30
მარტიდღის ზოგადი ასტროლოგიური პროგნოზი
"თიბისის" და თბილისის საკრებულოს ინიციატივით, ვარკეთილში გამწვანების აქცია გაიმართა, რომლის ფარგლებში ქალაქში 1 300 კედრის მარადმწვანე ხე დაირგო.
„თიბისის“ მიერ ქალაქისთვის შეძენილი ხეები თაყაიშვილისა და ალექსიძის ქუჩებზე დაირგო. გამწვანების აქციაში მონაწილეობა თბილისის მერმა - კახა კალაძემ, საკრებულოს თავმჯდომარემ - გიორგი ტყემალაძემ და თიბისი ბანკის გენერალურმა დირექტორმა - ვახტანგ ბუცხრიკიძემ ადგილობრივ მოსახლეობასთან ერთად მიიღეს.
კახა კალაძის თქმით, თბილისის მერიისთვის ეკოლოგია მნიშვნელოვანი მიმართულებაა, რომლის ფარგლებში დედაქალაქში ახალი მწვანე სივრცეები იქმნება.
„დღეს ვარკეთილში ვიმყოფებით, სადაც კიდევ ერთი გამწვანების აქცია მიმდინარეობს. მადლობას ვუხდი „თიბისი“ ნერგების გადმოცემისთვის. დღეს დაირგო მარადმწვანე კედრის ნერგები და ვფიქრობ, რომ ძალიან ლამაზი გამოვა ეს კონკრეტული გზაგამყოფი.“- განაცხადა კახა კალაძემ.
გიორგი ტყემალაძის განცხადებით, თბილისში გამწვანების აქციები ხშირად იმართება, რაც დედაქალაქის ეკოლოგიური მდგომარეობის გაუმჯობესებას უწყობს ხელს.
"დღეს მასშტაბური გამწვანების აქცია გაიმართა. "თიბისის" მხარდაჭერით, თაყაიშვილისა და ალექსიძის 2 კილომეტრიან მონაკვეთზე მარადმწვანე ხეები დაირგო. მსგავსი აქციები ჩვენი ქალაქის ეკოლოგიური მდგომარეობის გაუმჯობესებას უწყობს ხელს და ამ მხრივ ძალიან მნიშვნელოვანია ბიზნესსექტორისა და სხვადასხვა ორგანიზაციების ჩართულობა". - აღნიშნა გიორგი ტყემალაძემ.
ვახტანგ ბუცხრიკიძის თქმით, „თიბისისთვის“ მწვანე საფარის გაშენების მიმართულება პრიორიტეტულია და ამ მიზნით ბანკში არაერთი ინიციატივა ხორციელდება.
„მსგავს პროექტებში მონაწილეობა ძალიან მნიშვნელოვანია „თიბისისთვის“. დღეს ქალაქის მერთან და საკრებულოს თავმჯდომარესთან ერთად 1 300 ხე დავრგეთ, თუმცა ეს ერთადერთი ინიციატივა არ არის, რომელსაც „თიბისი“ მწვანე საფარის გაშენების მიმართულებით ახორციელებს. ბანკის ინიციატივით, ბორჯომში 2017 წელს გაჩენილი ხანძრის შედეგად გადამწვარი ტყის აღსადგენად, 17 500 კავკასიური ფიჭვი დაირგო. შედეგად, ბორჯომში დაზიანებული ტყის საფარი აღდგება.“ - განაცხადა ვახტანგ ბუცხრიკიძემ.
აღსანიშნავია, რომ გამწვანების აქციაში მონაწილეობასთან ერთად „თიბისის“ სხვა აქტივობებიც ეკომეგობრულია, რაც გარემოზე ნეგატიური ზემოქმედებას ამცირებს. ამ მიზნით კომპანიაში ხორციელდება სხვადასხვა ინიციატივები:
- დაიწყო თიბისის ავტოპარკის ეტაპობრივად ეკო მანქანებით ჩანაცვლება, რის შედეგადაც საგრძნობლად შემცირდა საწვავის მოხმარება;
- თიბისის ახალი სათავო ოფისი, რომლის მშენებლობა ლისის ტბის მიმდებარე ტერიტორიაზე უკვე მიმდინარეობს, 80/20 კონცეფციას ეფუძნება, რაც იმას ნიშნავს, რომ ტერიტორიის მხოლოდ 20 % ზე განხორციელდება მშენებლობა, 80 % კი გამწვანებისა და რეკრეაციული ზონების მოწყობას დაეთმობა;
- თიბისიში უკვე დაიწყო ნარჩენების დახარისხვება, პლასტმასის ჭიქების ქარალდის ჭიქებით ჩანაცვლება, მაკულატურის გადამუშავებით წიგნების დამზადება;
R
ავტორი: თეკლე ჯანელიძე
მარტო დარგვა არ არის საკმარისი, მოვლაც უნდა, რომ არ გახმეს.