საქართველოს ბავშვთა სტომატოლოგების ასოციაციის(GAPD) მიერ, თბილისში, რიგით მესამე საერთაშორისო კონგრესი გაიმართა

საქართველოს ბავშვთა სტომატოლოგების ასოციაციის(GAPD) მიერ, თბილისში, რიგით მესამე საერთაშორისო კონგრესი გაიმართა, რომელიც ეძღვნებოდა, საქართველოს ბავშვთა სტომატოლოგების ასოციაციის ოფიციალურ წევრობას მსოფლიო ბავშვთა სტომატოლოგების ასოციაციაციაში.

სპეციალურად ამ კონგრესისთვის თბილისის ოფიციალური ვიზიტით ეწვია ასოციაციის გენერალური მდივანი არი კუპიეცკი, რომელიც პოსტ-კონგრეს კურსს, 4 ნოემბერს გამართავს, შემდეგი თემებით: ქცევითი მენეჯმენტი და ადგილობრივი ანსეთეზია.

საქართველოს ბავშვთა სტომატოლოგების ასოციაციის პრეზიდენტის, ნინო ბერიძის განცხადებით, არი კუპიეცკი, ხვალ თბილისის სახელწიფო უნივერსიტეტში, სხვადასხვა უნივერსიტეტების ლექტორებს შეხვდება და მათგან მოისმენს თუ როგორ ხდება სწავლება ბავშვთა სტომატოლოგიის. მისი თქმით, კუპიეცკი, საჭიროების შემთხვევაში რეკომენდაციასაც გასცემს.

„საქართველს ბავშვთა სტომატოლოგების ასოციაციის კონგრესს 350-ზე მეტი ექიმი ესწრება. ამ წლის ივლისში, კანკუნში, ჩატარდა ბავშვთა სტომატოლოგების სამიტი და ჩვენი ასოციაცია გახდა მსოფლიო ბავშვთა სტომატოლოგების ასოციაციის წევრი. ამ ინფორმაციასთან დაკავშირებით, თბილისში ჩამოსულია მსოფლიო ასოციაციის გენერალური მდივანი, არი კუპიეცკი, პროგრამით „Teach the teachers”. ხვალ, თბილისის ივანე ჯავახიშვილის სახელობის უნივერსიტეტში გამართავს შეხვედრას სხვადასხვა უნივერსიტეტებთან, მოისმენს მათგან თუ როგორ ხდება სწავლება ბავშვთა სტომატოლოგიის საქართველოში და საჭიროების შემთხვევაში გასცემს რეკომენდაციას და საკუთარ გამოცდილებას“, - აღნიშნა ნინო ბერიძემ.

მისივე თქმით, ვინაიდან ადრეული კარიესი არის ყველაზე ხშირად გავრცელებული ქრონიკული დაავადება, ამიტომ ძალიან მნიშვნელოვანია, რომ სწორად შეფასდეს ეტიოლოგიური ფაქტორები, მოხდეს დაავადების პრევენცია და ადრეულ სტადიაზე გამოვლენა, რაც ხელს შეუწყობს უფრო ჯანმრთელი თაობის ჩამოყალიბებას.

როგორც მსოფლიოს ტრავმატოლოგიური სტომატოლოგიის ასოციაციის პრეზიდენტმა, ზაფერ ჩეჰრელმა განაცხადა, დღევანდელ კონგრესზე საუბრის თემა შეეხებოდა ადრეულ ასაკში კბილის ტრავმებსა და მისი მკურნალობის გზებს.

„რაც შეეხება დრევანდელ თემებს, ეს იყო ადრეული ასაკის ტრავმები, ანუ ბავშთა ასაკში კბილის ტრავმები და მისი მკურანლობის გზები დ მეთოდები. ეს შეიძლება იყოს დაზიანებული კბილი, რომელიც მოტეხილია ან სხვა ტიპის ტრავმა აქვს მიღებული ან მუდმივი კბილების (და არა სარძევე) არხის მკურანლობა. ამ თემის მთელი პაკეტი წარმოვადგინე, როგორ უნდა ვუმკურნალოთ და რა პრობლემაა დასმული“, - განაცხადა ზაფერმა.

