პეტრე ყუფარაძე არის ცოტნეს ძალიან ახლო მეგობარი - გამორიცხულია, თავდასხმის მონაწილე ყოფილიყო, ის დაეხმარებოდა ცოტნეს - ცოტნე გამსახურდიას მეუღლე
პეტრე ყუფარაძე არის ცოტნეს ძალიან ახლო მეგობარი. გამორიცხულია, ის თავდასხმის მონაწილე ყოფილიყო,- ამის შესახებ ცოტნე გამსახურდიას მეუღლემ ანა ჯაბაურმა ხეჩინაშვილის საავადმყოფოში ჟურნალისტებს განუცხადა, რითაც ცოტნე გამსახურდიას დაჭრის საქმეზე ერთ-ერთი დაკავებულის, პეტრე ყუფარაძის შესახებ დასმულ შეკითხვას უპასუხა.
მისი თქმით, ყუფარაძე მხოლოდ დაეხმარებოდა დაჭრილს, ხოლო სხვა ყველა დაკავებული, ჯაბაურის შეფასებით, ნამდვილად დანაშაულის თანამონაწილეა.
“პეტრე ყუფარაძე არის ცოტნეს ძალიან ახლო მეგობარი. პეტრე გამორიცხულია თავდასხმის მონაწილე ყოფილიყო. ის დაეხმარებოდა ალბათ ცოტნეს. რისთვის დააპატიმრეს გაურკვეველია ჩემთვის. დანარჩენი ყველა მონაწილეობდა. როდის შეატყობინებდა სამართალდამცველებს წარმოიდგინეთ, მეც რომ ვყოფილიყავი მარტო ცოტნეს დახმარება გამახსენდებოდა”,- განაცხადა ჯაბაურმა.
ვერსიას, რომ შელაპარაკება ცოტნე გამსახურდიასა და მასთან ერთად სუფრასთან მსხდომთა შორის სწორედ მაგიდასთან მოხდა, ჯაბაური სრულად არ ეთანხმება და აცხადებს, რომ ეს ვერსია დამახინჯებულია.
“სისხლი ესხა ჭიშკართან. თუ სუფრაზე იჩხუბეს, მაშინ ჭიშკართან როგორ მოხვდა. მე, როგორც ვფიქრობ, ჭიშკართან დახვდნენ. იქ აბსურდული რაღაცებიც წერია, ეს ვერსია დამახინჯებულია. სწორი შეიძლება რაღაც კუთხით იყოს, მაგრამ დამახინჯებულია”,- განაცხადა ჯაბაურმა.
ცნობისთვის, ცოტნე გამსახურდიას დამამძიმებელ გარემოებაში, ჯგუფურად ჩადენილი განზრახ მკვლელობის მცდელობის ბრალდებით სისხლისსამართლებრივ პასუხისმგებლობაში 2 პირი - გიორგი სოლოღაშვილი (ქვათაძე) და ტატო ღარიბაშვილია მიცემული, დანაშაულის შეუტყობინებლობის ბრალდებით კი დაკავებულია 3 პირი: კახა ჩხეტიანი, პეტრე ყუფარაძე, თორნიკე ქვათაძე.
ვინ არის ანუკი არეშიძის ულამაზესი რძალი, რომლის მეუღლე საზოგადოებამ წლების წინ სკანდალით გაიცნო
კარფურის ქსელში ლოტომანია დაიწყო!
