!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნიღბიანები მეუბნებოდნენ: მამაო, ილოცე ჩვენზე, ჩვენი ოჯახის წევრებიც აქ დგანანო" - ვინ არის ბერი, რომელიც აქციაზე სპეცრაზმსა და ხალხს შორის იდგა
12:46 / 19-11-2019
მამა ნექტარიოს მჭედლიძის ფოტოები სოციალურ ქსელში უამრავმა მომხმარებელმა გააზიარა. პარლამენტთან მიმდინარე აქციაზე, სპეცრაზმსა და ხალხს შორის მდგარი სასულიერო პირი, საკმაოდ ემოციური სანახავი იყო...
მამა ნექტარიოსის შესახებ ფართო საზოგადოებამ პირველად მაშინ გაიგო, როდესაც 5 ნოემბერს, სამტრედიაში ავტოავარიაში დაღუპული 24 წლის შაკო ბარამიძისთვის წესის აგების სურვილი გამოთქვა (ბარამიძე "გირჩის" რელიგიური ორგანიზაცია "ბიბლიური თავისუფლების" წევრი იყო, რის გამოც ადგილობრივმა სასულიერო პირმა გარდაცვლილის ოჯახს წესის აგებაზე უარი უთხრა, ავტ).
როგორ მოხვდა საპროტესტო ტალღაში სასულიერო პირი, რომელიც საბერძნეთის ეკლესიის იურისდიქციაში ირიცხება და რა ხდებოდა აქციაზე - ამის შესახებ AMBEBI.GE-ს მამა ნექტარიოსი თავად ესაუბრა:
- მოვლენების განვითარებას ტელევიზიით ვუყურებდი და როდესაც სიტუაცია დაიძაბა, ვიფიქრე, რომ სადაც ჩემი მოტყუებული ახალგაზრდობა იდგა, იქ იყო ჩემი ადგილი. წავედი პარლამენტის წინ და ჩავდექი სპეცრაზმსა და მომიტინგეებს შორის.
ძალიან მძიმე გარემო იყო, ნიღბიანი ადამიანები მეუბნებოდნენ - მამაო ილოცე ჩვენზე, მოგვიხსენიე ლოცვებში, ჩვენი ოჯახის წევრებიც აქ დგანანო...
- რა რეაქცია ჰქონდათ სპეცრაზმელებს სასულიერო პირის დანახვაზე?
- რაც შემიძლია ვთქვა და თავადაც შეიძლება დაადასტუროს, როდესაც გიგა მაქარაშვილის დაკავება დაიწყეს, მივმართე არ დაარტყათ-მეთქი და მართლა გაითვალისწინეს. მათი მეთაურები იყვნენ აგრესიულები, თორემ სპეცრაზმელები - არა.
- რამდენ ხანს იყავით აქციაზე?
- ბოლომდე, წყლის ჭავლი რომ გამოიყენეს, იქ ვიყავი და რადგან ძალიან დავსველდი, ვეღარ შევძელი და წამოვედი. მე იქ მაკო გომურის გამოც ვიყავი. სხვათაშორის, ორი დღის წინაც ვიყავი აქციაზე, როდესაც მთავრობა თვალებში ნაცარს გაყრის, გატყუებს, იმ მთავრობას რა უნდა დაუჯერო?!
- სხვა აქციებშიც თუ მიგიღიათ მონაწილეობა?
- მე საქართველოში არ ვცხოვრობ, პერიოდულად ჩამოვდივარ, რადგან საბერძნეთში ვმოღვაწეობ. თუმცა, საქართველოს საპატრიარქოს იურისდიციაში რომ ვყოფილიყავი, მაინც იქ ვიდგებოდი. მე არავის მონა არ ვარ, მარტო ღვთის მონა ვარ, ერთადერთი ღმერთს ვემონები. მე ვთვლი, რომ სწორედ იქ უნდა ვმდგარიყავი, სადაც ვიდექი.
- სხვა სასულიერო პირი ხომ არ გინახავთ აქციაზე?
- არა, პირადად არ მინახავს. არც მგონია ვინმე ყოფილიყო.
- ბოლო დროს ხშირია როდესაც ქართველები საბერძნეთის ეკლესიაში მიდიან სასულიერო პირებად... რატომ? იქ უფრო მეტი თავისუფლებაა?
- ნამდვილად, იქ არ გზღუდავენ. გავიხსენებ სამტრედიელი ახალგაზრდის გარდაცვალების ფაქტს, რომელსაც წესს არ უგებდნენ, ეს ამბავი ჩემთვის შოკისმომგვრელი იყო. ჩემი მღვდელმთავარი საბერძნეთში ძალიან ჰუმანურია. მაგალითად, საქართველოს ეკლესიის იურისდიქციაში რომ ვიყო, არ მექნებოდა უფლება აქციაზე მისვლის, მაგრამ მაინც მივიდოდი, იმიტომ რომ არც ერთნი იყვნენ ბიზანტიელები და არც მეორე რომაელები, ყველანი ხომ საქართველოს შვილები ვართ.
- იმ სასულიერო პირებთან თუ გაქვთ ურთიერთობა, რომლებიც საქართველოს საპატრიარქოში ირიცხებიან?
- დიახ, უამრავი მწერს "ფეისბუქზე", ყოჩაღ, მამაო, თქვენს გამბედაობასო. საქართველოში ცხოვრებისას, მე სასულიერო პირი არ ვყოფილვარ, მაშინ ერთ-ერთი მღვდელმთავრის კურთხევით ჟურნალს ვუშვებდი.
2017 წლიდან კი უკვე საბერძნეთის საპატრიარქოს იურისდიქციაში ვირიცხები, ათენში წმინდა კიმოთე ეპისკოპოსის ტაძარში, სადაც ძალიან ხშირად გვაკითხავენ ქართველი ემიგრანტები.
მკითხველის კომენტარები /
62 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაცების მამაო, პეტრესი რა ხარ? გამომივიდა ეხლა ესეც მამა აბრამიის ბატკანი. ვახ რავა ყველა თამაშობთ?
მამაო, რა მაკო გომური? გომური იქნება მოძალადე თუ შტომური ამას აზრი არ აქვს ,თუ არ გეცოდება თავი შეასკდი სპეც რაზმს. გაფრთხილებს დაიშალე და ადექი და დაიშალე, როცა იქცევი არასწორად ან ხელს მოიტეხავ ან რაიმეს, მეც ვიყავი ორივე აქციაზე მაგრამ დროულად წამოვედი უვნებელი,