მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დაპირისპირება ჰესის გამო არ დაწყებულა... მიზეზი სხვა რამეა" - რას ჰყვება პანკისში დაჭრილი მურად ქავთარაშვილის ძმა
23:44 / 27-11-2019
პანკისის ხეობაში ქავთარაშვილებსა და მუთოშვილებს შორის დაპირისპირება ჰესის გამო არ დაწყებულა. ამის შესახებ „ინტერპრესნიუსს“ დაპირისპირების შედეგად დაჭრილი მურად ქავთარაშვილის ძმამ, მერაბ ქავთარაშვილმა განუცხადა.
მისივე განმარტებით, აღნიშნული მიზეზი მოგონილია.
„პანკისის ხეობაში დაპირისპირება ჰესის გამო არ დაწყებულა. ჰესი ამ დაპირისპირებასთან არანაირ შუაშია არაა. დაპირისპირების მიზეზი სხვა რამეა. მუთოშვილებსა და ქავთარაშვილებს შორის შეკამათება 4 თვის წინ დაიწყო, 4 აგვისტოს. ახლა უნდათ, რომ ჰესზე გადაიტანონ ყურადღება, მაგრამ ჰესი არაფერ შუაში არ არის“, - განაცხადა მერაბ ქავთარაშვილმა. ის დაპირისპირების შედეგად ადამიანის დაღუპვის გამო მწუხარებას გამოთქვამს.
მერაბ ქავთარაშვილმა არ დაადასტურა ასევე ინფორმაცია, რომ მისი ძმა მურად ქავთარაშვილი ინტერპოლით არის ძებნილი. მისი განმარტებით, ის და მისი ძმა ერთ-ერთმა რუსულმა ტელევიზიამ, „რენტევემ“ 2013 წელს ტერორიზმში დაადანაშაულა, თუმცა ეს სიცრუეა.
„ის, რომ თითქოს ჩემი ძმა, მურად ქავთარაშვილი ინტერპოლით არის ძებნილი, აბსოლუტური ტყუილია. ეს რუსების მიერ გავრცელებული ჭორებია და მათი წამოწყებული კამპანიაა. რუსეთის ტელევიზიამ „რენტევემ“ გადაცემა „ვაინაია ტაინაში“ 2013 წელს მე და ჩემი ძმა ტერორიზმში დაგვადანაშაულა, მაგრამ ეს აბსოლუტური ტყუილია. მე მაშინ პანკისის ხეობაში რწმუნებული ვიყავი, მოქეიფე კაცი ვარ, ცხოვრებაში იარაღი არ მინახავს და დამადანაშაულეს, რომ ვითომ სააკაშვილის მარჯვენა ხელი ვიყავი და მთელი იარაღი რუსეთში მე გადამქონდა. გასულ წელს, 10 დეკემბერს, საფრანგეთში ჩავედი და 10 იანვარს ჩამოვედი, ინტერპოლით ძებნილი რომ ვიყო, არ დამიჭერდნენ? რაც შეეხება ჩემს ძმას, არც ჩემს ძმას უყვარს კადიროვი და არც კადიროვს უყვარს ჩემი ძმა და შეიძლება, ეს იყო საფუძელი, რომ ჩემი ძმა ტერორიზმში დაადანაშაულეს. კადიროვი ჩემთან და ჩემს ძმასთან იმიტომ არის დაპირისპირებული, რომ მურად მარგოშვილი ჩვენი ალალი დეიდაშვილია“, - განაცხადა მერაბ ქავთარაშვილმა.
შეგახსენებთ, რომ პანკისში მუთოშვილებსა და ქავთარაშვილებს შორის დაპირისპირების შედეგად მისი მუთოშვილი დაიღუპა, ოთხი ადამიანი კი დაიჭრა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რის ატმის კურკა მე აქაური არ ვარ