როგორი იქნება 2020 წლის იანვარი - წლის პირველი თვის ასტროლოგიური პროგნოზი

მოემზადეთ სიახლეებისთვის, საინტერესო მოვლენებით დატვირთული წელი იწყება და იანვარი მნიშვნელოვანი ცვლილებების პირველი თვეა.

იანვრის პირველ დღეებში მზე თხის რქაშია, აქვეა პლანეტა იუპიტერიც, - ბედნიერების პლანეტა. ამიტომ ადამიანებში მოიმატებს ოპტიმიზმი, თვალსაწიერისა და საზღვრების გაფართოების სურვილი. გახალისდებიან ის ადამიანებიც კი, ვისაც ჩვეულებრივ, განმარტოება და სიმშვიდე უყვარს. თევზები, მშვილდოსნები, თხის რქები და კუროები ხშირად შეხვდით მეგობრებს, კოლეგებს, სასურველია, მორიელი ნათესავებთან ერთად შეხვდეს დღესასწაულს. მარტოხელა ქალწულებს კი რომანტიკული ნაცნობობა ელით.

ზოდიაქოს ყველა ნიშანმა მაქსიმალურად ეცადეთ, რომ "ოქროს შუალედი" დაიცვათ ყველაფერიში, ერთი უკიდურესობიდან მეორეში ნუ გადავარდებით. მეტი დრო დაუთმეთ ახლობლებთან ურთიერთობას. მეტად დატკბით სიმშვიდით, თავისუფლებით. გამონახეთ დრო და შინაგან სამყაროსაც მიხედეთ. შეგიძლიათ ფილოსოფიასა და ეზოტერიკასაც მიმართოთ. ერთი გაფრთხილება უნდა მოგცეთ ყველას, ნუ დაუახლოვდებით ადამიანებს, რომელთა ზრახვებიც თქვენთვის ბოლომდე უცნობია და ნუ გამოიტანთ ნაჩქარევ დასკვნებს.

სადღესასწაულო დღეებში შინ ნუ ჩაიკეტებით, ხშირად გადით საზოგადოებაში. 3-4 იანვარს მოერიდეთ ახლობლებთან და ზოგადად გარშემო მყოფებთან კონფლიქტს. უმჯობესია, ენერგია კეთილი საქმეების შესრულებას მოახმაროთ.

7-დან 14 იანვარს პლანეტა ნეპტუნის გავლენით ადამიანებში მოიმატებს შთაგონება. მოგინდებათ იოგის ასანების შესრულება და მედიტაცია. აგრეთვე კარგი პერიოდია ცეკვისა და მუსიკით ტკბობისთვის. ეს ყველაფერი დაგეხმარებათ, გაისუფთაოთ ენერგეტიკა. თუნდაც, უხეში საკვებისგან მიღებული. ნუ გადავარდებით ილუზიებში. გაფრთხილდით არ გახდეთ თაღლითების მსხვერპლი.

მორიელს გაიტაცებს თეატრი, თხის რქა წიგნების (ძირითადად ფილოსოფიური ჟანრის) კითხვას გადაწყვეტს. კურო, მერწყული და თევზები სასურველია, რომ ფიტნეს კლუბში, იოგა ცენტრში ან სპა-პროცედურებზე ჩაეწეროთ.

9-20 იანვარს თქვენს მოთმინებას პლანეტა პლუტონი გამოსცდის. ეცადეთ, ყველაზე რთულ სიტუაციაშიც კი არ დაკარგოთ თვითკონტროლის შეგრძნება - ეს ზოდიაქოს ყველა ნიშანს ეხება.

20 იანვრის შემდეგ კარგად შეძლებთ მოლაპარაკებების წარმართვას, კარგი პერიოდი დაუდგებათ მწერლებს, პედაგოგებს, რეკლამისა და ინტერნეტ-მარკეტინგის სფეროში მომუშავეებს. განსაკუთრებით მშვილდოსნებსა და ვერძებს. თქვენ შეძლებთ უცხოელ კოლეგებთანაც კი გააუმჯობესოთ დამოკიდებულება, გააფორმოთ ხელშეკრულებები. კოლექტივში ახალი კადრების შემოყვანა არ გაუჭირდებათ ტყუპსა და მერწყულებს. სასწორები კი ახალ ინფორმაციებზე იქნებიან ორიენტირებულების, თხის რქა ყველასგან ფარულად ეცდება მუშაობას. ამ უკანასკნელებს კლიენტების რაოდენობაც მოემატებათ.

იანვრის მეორე ნახევარში ფინანსური საკითხების მოგვარებას შეძლებთ. მაგრამ გარჯაც მოგიწევთ, ფული ციდან არ ჩამოცვივდება. ზოგიერთს შემოსავლის დამატებითი წყარო გამოუჩნდება. წარმატება ელის ვაჭრობისა და სახელმწიფო სამსახურის სფეროში მომუშავეებს.

