მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ ირანი ამერიკელებს დაესხმება თავს, 52 ირანულ სამიზნეს ძალიან ძლიერად დავარტყამთ" - როგორ ემუქრებიან ერთმანეთს ტრამპი და ირანელი ლიდერები
14:41 / 05-01-2020
ირანელი გენერლის, ყასემ სოლეიმანის მკვლელობის შემდეგ, ირანის პარლამენტმა პირველი სესია გამართა. „სიკვდილი ამერიკას“ - სკანდირებდნენ ირანის პარლამენტის წევრები. ირანის პარლამენტის თავმჯდომარემ ყასემ სულეიმანის მკვლელობას აშშ-ის მიერ განხორციელებული ტერორისტული აქტი უწოდა და აშშ-ს ურჩია, იქამდე დატოვოს რეგიონი, სანამ რაიმე სერიოზული მოხდება.
„დონალდ ტრამპ, თქვენ სერიოზული დანაშაული ჩაიდინეთ. ეს თქვენთვის ძალიან მძიმე შედეგებს მოიტანს“, - განაცხადა მან.
ამასთანავე ცნობილი გახდა, რომ სოლეიმანის ცხედარი ერაყიდან ირანის ქალაქ აჰვაზში გადაასვენეს.
აშშ-ის პრეზიდენტი დონალდ ტრამპი კი აცხადებს, რომ თუკი ირანი ამერიკელებს დაესხმება თავს, შეერთებული შტატები 52 ირანულ სამიზნეს ძალიან სწრაფად და ძლიერად დაარტყამს.
“ირანი ძალიან თამამად აცხადებს: იმის გამო, რომ მათი ტერორისტი ლიდერი სამყაროს ჩამოვაშორეთ, ისინი აშშ-ის გარკვეულ ობიექტებს უმიზნებენ. დაე, ეს ჩაითვალოს მუქარად: იმ შემთხვევაში, თუ ირანი ამერიკელებს ან ამერიკულ ობიექტებს დაესხმება თავს, ჩვენი სამიზნე 52 ირანული ადგილია და ამ სამიზნეებსა და თავად ირანს ძალიან სწრაფად და ძლიერად დავარტყამთ“, - წერს ტრამპი სოციალურ ქსელ „ტვიტერში.“
მისივე თქმით, ამ 52 სამიზნისგან ზოგიერთი ძალიან მაღალი დონის და ძალიან მნიშვნელოვანია ირანისა და ირანული კულტურისთვის.
გენერალ ყასემ სოლეიმანის მოკვლა, იგივეა რაც ირანისთვის ომის გამოცხადება, - ამის შესახებ გაერო-ში ირანის ელჩმა მაჯიდ თახთ რავანჩიმ CNN-ს განუცხადა. მისივე თქმით, პასუხი სამხედრო ქმედებაზე - სამხედრო ქმედებაა.
„სოლეიმანის მკვლელობა ნებისმიერი თვალსაზრისით არის სახელმწიფო ტერორიზმის გამოხატულება და როგორც კრიმინალური აქტი წარმოადგენს უდიდეს საფრთხეს საერთაშორისო კანონმდებლობის ფუნდამენტური პრინციპებისადმი“, - განაცხადა რავანჩიმ.
ამასთან, ამერიკის შეერთებული შტატების სახელმწიფო მდივანი, მაიკ პომპეო ევროპულ ქვეყნებს აკრიტიკებს და აცხადებს, რომ აშშ-მა გენერალ ყასიმ სულეიმანის ლიკვიდაციით, ევროპელების სიცოცხლეებიც იხსნა.
„ბრიტანელებმა, ფრანგებმა, გერმანელებმა, ყველამ უნდა გააცნობიეროს ჩვენ რა გავაკეთეთ, ამერიკელებმა რა გააკეთეს, მათ ადამიანები იხსნეს ევროპაშიც... ეს მთელი მსოფლიოსთვის დადებითი მოვლენა იყო“, - განაცხადა პომპეომ „ფოქს ნიუსის“ ეთერში.
მისივე თქმით, სოლეიმანი და მისი სამხედრო მოკავშირეები თავდასხმებს გეგმავდნენ.
„ჩვენ დეტალების შესახებ ბევრს ვერ ვისაუბრებთ, თუმცა საკმარისია იმის თქმა, რომ ამერიკელმა ხალხმა უნდა იცოდეს, რომ პრეზიდენტ ტრამპის გადაწყვეტილებამ სულეიმანის განადგურების შესახებ გადაარჩინა ამერიკელების სიცოცხლე“, - განაცხადა პომპეომ.
„მე, ორი დღე რეგიონში ჩვენს პარტიონებთან საუბარში გავატარე. მათ ვუზიარებდი ინფორმაციას ჩვენი ქმედებების შესახებ, რას ვაკეთებთ, რატომ ვაკეთებთ. მათი დახმარება გვსურდა. მათ არაჩვეულებრივად გაიგეს, ხოლო როცა სხვა რეგინებში დავიწყეთ საუბარი ჩვენს პარტნიორებთან ყველაფერი არც ისე კარგად იყო. სიმართლე გითხრათ, ევროპელები არ აღმოჩნდნენ დახმარებისთვის მზად ისე, როგორც მინდოდა ყოფილყვნენ“, - განაცხადა პომპეომ.
შეგახსენებთ, რომ 3 დღის წინ ერაყის დედაქალაქში, აშშ-ის მიერ აეროპორტზე მომხდარ საჰაერო თავდასხმისას სხვა სამხედრო მაღალჩინოსნებთან ერთად, ირანის უმაღლესი სამხედრო ოფიციალური პირი, ქასიმ სულეიმანი დაიღუპა. ირანის უმაღლესი ხელისუფლების პირები აშშ-ს შურისძიებით ემუქრებიან.
გუშინ ირანის რევოლუციური გვარდიის ერთ-ერთმა მეთაურმა გოლამალი აბუჰემზამ განაცხადა, რომ ირანმა ამერიკული სამიზნეების იდენტიფიცირება დიდი ხნის წინ მოახდინა. „ჩვენთვის ადვილად ხელმისაწვდომი 35 ამერიკული სამიზნე რეგიონში და ასევე თელ-ავივია“, - აღნიშნა მან.
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ტრამპი რა შუაშია, 3 დღე გადაწვეს და მიანგრ-მოანგრიეს ამერიკს საელჩოს მიმდებარე ტერიტორია ბაღდადში და ტეამპს აბა რა უნდა ექნა?! არაფერი?! ეტყობა თეირანში ჯერ არ მიუღწევია ამბავს რომ, ამერიკის პრეზიდენტი ჰუსეინ ობამა აღარ არის. ზუსტად ისეა, დედაბერი აკუებდა და თვითონ წყრებოდაო. კიდევ გაფხაკუნდებიან?! ლაზერული ბომბები მზადაა და ჩამოიკიდონ მერე ყურებზე ის ატომური ბომბები, რომლითაც მთელ მსოფლიოს რომ აშინებენ.
სადაც ამერიკამ ფეხი დადგა, ყველგან ძალით აურია სიტუაცია. სირია, ავღანეთი, ლიბია, პაკისტანი, ეს ყველა ამერიკის ,,აშენებული'' ქვეყნებია.