"არალოგიკური მეჩვენება ჟიურის შეფასებები" -  რას ამბობს  ნათია სუხაშვილი "მასტერშეფის" დატოვების შემდეგ

"მასტერშეფის“ სამზარეულოში ტემპერატურა იმატებს. 17 ნოემბერს შოუდან კიდევ ერთი მონაწილე, ნათია სუხაშვილი გამოეთიშა.

მონაწილეებს ხინკალი უნდა მოემზადებინათ. ნათიას მიერ მომზადებულმა ნადუღის ხინკალმა გუდის ყველითა და ერბოთი ჟიურის მოწონება ვერ დაიმსახურა და იგი შოუს დაემშვიდობა.

როგორ აფასებს ნათია კონკურსანტებს და რა გეგმები აქვს სამომავლოდ, წაიკითხეთ ინტერვიუში.

- ელოდი, რომ შოუს ამ ეტაპზე დატოვებდი?

- გულწრფელად გითხრათ, არ ველოდი. მით უმეტეს, იმის ფონზე, რომ დალიმ დაუსრულებელი კერძი წარმოადგინდა. მის ფონზე ჩემი გემრიელი, ტრადიციული და სრულყოფილი ხინკლის გავარდნა, ძალიან დიდი უსამართლობა მგონია.

- როგორ ფიქრობ, შენ დაუშვი შეცდომა? ჟიურის შეფასებას თუ ეთანხმები?

- ჩემს კერძთან ცოტა ორაზროვანი შეფასებები იყო. კონსტანტინეს მოეწონა. ლუკამ, რატომღაც, გაყინულ ხინკალს შეადარა... მიუხედავად იმისა, რომ ხინკალს ძალიან იშვითად ვამზადებ, მე პირადად კმაყოფილი ვარ ჩემი კერძით, დღემდე ვამაყობ და მგონია, რომ ძალიან კარგი გამოვიდა.

თუმცა, დროის უკან დაბრუნება რომ შეიძლებოდეს, რამე უფრო არატრადიციულს, კრეატიულს მოვიფიქრებდი, რომ ამით მაინც მომეგო ჟიურის გული.

- შოუში დარჩენილ კონკურსანტებზე რას გვეტყვი?

- დიმუ ძალიან საყვარელია. თავისი სტილი აქვს, თუმცა მგონია, რომ მეტი დახვეწილობა არ აწყენდა.მარტაზე მკაფიო დამოკიდებულება ვერ ჩამოვიყალიბე. თითქოს, ორიგინალურია, მაგრამ...

პიტო ჩემთვის ის კერძია, პირველად რომ გააკეთა - ყურძენი და ყველი - ორინგრედიენტიანი სამზარეულო. მისი კერძები ლამაზად გამოიყურება, თუმცა გასინჯვა არ მოგინდება. რადგან შეფებს მოსწონთ, ალბათ აქვს პოტენციალი „მასტერშეფში“.

ნუცა - დიდი პატივისცემა მის ბიოგრაფიას, მაგრამ ვფიქრობ, რომ მისი ამბიციები რეალობას აჭარბებს. წლების გამოცდილებაა საჭირო იმისათვის, რომ ის შედეგები დადოს, რისი ამბიციაც მას აქვს.

მარიამი მართლა პერსონაჟია, რეალობის შეგრძნებას მაკარგვინებს. მისი კერძი რომ გახდა რჩეული, მაგის მერე არ მიკვირს, რომ მე გავვარდი. რაღაც მხრივ, მართლა არალოგიკური მეჩვენება ხოლმე ჟიურის შეფასებები წაიკითხეთ ვრცლად