთა შეძლო
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საყვარელი ბავშვი