როგორც ექიმი-პედიატრი, მედიცინის დოქტორი, თემურ მიქელაძე აცხადებს, მსგავსი ტიპის კონფერენციები ხელს შეუწყობს საქართველოში ჯანმრთელობის დაცვის სხვადასხვა სერვისები განვითარებას.

„ასეთი მაღალი წარმოამდგენლობითი დონის კონფერენციები ხელს შეუწყობენ საქართველოში ჯანმრთელობის დაცვის სხვადასხვა სერვისები განვითარებას. მე ვთვლი, რომ ჯანმრთლეობის დაცვის სერვისების მხრივ, ჩვენი ქვეყანა ერთ-ერთი წარმატებულია რეგიონში. მე დღევანდელ კონფერენციაზე საუბარი მქონდა ყელის ტკივილის მართვაზე და ცხელების მართვაზე. ასეთი მომიჯნავე სპეციალობების დაახლოებით, კიდევ ერთხელ, მაქსიმალურად ხელს შევუწყობთ ჯანმრთელობის დაცვის სევისების განვითარებას“, - განაცხადა თემურ მიქელაძემ.

ცნობისთვის, მესამე საერთაშორისო კონგრესის ოქროს სპონსორია „პსპ“, ვერცხლის სპონსორი - კომპანია „ბიუთი ენდ ფაუერი“, სინქრონული თარგმანის და გახმოვანების სპონსორი - კომპანია „გეფა“-ს. სპონსორები: „საპარუს“, „გეა“. კონგრესის მხარდამჭერები არიან პროფესიული ასოციაციები - ჯეო-პერიო, რადიქსი, საქართველოს ორთოდონტთა ასოციაცია, ნინო ბერიძის ორთოდონტიული და ბავშვთა სტომატოლოგიური ცენტრები, კომპანია „ფორესტადენტი“. მედია-პარტნიორები - „პალიტრა“, „მკურნალი“, რადიო „ფორტუნა“.

კონგრესზე განსაკუთრებული სტუმრის სტატუსით მოწვეულია ლუიზიანისა (აშშ) და ჰაჯეტეპეს უნივერსიტეტების (თურქეთი) პროფესორი ზაფერ ჩეჰრელი. ის 100-ზე მეტი სამეცნიერო ნაშრომის და რამდენიმე წიგნის ავტორია. არის მსოფლიოს ბავშვთა სტომატოლოგიის ასოციაციის, ამერიკის პედიატრიული სტომატოლოგიის ასოციაციისა და დენტალური კვლევის საერთაშორისო ასოციაციის აქტიური წევრი. ამავდროულად არის სტომატოლოგიური ტრავმატოლოგიის საერთაშორისო ასოციაციის (IADT) დირექტორი. მიღებული აქვს რამდენიმე საერთაშორისო ჯილდო.

შეგახსენებთ, მიმდინარე წლის ივლისში, კანკუნში (მექსიკა) გაიმართულ მსოფლიოს ბავშვთა სტომატოლოგების ასოციაციის(IAPD) კრებაზე, საქართველოს ბავშვთა სტომატოლოგების ასოციაცია, (GAPD) მსოფლიო ბავშვთა სტომატოლოგების ასოციაციის წევრი ოფიციალურად გახდა.

ასოციაცია 2016 წელს დაფუძნდა. 2017-2018 წლებში ასოციაციის ორგანიზებით უკვე ჩატარდა პირველი და მეორე საერთაშორისო კონგრესი, რომლებსაც ესწრებოდა მრავალი ექიმი, როგორც საქართველოს, ისე მეზობელი ქვეყნებიდან (სომხეთი, აზერბაიჯანი, რუსეთი, უკრაინა). ამ წლების განმავლობაში ასოციაცია გაიზარდა, განვითარდა და უკვე წელს, ივლისში კანკუნში (მექსიკა) გაიმართულ მსოფლიოს ბავშვთა სტომატოლოგების ასოციაციის(IAPD) კრებაზე, საქართველოს ბავშვთა სტომატოლოგების ასოციაცია (GAPD) ოფიციალურად გახდა მსოფლიო ბავშვთა სტომატოლოგების ასოციაციის წევრი.