სამი წე­ლია ზუ­რაბ ხუ­ციშ­ვი­ლის გარ­დაც­ვა­ლე­ბის საქ­მე ბუ­რუ­სით არის მო­ცუ­ლი. 2016 წლის შემ­დეგ, გა­მო­ძი­ე­ბამ ჯერ ვერ გას­ცა პა­სუ­ხი მთა­ვარ კი­თხვას - რა გახ­და ახალ­გაზ­რდა მა­მა­კა­ცის სიკ­ვდი­ლის მი­ზე­ზი?

ხუ­ციშ­ვი­ლი გარ­დაც­ვა­ლე­ბამ­დე წლე­ბის გან­მავ­ლო­ბა­ში ოჯახ­თან ერ­თად საფ­რან­გეთ­ში ცხოვ­რობ­და და პე­რი­ო­დუ­ლად ჩა­მო­დი­ო­და სა­ქარ­თვე­ლო­ში. 2016 წლის პირ­ველ აგ­ვის­ტოს, ღა­მის 2 სა­ათ­ზე იგი სა­კუ­თა­რი ავ­ტო­მო­ბი­ლით სო­ფელ გლ­და­ნი­დან თბი­ლი­სის აე­რო­პორ­ტის­კენ მი­დი­ო­და, რათა დე­და­სა და ძმას დახ­ვედ­რო­და. სა­ვა­რა­უ­დოდ, სიჩ­ქა­რის გა­და­ჭარ­ბე­ბის გამო, ხუ­ციშ­ვილს სა­პატ­რუ­ლო ეკი­პა­ჟი და­ე­დევ­ნა და გა­ჩე­რე­ბა მოს­თხო­ვა. ეს აღ­ბეჭ­დეს მტკვრის სა­ნა­პი­რო­ზე და­მონ­ტა­ჟე­ბულ­მა სათ­ვალ­თვა­ლო კა­მე­რებ­მა.

თუმ­ცა, რო­გორც საქ­მის ად­ვო­კა­ტე­ბი აცხა­დე­ბენ, კა­მე­რე­ბის ჩა­ნა­წე­რე­ბი და­მონ­ტა­ჟე­ბუ­ლია და იქე­დან უმ­ნიშ­ვნე­ლო­ვა­ნე­სი ნა­წი­ლე­ბია ამოჭ­რი­ლი, რომ­ლე­ბიც ნა­თელს მოჰ­ფენ­და ხუ­ციშ­ვი­ლის გარ­დაც­ვა­ლე­ბის საქ­მეს. გა­მო­ძი­ე­ბის ვერ­სი­ით, ხუ­ციშ­ვი­ლი არ და­ე­მორ­ჩი­ლა პატ­რუ­ლის მო­წო­დე­ბას, გა­ა­ჩე­რა ავ­ტო­მო­ბი­ლი და ფე­ხით გა­იქ­ცა მტკვრის მარ­ჯვე­ნა სა­ნა­პი­როს­კენ. პატ­რუ­ლის ორი თა­ნამ­შრო­მე­ლი მას ფეხ­და­ფეხ, რამ­დე­ნი­მე მეტ­რის მო­შო­რე­ბით მის­დევ­და, თუმ­ცა ვერ და­ე­წივ­ნენ და ზუ­რაბ ხუ­ციშ­ვი­ლი მათ თვალ­წინ გა­უ­ჩი­ნარ­და.

შემ­თხვე­ვი­დან სამი დღის შემ­დეგ, მტკვარ­მა ხუ­ციშ­ვი­ლის გვა­მი გა­მო­რი­ყა. გარ­დაც­ვა­ლე­ბის მი­ზე­ზად ექ­სპერ­ტი­ზამ ას­ფიქ­სია და­ად­გი­ნა. ცხე­დარ­ზე ჩა­ტა­რე­ბუ­ლი ექ­სპერ­ტი­ზის დას­კვნა­ში ნათ­ქვა­მია, რომ გარ­დაც­ვლილს სხე­ულ­ზე სი­ცო­ცხლე­ში მი­ყე­ნე­ბუ­ლი და­ზი­ა­ნე­ბე­ბი აღე­ნიშ­ნე­ბო­და, მათ შო­რის მუხ­ლებ­ზე, წვი­ვებ­ზე და თა­ვის არე­ში. დად­გინ­და ისიც, რომ ეს და­ზი­ა­ნე­ბე­ბი სიკ­ვდი­ლის მი­ზე­ზი არ შე­იძ­ლე­ბო­და გამ­ხდა­რი­ყო.

