მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ შეგვეშინდება ამ ფორმატის, კიდევ 28 წელი გავა" - როგორ აფასებენ ქართველი ექსპერტები ასლან ბჟანიას განცხადებას ქართულ-აფხაზური დიალოგის შესახებ
15:49 / 16-01-2020
დიალოგი არის პირველი აუცილებელი წინაპირობა, რომ დეოკუპაციის პროცესი დაიწყოს და აუცილებელია, რომ ჩვენი მხრიდანაც გარკვეული ინიციატივები იყოს გაჟღერებული, - ასე ეხმაურება კონფლიქტოლოგი გიორგი კანაშვილი აფხაზეთის ოპოზიციის ლიდერის და „პრეზიდენტობის“ კანდიდატის ასლან ბჟანიას „ინტერპრესნიუსისთვის“ ექსკლუზიურად მიცემულ ინტერვიუში გაჟღერებულ პოზიციას სოხუმსა და თბილისს შორის დიალოგის დაწყების შესახებ.
კონფლიქტოლოგის შეფასებით, ამ ეტაპზე ეს განცხადება ძალიან პოზიტიურია.
„ჩვენ ბოლო პერიოდში ამგვარი რამდენიმე განცხადება ვნახეთ. იგივე აფხაზეთის დე ფაქტო რესპუბლიკის ყოფილი პრემიერ-მინისტრის სერგეი შამბასი, იგივე ასლან ბჟანიასი, რომელიც დიდი ალბათობით დე ფაქტო პრეზიდენტი გახდება. ეს არის პირი, რომელიც მომდევნო 4-5 წლის განმავლობაში აფხაზეთის მთავარი ადამიანი იქნება. ამ ეტაპზე ეს განცხადება ძალიან პოზიტიურია. აუცილებელია, რომ ჩვენი მხრიდანაც, თბილისის მხრიდანაც ამ მიმართულებით გარკვეული ინიციატივები იყოს გაჟღერებული, რომ ჩვენი მხარეც მზად არის. საინტერესო იყო ბჟანიას ნათქვამში ის, რომ ისინი, ყველანაირი წინაპირობის გარეშე მზად არიან მოლაპარაკებებისთვის. ამავე ინტერვიუში ბჟანიამ გალთან დაკავშირებით პირდაპირი პასუხები არ გასცა, მაგრამ აშკარაა, რომ გალთან მიმართებაშიც, დიდი ალბათობით, რაღაცები შეიცვლება. ინტერვიუში არსად არ ფიგურირებს სიტყვა რუსეთი და აფხაზეთის ნებისმიერი ხელისუფალი არც არაფერს არ იტყვის რუსეთზე ნეგატიურს ამ კონტექსტში“, - განაცხადა გიორგი კანაშვილმა.
მისივე განმარტებით, საქართველოს ხელისუფლებამ აფხაზებს საქართველოში მათი პერსპექტივა კარგად უნდა დაანახოს.
