ადამიანმა თქვა, მინდა წასვლაო და ძალით ხომ არ ვამუშავებთ? თან დაგვპირდა, რომ ილოცებს - გიორგი გახარია ლევან სურგულაძის გადადგომაზე

ადამიანმა თქვა, მინდა წასვლაო და ძალით ხომ არ ვამუშავებთ? თან დაგვპირდა, რომ ილოცებს, - ამის შესახებ პრემიერ-მინისტრმა გიორგი გახარიამ საპენსიო სააგენტოს დირექტორის, ლევან სურგულაძის გადადგომასთან დაკავშირებით განაცხადა.

„საპენსიო რეფორმა არის ქვაკუთხედი, როგორც სოციალური სტაბილურობის ქვეყანაში და გრძელვადიანი ძალზედ პრინციპულად მნიშვნელოვანი რეფორმა ქვეყნის ეკონომიკისთვის. ბატონმა სურგულაძემ, მე როგორც ვიცი, საწყის ეტაპზე საკმაოდ კარგად შეასრულა თავისი ფუნქციები. ეს მისი პირადი გადაწყვეტილებაა და მის პირად გადაწყვეტილებას მე კომენტარს ვერ გავუკეთებ. სააგენტოს სხვადასხვა დონეზე სხვადასხვა სახე ჰყავს და მოგეხსენებათ, სააგენტოს წესდებიდან გამომდინარე, ის იყო ფაქტობრივად მენეჯერი. სააგენტოს ჰყავს ბორდი და კიდევ სხვა ბევრი მმართველი, ასევე ძალზედ პატივსაცემი და მაღალი რეპუტაციის მქონე მმართველები,“ - განაცხადა გიორგი გახარიამ.

• "საპენსიო სააგენტოს" დირექტორი პოსტს ტოვებს - "ვილოცებ საპენსიო რეფორმის წარმატებით გაგრძელებისთვის"