ამავე პერიოდში სასურველია დამატებითი სამუშაოს მოძიება, ახალი ხელშეკრულებების გაფორმება, ვერძს ოფისში მუშაობა მოუნდება, კურო ახალი პროფესიის დაუფლებას, პროფესიაში გაზრდას გადაწყვეტს. ტყუპს გაიტაცებს ფსიქოლოგია და ბიზნესი. მამაკაცი ქალწულები კიდევ უფრო მეტად დაინტერესდებიან თეატრით. თევზებს წარმატება ელის სარეკლამო სფეროში. თხის რქასა და მშვილოდოსანს კი ფულის გამომუშავების სურვილი გაუჩნდებათ.

თვის მესამე დეკადაში პლანეტა სატურნის გავლენა მოიმატებს. ადამიანები მეტად დისციპლინირებულები გახდებიან. უფროსობა ხშირად მოგთხოვთ სამუშაოს დროულად შესრულებას. კარგ შედეგს მოგიტანთ დოკუმენტების გაფორმება. საქმეებში საბოლოო წერტილის დასმა. ამ პერიოდს განსაკუთრებით იგრძნობენ მესამე დეკადაში დაბადებული სასწორები და მორიელები. თქვენში მოიმატებს ორგანიზებულობა. 21-31 იანვრის შუალედში შეიძლება გამჟღავნდეს თქვენი საიდუმლო. ამიტომ მაქსიმალურად ფრთხილი უნდა იყოთ.

ზოგადად იანვრის შუა და ბოლო დეკადა მოვლენებით იქნება დატვირთული. 20-25 იანვრის შუალედში სხვადასხვა ქვეყანაში საზოგადოებრივ ცხოვრების გააქტიურებას ველოდებით. 24-31 იანვრის პერიოდში შეიძლება მოიმატოს დაპირისპირებამ სხვადასხვა პარტიათა შორის, შეიძლება სხვადასხვა ქვეყნის ლიდერი დაუპირისპირდეს ერთმანეთს ან მსხვილი ბიზნესკომპანიები. ეს ყველაფერი კი, რა თქმა უნდა, ეკონომიკასა და ვალუტის კურსზეც აისახება.

19-31 იანვრის პერიოდში სიფრთხილე გმართებთ მგზავრობისას (ნებისმიერი ტრანსპორტით), ზოგადად გადაადგილებისას. ზოგიერთ ადამიანს ცხოვრების სხვადასხვა სფეროში კორექტივების შეტანა მოუნდება. გაფრთხილდით, რათა არ დაუშათ შეცდომები საქმეებში, არ გაართულოთ დამოკიდებულება ახლობლებთან.

თვის ბოლოსკენ გაგიუმჯობესდებათ განწყობა. სამსახურში სამუშაოს რაოდენობა და ზემდგომებისგან კონტროლი იკლებს. მელანქოლიკებიც კი ცხოვრებას ნათელ ფერებში დაინახავენ. ხშირად დაესწარით გასართობ წვეულებებს. იანვრის ბოლოს ხშირად შეხვდით ნათესავებს და გააუმჯობესეთ მათთან დამოკიდებულება.

2020 წლის დასაწყისში პლანეტა მარსი მშვილდოსნის ზოდიაქოში გადაინაცვლებს, რის შედეგად ადამიანებში მიმატებს ოტიმისტური განწყობა. გაგიტაცებთ სპორტის მხიარული სახეობები: თხილამურები, ციგურაობა. ფიზიკური აქტიურობა ზოდიაქის ყველა წარმომადგენელს წაადგება, პოზიტიური ენერგიის დაგროვებისთვის. უფრო მეტიც, 31 იანვრიდან გაუმჯობესდება დედამიწის ბიოსფეროც. მშვიდობიანდ მოგვარდება უსიამოვნებები.

ლომი გასართობ სპორტის სახეობებში უნდა ჩაერთოს. სასწორებმა მეტი უნდა იაროთ ფეხით. თხის რქებმა კი სულიერებაზე უნდა იფიქროთ და შეიძლება მონასტერსაც კი ესტუმროთ. თხის რქის მმართველი მკაცრი პლანეტა სატურნია, მისი გავლენით, ზოდიაქის ზოგიერთ ნიშანს სადღესასწაულო დღეების შემდეგ მომატებული წონის დაკლება მოუნდება. რის გამოც შეიძლება სპორტდარბაზში ჩაეწროს და მკაცრ დიეტაზეც კი "დაჯდეს". ესენია: პირველი დეკადის ვერძი, კურო, ტყუპი, სასწორი, მშვილდოსანი და თქის რქა. აგრეთვე, მესამე დეკადის: კურო, ქალწული და თევზები.

იანვარი რომანტიკული ნაცნობობისთვის საუკეთესო თვეა. კუროს ინტერნეტნაცნობობა ელის, ქალწულმა შეიძლება სხვა თვალით შეხედოს თანაკურსელს, მშვილოდოსანსა და თევზებს სამსახურებრივი რომანი ელით. მერწყულს პოტენციურ მეორე ნახევარს და-ძმები ან მეზობლები გააცნობენ. თხის რქა და მერწყული შეიძლება მოულოდნელად დაუახლოვდეს მას, ვისთანაც ადრე მეგობრობა ან ხანმოკლე რომანი აკავშირდებათ.