„კიდევ ერთი ფაქტორი არის ის, რომ ქართველებთან უფრო მეტი დიალოგით მათ აფხაზეთში რუსეთის მზარდი ზეგავლენის დაბალანსება სურთ. ამ მიმართულებით საფიქრალია და საქართველოს ხელისუფლებამ უფრო მეტი უნდა იფიქროს, თუმცა საარჩევნო წელია და ეჭვი მეპარება ხელისუფლებამ ამ საქმიანობისთვის მნიშვნელოვნად მოიცალოს. მაგრამ არიან პოლიტიკური პარტიები, რომლებსაც ამ ყველაფერზე ფიქრის გაძლიერება ძალუძთ და ამაზე უნდა იფიქრონ კიდეც. ყველაფრის ქართულ-რუსულ კონტექსტში გადატანა შეცდომაა. აუცილებელია ცალ-ცალკე სოხუმთან და ცხინვალთან საუბარი იმიტომ, რომ დეოკუპაცია ვერანაირად ვერ განხორციელდება თუ აფხაზების და ოსების საქართველოსკენ შემობრუნება არ მოხდება. ეს არის პირველი აუცილებელი წინაპირობა, რომ დეოკუპაციის პროცესი დაიწყოს. თუ ჩვენ საზოგადოებებს შორის ნდობა არ აღდგა, რუსეთი ამით მანიპულირებას განაგრძობს. დიახ, ქართველებს, ოსებსა და აფხაზებს შორის ხიდებია ასაშენებელი და ნდობა არის გასაჩენი.იმის ილუზია არ უნდა გვქონდეს, რომ აფხაზეთში და ოსეთში რუსული ბაზები დღეს და ხვალ გაქრება, ამიტომ ვიდრე ამ მიმართულებით პროგრესი არ არის, ჩვენ უნდა ვიმუშავოთ იმაზე, რომ ნდობა აღდგეს იქ აფხაზურ საზოგადოებაში ქართველებთან მიმართებაში და კარგად დაინახონ რა განსხვავებაა, ქართველებსა და რუსებს შორის, საქართველოსა და რუსეთს შორის. საქართველოში მათი პერსპექტივა კარგად უნდა დაანახოს ქართულმა ხელისუფლებამ და საზოგადოებამ“, - აღნიშნა გიორგი კანაშვილმა.
ასლან ბჟანიას განცხადებები შეაფასა ასევე ექსპერტმა, თორნიკე შარაშენიძემ. თორნიკე შარაშენიძის აზრით, ბჟანიას ეს პასუხი დამაიმედებელია და აფხაზეთთან მოლაპარაკებების პროცესის დაძვრის ნიშნებს ხედავს.
„ჩემი აზრით, ასლან ბჟანიას ეს პასუხი დამაიმედებელია. ყველაფერს ისეთს ვერ იტყვის, რაც ჩვენ მოგვეწონება. რეალურად ის ამბობს, რომ ნებისმიერ ფორმატში მზად არის დიალოგისთვის, ჩვენი მხრიდან პრანჭვას და პირობის წაყენებას აზრი არ აქვს. დრო მიდის და როგორც ჩვენ წინააღმდეგ, ისე მათ წინააღმდეგ მუშაობს, ისინი უფრო ზიანდებიან იმიტომ, რომ აბსოლუტური თვითიზოლაციის გზას ადგანან, მაგრამ ჩვენს ინტერესებში არის, რომ დაიძრას პროცესი. მე ამის ნიშნებს ვხედავ, მაგრამ, ბუნებრივია, ჩვენზე არის დამოკიდებული. მე მეშინია ჩვენი საზოგადოების გარკვეული ნაწილის ისტერიკის, რომელიც მოჰყვება ამ განცხადებას. დაველაპარაკოთ, ოღონდ ჩუმად, წყნარად სხვა ფორმატში შევხვდეთ. თუ შეგვეშინდება ფორმატის, კიდევ 28 წელი გავა. ჩვენ თაობას კიდევ ახსოვს აფხაზეთი, მომავალ თაობას საერთოდ არ ემახსოვრება და არანაირი ემოციური ბმა აფხაზეთთან არ ექნება, სურვილი არ ექნება არანაირი, რომ აფხაზეთი დაიბრუნოს და თუ გვინდა ეს პრობლემა გადავჭრათ, ეს ჩვენი თაობის საქმეა და მომავალ თაობას ამას ვერანაირად ვერ დავუტოვებთ. მათ ამის არც სურვილი და არც საშუალება ექნებათ,“ - აღნიშნა თორნიკე შარაშენიძემ.
სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს, - ამის შესახებ „ინტერპრესნიუსთან“ ექსკლუზიურ ინტერვიუში, აფხაზეთის ოპოზიციის ლიდერმა და „პრეზიდენტობის“ კანდიდატმა ასლან ბჟანიამ განაცხადა.
მისივე თქმით, „მთავარია დიალოგმა დადებითი შედეგი მოგვცეს და არ აქვს მნიშვნელობა ამ დიალოგში რამდენი მხარე იქნება ჩართული“.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გაეხსნათ გონება ექსპერტებს???