ასევე დაგაინტერესებთ

11:15 / 19-12-2019

ცემასა და არაადამიანურ მოპყრობაში ბრალდებული სამართალდამცველები და გამოუძიებელი გახმაურებული საქმეები

ოჯა­ხის წევ­რე­ბი თვით­მკვლე­ლო­ბის ვერ­სი­ას გა­მო­რი­ცხა­ვენ. გარ­დაც­ვლი­ლის დე­დის ნა­ამ­ბო­ბის მი­ხედ­ვით, სა­პატ­რუ­ლო პო­ლი­ცი­ის თა­ნამ­შრომ­ლებს წი­ნას­წარ ჰქონ­დათ და­გეგ­მი­ლი ხუ­ციშ­ვი­ლის და­კა­ვე­ბა, იცოდ­ნენ მისი გა­და­ად­გი­ლე­ბის მარ­შრუ­ტი და მის­თვის ნარ­კო­ტი­კის ჩა­დე­ბას აპი­რებ­დნენ. ხუ­ციშ­ვი­ლის მი­მართ ძა­ლო­ვა­ნე­ბის ასეთ და­ინ­ტე­რე­სე­ბას, მა­ნა­ნა ელი­ბაშ­ვი­ლი იმით ხსნის, რომ მათ ირ­გვლივ ყვე­ლას მი­აჩ­ნდა, თით­ქოს ზურა ძა­ლი­ან მდი­და­რი იყო და სურ­დათ მის­თვის თან­ხის გა­მო­ძალ­ვა.

გარ­დაც­ვლი­ლის დედა ტრა­გი­კუ­ლი ღა­მის დე­ტა­ლებს აღ­წერს და იმ სა­ეჭ­ვო გა­რე­მო­ე­ბებ­ზე მი­უ­თი­თებს, რაც მისი თქმით, სა­მარ­თალ­დამ­ცველ­თა ბრა­ლე­უ­ლო­ბა­ზე მე­ტყვე­ლებს.

"ბე­ლი­აშ­ვი­ლის ქუ­ჩა­ზე "ფორ­დის" მა­ღა­ზი­ის მიმ­დე­ბა­რედ ჩემი შვი­ლი ვე­ღარ იმორ­ჩი­ლებს მან­ქა­ნას, აჩე­რებს და მტკვრის მი­მარ­თუ­ლე­ბით გარ­ბის. მას ორი წა­მის ინ­ტერ­ვა­ლით მოს­დევს პატ­რულ-ინ­სპექ­ტო­რი გ.კ. და ოთხი წა­მის ინ­ტერ­ვა­ლით მისი მე­წყვი­ლე მ. ხ. ოთხ წუთ­ში ად­გილ­ზე გროვ­დე­ბა შვი­დი სა­პატ­რუ­ლო ეკი­პა­ჟი და მათი ჩვე­ნე­ბით, მათ თით­ქოს ვერ და­ი­ნა­ხეს სად წა­ვი­და ჩემი შვი­ლი.

ცნო­ბის­თვის, იქ 200 კვ.მ მინ­დო­რია და იქეთ მტკვა­რია. ფი­ზი­კუ­რად ვერ შეძ­ლებ­და ზურა ვერ­სად წას­ვლას, მხო­ლოდ ერთი ვა­რი­ან­ტი რჩე­ბო­და - მტკვარ­ში გა­და­ვარ­დნა, რა­შიც და­ეხ­მარ­ნენ პატ­რუ­ლის თა­ნამ­შრო­მე­ლე­ბი. დი­დუ­ბე-ჩუ­ღუ­რე­თის პო­ლი­ცი­ის სამ­მარ­თვე­ლო­ში ყვე­ლა მტკი­ცე­ბუ­ლე­ბა გა­აქ­რეს და შეგ­ნე­ბუ­ლად არ გა­მო­ი­თხო­ვეს ყვე­ლა იმ კა­მე­რის ჩა­ნა­წე­რი, სა­დაც გა­მოჩ­ნდე­ბო­და, რა მოხ­და მტკვრის მარ­ცხე­ნა სა­ნა­პი­რო­ზე და რამ აი­ძუ­ლა ჩემი შვი­ლი მი­მარ­თუ­ლე­ბა შე­ეც­ვა­ლა.

