მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მე ჩემს გორელ გოგოს ვგულშემატკივრობ..." - 31 დეკემბერს "საქართველოს ვარსკვლავის" ფინალია, როგორია მოლოდინები და ვინ ვის გამარჯვებას ელოდება
18:17 / 23-12-2019
მეგაპროექტმა "საქართველოს ვარსკვლავი" ფინალისკენ სტარტი აიღო. 31 დეკემბერს გრანდიოზული შოუა დაგეგმილი, სადაც ერთმანეთს 4 კონკურსანტი შეეჯიბრება. ერთ-ერთი "საქართველოს ვარსკვლავის" ტიტულს მოიპოვებს. ფინალური შოუსთვის მზადება კონკურსანტებმა თორნიკე ყიფიანმა, ბარბარა სამხარაძემ, მარიამ გოგიბერიძემ და თამარ კაკალაშვილმა უკვე დაიწყეს.
მათგან თორნიკე ყიფიანი 6 "ლაივშოუს" გამარჯვებულია. კონკურსის ნახევარფინალს დათო რუსაძე გამოეთიშა. რა შედეგებით დასრულდება პროექტი, ამას 31 დეკემბრის ახალი წლის ღამე გამოავლენს.
თიკო ბერძენიშვილი, ჟიურის წევრი:
- "პირველი არხის" მაყურებლისთვის ნამდვილად დღესასწაულია ყოველი ტური. არაერთხელ გვითქვამს და გვისაუბრია იმაზე, რომ კონკურსი კონკურსია თავისი სიხარულებით და ტკივილებით, მაგრამ ეს ყველაფერი კონკურსის ფარგლებს გასცდა. ყოველი ლაივი კონცერტია, მუსიკალური ექსპერიმენტი, ასეთი რამ იშვიათად ხდება. შემიძლია მაყურებელს ვუთხრა, რომ 31-ში ნამდვილი დღესასწაული იქნება. ვისაც უნდა, ახალი წელი გარეთ, პოზიტიურად და ხალისიანად გაატაროს, 21 საათზე ფილარმონიაში უნდა მოვიდეს, მერე კი 23 საათზე რუსთაველზე, ღია ცის ქვეშ კონცერტს შეუერთდეს. ასე რომ, შევხვდეთ გარეთ ახალ წელს და გავატაროთ ის "საქართველოს ვარსკვლავთან" ერთად. ეთერს 21 საათზე დავიწყებთ და 23 საათზე დასრულდება. შემდეგ ჩვენს ეთერში ტრადიციული საახალწლო კონცერტი (ღია ცის ქვეშ) დაიწყება.
- თორნიკე 6 ლაივის გამარჯვებულია, ეს რაზე მეტყველებს?
- კი, ასეა და ციფრების მჯერა. არ შეიძლება, არ დაიჯერო, თუმცა ერთი მინდა ვთქვა, რომ კონკურსები ყოველთვის სიურპრიზებით არის სავსე. თორნიკეს ფეხდაფეხ მიჰყვება მაგალითად, ბარბარა... ამიტომ, კონკურსი დაძაბული და საინტერესო უნდა გამოვიდეს, რადგან არავინ იცის, რა მოხდება.
ოთო ნემსაძე, "საქართველოს ვარსკვლავის" წინა სეზონის გამარჯვებული:
- ჯგუფი, რომელიც ამ პროექტზე მუშაობს, როგორც ყოველთვის მოწოდების სიმაღლეზეა. ამ ადამიანების პროფესიონალიზმი სცდება საქართველოს ფარგლებს. ბევრ ქვეყანაში მაქვს მსგავსი პროექტი ნანახი და მონაწილეობაც მიღებული, მაგრამ "ნოვა პროდაქშენმა" კარგად იცის კონტენტის შექმნა. ხმა, მუსიკალური პროდიუსინგი - ყველაფერი საოცარ ნამუშევარს ქმნის. ამისთვის დიდი მადლობა მათ. "საქართველოს ვარსკვლავს" საუკეთესო კონკურსანტები ჰყავს, თითოეული ინდივიდუალიზმით გამოირჩევა, ძალიან მაგარი ვოკალური მონაცემები აქვთ. მე ჩემს გორელ გოგონას, თამარ კაკალაშვილს ვგულშემატკივრობ. ნებისმიერი, ვინც უნდა გაიმარჯვოს და "ევროვიზიაზე" წავიდეს, სხვა ვოკალისტებს შორის საქართველოს საუკეთესო ვოკალისტი ეყოლება.
- შენ გაქვს გამოცდილება და იცი რას ნიშნავს იქაური სცენა. ამ ოთხეულიდან ყველა შეძლებს "ევროვიზიის" კონკურსანტობას?
- ვფიქრობ, რომ ის კონკურსი ფორმატებად არ უნდა დავყოთ, არ შეიძლება. ჩემთვის არსებობს მუსიკა და სხვა დანარჩენი. ვინც "ევროვიზიას", როგორც არამუსიკალურ პროექტს, ისე უყურებს, ეს დანაშაულია. ის არის მუსიკა და ძალიან კარგი "შეფუთვა" იმ ადამიანის, რომელიც იქ მიდის. ამას თანხები, სპონსორები სჭირდება. მოკლედ, საკითხს სწორად უნდა მივუდგე და შედეგსაც მივაღწევთ. საქართველოდან ვინც არ უნდა წავიდეს, მაინც იმაზე მაგარი იქნება, ვინც იქ დახვდება. არ არსებობს აქედან ვოკალურად სუსტი მოხვდეს იქ - წარმატების შანსი ყველას აქვს.
მარიამ შენგელია, "საქართველოს ვარსკვლავი" მან გასულ ტურზე დატოვა:
- ისე მოხდა, რომ ნახევარფინალში ვერ გავედი, მაგრამ გული არ მწყდება. ჩემი მთავარი მიზანი იყო, ორკესტრთან ერთად მემღერა, რაც ავიხდინე. ნიკოლოზ რაჭველის დირიჟორობით ორკესტრთან ერთად კორდილიას არია (ინგლისურად) შევასრულე. ეს ჩემთვის ორმაგი დატვირთვა იყო. იმ დღეს ისეთი აღფრთოვანებული ვიყავი, უკვე აღარც ვფიქრობდი, პროექტს დავტოვებდი თუ გავაგრძელებდი. ერთი, რაზეც გული დამწყდა, ბავშვებს ჩემოვშორდი, რეპეტიციებს ვეღარ ვესწრები. ისე, შემიძლია დავესწრო, მაგრამ რაღაც გულდაწყვეტა მაინც არის... თუ მკითხავთ, ვის ვგულშემატკივრობ, გეტყვით, რომ ყველას, რადგანაც ყველა ჩემი მეგობარია. მინდა, რომ თითოეული წინ წავიდეს. ეს პროექტი როგორც უნდა დამთავრდეს, რა მნიშვნელობა აქვს? თითოეული ჩვენგანისთვის ეს ბიძგი იქნება, რომ წინ წავიდეთ. რომ არა "საქართველოს ვარსკვლავი", ხალხის ამხელა სიყვარულს, გამოხმაურებას ვერ დავიმსახურებდი. შოუმ ის მომიტანა, რომ უფრო მეტმა ადამიანმა გამიცნო. ამასთან, დიდი გამოცდილებაც დავაგროვე.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამხარაძე ყველას სჯობია