23
აპრილიდღის ზოგადი ასტროლოგიური პროგნოზი
მასწავლებელთა პროფესიული განვითარების ინკლუზიური განათლების ხელშეწყობის პროგრამის მენეჯერი, სალომე ჩარკვიანი 15 წლის მოზარდის გარდაცვალების შესახებ წერს.
"ფეისბუქზე" გამოქვეყნებულ მის პოსტში ვკითხულობთ, რომ საზოგადოების უმრავლესობაა დამნაშავე იმაში, რომ არასრულწლოვნები რადიკალურ დასასრულამდე მიდიან:
"მშობლებო, გაგიკვირდათ? მე არ გამკვირვებია, იმიტომ რომ ყოველ დღე მიწევს თქვენი აგრესიისგან თქვენივე შვილების, ან მათი რთული ქცევის მქონე კლასელების დაცვა და ვერ ვიცავ, იმიტომ რომ თქვენ უმრავლესობაში ხართ.
მასწავლებლებო, გაგიკვირდათ? მე არ გამკვირვებია, იმიტომ რომ ყოველ დღე მესმის, როგორ რიყავთ ჯგუფიდან თქვენი საზომით წარუმატებელ ბავშვებს, როგორ შეურაცხყოფთ მათ პატარა პიროვნებას, როგორ ლანძღავთ ამ დაუმორჩილებელ ჭინკებს. ვერ ვიცავ მათ, იმიტომ რომ თქვენ უმრავლესობაში ხართ.
ტრანსპორტის მგზავრებო, შეშფოთდით ხო? თქვენ ხართ, ამრეზით რომ გადახედავთ ხოლმე როგორი უზრდელი თაობაა, ხმამაღლა რომ იცინიან, კედლებს როგორ ხატავენ, უცნაურად როგორ იცვამენ რომ იქნებ რამე გაგაგებინონ. ვერასდროს ვერ გაიგეთ და თქვენ უმრავლესობაში ხართ.
ბავშვებო, შეწუხდით თქვენი თანატოლის სუიციდზე? თქვენ ხართ, ძველი ტანსაცმლის, განსხვავებული გემოვნების ან უცნაური ხასიათის გამო რომ ბოლომდე შეგიძლიათ გაწიროთ ადამიანი და თან წიხლიც მიაყოლოთ. ამას გასწავლიან ყველგან, დაჩაგრე თორემ დაგჩაგრავენო და ამ დაჩაგრულს არაფერი შეუძლია, იმიტომ რომ თქვენ უმრავლესობაში ხართ.
სახელმწიფოვ, არადა რა კარგად დავზოგეთ ფული სოციალურ მუშაკებზე, ფსიქოლოგიურ სერვისებზე, არაფორმალურ განათლებაზე, მასობრივ სპორტზე. არ იყო პრიორიტეტი, იმიტომ რომ ამომრჩეველი ბიულეტენის აღების დროს არ ფიქრობს, აბა ვინ რა გაუკეთა ჩვენს ბავშვებსო და რას ვიზამთ, ისინი უმრავლესობაში არიან" - წერს სალომე ჩარკვიანი.
15 წლის ბიჭი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. ლუკა სირაძემ თვითმკვლელობა მას შემდეგ სცადა, რაც "მწვანე სკოლასთან" დაკავშირებული ინციდენტის შემდეგ, პოლიციაში დაკითხეს. ბიჭის ოჯახი სამართალდამცველებს ფსიქოლოგიურ ზეწოლაში ადანაშაულებს.
რომელი ჯობია ვერ გაიგებ. მე მთელი ცხოვრება ჩემი მშობლები იმას მასწავლიდნენ, არავინ დაჩაგროვო და თუ დაინახაც ვინმეს ჩაგრავენ, შენ დაიცავიო. დღეს როცა უკვე დიდი გავიზარდე, დღესაც ასე ვიქცევი, მიუხედავად იმისა, რომ საზოგადოება ამას ვერ იგებს, ან ჰქონია რომ სპეციალურად "ვთამაშობ" კარგი გოგოს როლს. საქმე საქმეზე რომ მიდგეს, ზუსტად ვიცი არავინ დამიცავს, ყველა მაინც ზედ გადამივლის. სახლში რომ მივალ მერე მომწერს აფერისტულ სმს-ს ერთი, ან ორი კაცი მაინც. ვითომ ჩემს მხარდასაჭერს!!! ასე რომ ვერ გაიგებ, რა ჯობია?!
ეს სიმართლეა მაგრამ გამოსავალი ალბათ არსებობს. ყველა ბავშვი იმსახურებს საზოგადოების მეტ ყურადღებას.