და­კი­თხვი­სას გ. კ-მ აღ­ნიშ­ნა, რომ სამი მეტ­რის მო­შო­რე­ბით მის­დევ­და ჩემს შვილს და საით გა­იქ­ცა ვერ და­ი­ნა­ხა, ასე­ვე ამ­ბობს, რომ ჩემი შვი­ლის გა­და­ვარ­დნი­სა და და­ცე­მის ხმა ვერ გა­ი­გო. მტკვა­რი რომ იყო იქ, ისიც არ სცოდ­ნი­ათ. სა­ინ­ტე­რე­სოა, ასე­თებს რა უნ­დათ სა­პატ­რუ­ლო პო­ლი­ცი­ა­ში?! ჩა­ტარ­და სა­გა­მო­ძი­ე­ბო ექ­სპე­რი­მენ­ტი, თუ რამ­დე­ნად შე­ეძ­ლოთ პატ­რუ­ლებს და­ე­ნა­ხათ ჩემი შვი­ლი, რო­მელ­საც უკან მის­დევ­დნენ 3-5 მეტ­რის და­შო­რე­ბით, მა­შინ რო­დე­საც ეს მინ­დო­რი გა­ნა­თე­ბუ­ლი იყო. აშ­კა­რად გა­მოჩ­ნდა, რომ ისი­ნი იტყუ­ე­ბოდ­ნენ, რომ თით­ქოს ვერ და­ი­ნა­ხეს საით წა­ვი­და ჩემი შვი­ლი" - ამ­ბობს შვილმკვდა­რი დედა.

ად­ვო­კა­ტი ლია ხუ­ციშ­ვი­ლი, რო­მე­ლიც გარ­დაც­ვლი­ლის ოჯა­ხის ნა­თე­სა­ვი­ცაა, საქ­მეს­თან და­კავ­ში­რე­ბით თბი­ლი­სის პრო­კუ­რო­რი­სა და ყო­ფი­ლი გე­ნე­რა­ლუ­რი პრო­კუ­რო­რის (შალ­ვა თა­დუ­მა­ძე) სა­ეჭ­ვო კო­მუ­ნი­კა­ცი­ა­ზე სა­უბ­რობს:

"ბოლო წე­ლი­წად­ნა­ხე­ვა­რია საქ­მეს ერთი ფურ­ცე­ლიც არ და­მა­ტე­ბია, ამ­ბო­ბენ ვი­ძი­ებ­თო. საქ­მე­ში ჩარ­თუ­ლია სა­ხალ­ხო დამ­ცვე­ლი, წერს წე­რი­ლებს პრო­კუ­რა­ტუ­რას და იქე­დან იღებს სტან­დარ­ტულ პა­სუხს - "მიმ­დი­ნა­რე­ობს გა­მო­ძი­ე­ბა".

ეს საქ­მე არის ბოლო პე­რი­ო­დის ერთ-ერთი ყვე­ლა­ზე თეთ­რად შე­კე­რი­ლი საქ­მე. გა­მო­ძი­ე­ბა თით­ქმის დას­რუ­ლე­ბუ­ლია, სა­ვა­რა­უ­დო დამ­ნა­შა­ვე­ე­ბი გა­მოკ­ვე­თი­ლე­ბი არი­ან, მაგ­რამ არ ხდე­ბა ბრა­ლის წა­ყე­ნე­ბა. მივ­მარ­თავ ქა­ლა­ქის პრო­კუ­რორს, ყო­ფილ გე­ნე­რა­ლურ პრო­კუ­რორს, ნუ მიგ­ვიყ­ვა­ნენ იქამ­დე, რომ გა­ვახ­მა­უ­როთ მათი კო­მუ­ნი­კა­ცია ამ საქ­მეს­თან და­კავ­ში­რე­ბით. მათ კარ­გად იცი­ან რა­ზე­ცაა სა­უ­ბა­რი!

მივ­მარ­თავ პრე­მი­ერს, შს მი­ნისტრს, რო­მელ­მაც ეს საქ­მე კარ­გად იცის: გჭირ­დე­ბათ პო­ლი­ცი­ის რი­გებ­ში ისე­თი პატ­რულ-ინ­სპექ­ტო­რი, რო­მე­ლიც ჩვე­ნე­ბა­ში ამ­ბობს - თვალ­ში ვერ ვი­ხე­დე­ბი, ყურ­ში არ მეს­მის, თბი­ლის­ში რომ მტკვა­რი იყო, არ ვი­ცო­დიო?! გჭირ­დე­ბათ ასე­თი პატ­რუ­ლე­ბი?! ვი­თხოვთ მხო­ლოდ იმას, რომ დრო­უ­ლად წა­უ­ყე­ნონ ბრა­ლი ამ სა­მარ­თალ­დამ­ცვე­ლებს. უნ­დათ საქ­მის გა­ჭი­ა­ნუ­რე­ბა და ბო­ლოს ხან­დაზ­მუ­ლო­ბის გამო, თა­რო­ზე შე­მო­დე­ბენ“ - ამ­ბობს ად­ვო­კა­ტი.

ოჯა­ხის კი­დევ ერთი ად­ვო­კა­ტის და­ვით გერ­მა­ნო­ზაშ­ვი­ლის თქმით, საქ­მე­ში მა­ღალ­ჩი­ნოს­ნე­ბი არი­ან გა­რე­უ­ლე­ბი და მათი და­ვა­ლე­ბით არ ტარ­დე­ბა სა­გა­მო­ძი­ე­ბო მოქ­მე­დე­ბე­ბი.

უფ­ლე­ბა­დამ­ცვე­ლი აცხა­დებს რომ, არ­სე­ბობს უტყუ­ა­რი მტკი­ცე­ბუ­ლე­ბე­ბი, რომ­ლე­ბიც მი­უ­თი­თე­ბენ გა­მომ­ძი­ებ­ლე­ბის მიერ პრო­ფე­სი­ულ საქ­მი­ა­ნო­ბა­ში ჩა­დე­ნილ და­ნა­შა­ულ­ზე:

"ეს საქ­მე თა­ვი­დან­ვე არ იქნა გა­მო­ძი­ე­ბუ­ლი. არა არ­ცოდ­ნის, ან გულ­გრი­ლი და­მო­კი­დე­ბუ­ლე­ბის გამო, არა­მედ შეგ­ნე­ბუ­ლად. პი­რა­დად ვე­სა­უბ­რე გა­მომ­ძი­ე­ბელს და მი­ვუ­თი­თე კონ­კრე­ტულ სა­გა­მო­ძი­ე­ბო მოქ­მე­დე­ბებ­ზე, მაგ­რამ მან ეს არ გა­ა­კე­თა შეგ­ნე­ბუ­ლად. გარ­დაც­ვა­ლე­ბის მი­ზე­ზი რომ დად­გე­ნი­ლი­ყო, ეს არ იყო რთუ­ლი. ვი­დე­ო­კა­მე­რე­ბის ჩა­ნა­წე­რე­ბი ამო­ი­ღეს ნა­წი­ლობ­რივ და ყვე­ლა­ზე მთა­ვა­რი, ჩა­ნა­წე­რე­ბი, რო­მე­ლიც ნა­თელს მოჰ­ფენ­და გარ­დაც­ვა­ლე­ბის დე­ტა­ლებს, სპე­ცი­ა­ლუ­რად არ ამო­უ­ღი­ათ.

საქ­მე­ში არის უტყუ­ა­რი მტკი­ცე­ბუ­ლე­ბე­ბი, რომ­ლე­ბი­თაც დგინ­დე­ბა გა­მომ­ძი­ებ­ლე­ბის შეგ­ნე­ბუ­ლი და­ნა­შა­უ­ლი პრო­ფე­სი­ულ საქ­მი­ა­ნო­ბა­ში. გა­მო­ძი­ე­ბამ გა­ა­კე­თა ყვე­ლა­ფე­რი, რომ არ გახ­სნი­ლი­ყო საქ­მე. იკ­ვე­თე­ბა რო­გორც გა­მომ­ძი­ებ­ლის, ისე პატ­რულ-ინ­სპექ­ტო­რე­ბის და­ნა­შა­უ­ლი. რას ითხოვს გარ­დაც­ვლი­ლის დედა ისეთს, რომ ვერ გა­კეთ­დეს? სამი წე­ლია ითხოვს შვი­ლის გარ­დაც­ვა­ლე­ბის მი­ზე­ზის დად­გე­ნას. რად­გან მა­ლა­ვენ, გა­მო­დის რომ სის­ტე­მუ­რი და­ნა­შა­უ­ლია" - აცხა­დებს AMBEBI.GE-სთან და­ვით გერ­მა­ნო­ზაშ­ვი­ლი.

ზუ­რაბ ხუ­ციშ­ვი­ლის გარ­დაც­ვა­ლე­ბის საქ­მე­ში ჩა­ერ­თო "ადა­მი­ა­ნის უფ­ლე­ბა­თა დაც­ვის ცენ­ტრი". ორ­გა­ნი­ზა­ცი­ის ად­ვო­კა­ტის გან­ცხა­დე­ბით, საქ­მე კლა­სი­კუ­რი მა­გა­ლი­თია იმი­სა, თუ რო­გო­რი და­მო­კი­დე­ბუ­ლე­ბა აქვს სის­ტე­მას იმ და­ნა­შა­უ­ლე­ბის გა­მო­ძი­ე­ბის მი­მართ, სა­დაც სა­ვა­რა­უ­დოდ, სა­მარ­თალ­დამ­ცველ­თა ბრა­ლე­უ­ლო­ბა იკ­ვე­თე­ბა:

"ეს არის გა­მო­სა­ყო­ფი საქ­მე, მა­გა­ლი­თი იმი­სა, რო­გორ მიმ­დი­ნა­რე­ობს სა­გა­მო­ძი­ე­ბო მოქ­მე­დე­ბე­ბი და მუ­შა­ო­ბა ისეთ და­ნა­შა­უ­ლებ­ზე, სა­დაც ფიქ­სირ­დე­ბა ძა­ლო­ვა­ნე­ბის მიერ ჩა­დე­ნი­ლი, სა­ვა­რა­უ­დო და­ნა­შა­უ­ლის ფაქ­ტე­ბი. საქ­მე­ზე არ­სე­ბობს მტკი­ცე­ბუ­ლე­ბე­ბი, რაც ადას­ტუ­რებს, რომ პო­ლი­ცია ხუ­ციშ­ვილს სდევ­ნი­და, შვი­დი ეკი­პა­ჟია იდენ­ტი­ფი­ცი­რე­ბუ­ლი, მაგ­რამ სამი წლის გან­მავ­ლო­ბა­ში არც ერთს არ წარ­დგე­ნია ბრა­ლი.

რამ გა­მო­იწ­ვია დევ­ნის და­წყე­ბა და რო­გორ აღ­მოჩ­ნდა მტკვრის ერთი სა­ნა­პი­რო­დან მე­ო­რე­ზე უსა­ბუ­რა­ვო ავ­ტო­მო­ბი­ლი? ელე­მენ­ტა­რულ კი­თხვებ­საც კი არ აქვს გა­ცე­მუ­ლი პა­სუ­ხე­ბი სამი წლის თავ­ზე. სა­მარ­თალ­დამ­ცვე­ლე­ბი არ ახორ­ცი­ე­ლებ­დნენ სა­გა­მო­ძი­ე­ბო მოქ­მე­დე­ბებს, ან იმ­დე­ნად დაგ­ვი­ა­ნე­ბით ახორ­ცი­ე­ლებ­დნენ, უკვე ეფექ­ტი არ ჰქონ­და. საქ­მე­ში ფი­გუ­რი­რე­ბენ საკ­მა­ოდ ცნო­ბი­ლი მა­ღალ­ჩი­ნოს­ნე­ბი, რის გა­მოც სა­ვა­რა­უ­დოდ ჭი­ა­ნურ­დე­ბა გა­მო­ძი­ე­ბა" - აცხა­დებს ნეს­ტან ლონ­და­რი­ძე.

მე­სა­მე წე­ლია პრო­კუ­რა­ტუ­რა ამ საქ­მეს სის­ხლის სა­მარ­თლის 115-ე მუხ­ლით იძი­ებს, რაც თვით­მკვლე­ლო­ბამ­დე მიყ­ვა­ნას გუ­ლის­ხმობს.

რა ეტაპ­ზეა გა­მო­ძი­ე­ბის პრო­ცე­სი და იკ­ვე­თე­ბა თუ არა ვინ­მეს პა­სუ­ხის­მგებ­ლო­ბის სა­კი­თხი - ამ კი­თხვე­ბით AMBEBI.GE -მ პრო­კუ­რა­ტუ­რას მი­მარ­თა, თუმ­ცა პა­სუ­ხი ჯერ არ მიგ­ვი­ღია.

საქ­მის ად­ვო­კა­ტე­ბი "ადა­მი­ა­ნის უფ­ლე­ბა­თა ცენ­ტრის" დახ­მა­რე­ბით ამ­ზა­დე­ბენ დო­კუ­მენ­ტებს სტრას­ბურ­გის სა­სა­მარ­თლო­ში წარ­სად­გე­ნად, რად­გან მი­იჩ­ნე­ვენ, რომ სა­ქარ­თვე­ლო­ში გა­მო­ძი­ე­ბა შეგ­ნე­ბუ­ლად იბ­ლო­კე­ბა...