მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ალ-ბაღდადის ორი ცოლი ჯარისკაცებმა მოკლეს, თავად კი შვილებთან ერთად გვირაბში გაიქცა და თავი აიფეთქა - უმნიშვნელოვანესი სპეცოპერაციის დეტალები
12:21 / 28-10-2019
აშშ-ს პრეზიდენტმა დონალდ ტრამპმა კვირას დილით სატელევიზიო მიმართვაში განაცხადა, რომ „მსოფლიოს ნომერი პირველი ტერორისტი“ ლიკვიდირებული იყო.
მაშინ, როდესაც აშშ-ს ძალები ჩრდილოეთ სირიაში იმ შენობაში შეიჭრნენ, სადაც აბუ ბაქრ ალ-ბაღდადი იმყოფებოდა, „ისლამური სახელმწიფოს“ ლიდერმა თავი აიფეთქა. დონალდ ტრამპმა სპეცოპერაციის ბევრი დეტალის შესახებ ისაუბრა.
„აშშ-სა და მსოფლიოსათვის ძალიან მნიშვნელოვანი ღამე იყო. სასტიკი მკვლელი, რომელსაც უამრავი ადამიანის სიკვდილი უკავშირდება, ლიკვიდირებულია,“ - აღნიშნა მან.
CNN წერს, რომ ეს იყო ყველაზე მნიშვნელოვანი განცხადება მას შემდეგ, რაც 2011 წლის მაისში ბარაკ ობამამ მსოფლიოს ალ-ქაიდას ლიდერის, ოსამა ბინ ლადენის ლიკვიდაციის შესახებ აცნობა.
როგორ ვითარდებოდა სპეცოპერაცია
საიდუმლო ოპერაცია ადგილობრივი დროით დაახლოებით 17 საათზე დაიწყო, რვა ვერტმფრენით აშშ-ს სპეცდანიშნულების ძალები, ტრამპის თქმით, „ძალიან საშიშ ტერიტორიაზე“ გადაიყვანეს - იმ შენობასთან ახლოს, სადაც ალ-ბაღდადი იმყოფებოდა. მისიაში ჩართული იყო სხვა უამრავი საბრძოლო თვითმფრინავი და გემი.
ამასთან, სპეცოპერაციაში მონაწილეობისთვის ერაყისა და სირიის სხვადასხვა ადგილიდან ამერიკელი ჯარისკაცებიც გადასხეს.
ვერტმფრენებს ჯიჰადისტებმა ცეცხლი გაუხსნეს, თუმცა ავიაციამ საპასუხო სროლით საფრთხე გაანეიტრალა.
შენობაში შესვლის შემდეგ ჯარისკაცებმა „ისლამური სახელმწიფოს“ დიდი რაოდენობით მებრძოლი მოკლეს. სულ მცირე 2 ტერორისტი და მათი 11 შვილი ცოცხლად შეიპყრეს. ამერიკელმა ჯარისკაცებმა ალ-ბაღდადის ორი ცოლი მოკლეს, მათ თვითმკვლელი ქამრის ამოქმედება ვერ მოასწრეს.
ასეთივე ქამარი ეკეთა ალ-ბაღდადსაც. ის თავის სამ შვილთან ერთად გვირაბში გაიქცა.
„მან მიაღწია გვირაბის ბოლოს, უკან კი ჩვენი ძაღლები მისდევდნენ. ალ-ბაღდადიმ თვითმკვლელი ქამარი აამოქმედა, მოიკლა თავი და მოკლა საკუთარი სამი შვილიც. გვამები აფეთქების გამო დასახიჩრებულია,“ - აღნიშნა ტრამპმა.
გარდაცვლილი რომ ნამდვილად ალ-ბაღდადი იყო, დნმ-ის ტესტმაც დაადასტურა.
აშშ-ს პრეზიდენტის თქმით, სპეცოპერაციის დროს ამერიკულმა ძალებმა, ასევე, მოიპოვეს ძალიან მნიშვნელოვანი ინფორმაცია, მათ შორის - „ისლამური სახელმწიფოს“ გეგმების შესახებაც.
„ოპერაცია წარმატებული იყო. ჯარისკაცები უკან გამოვიყვანეთ. ორი მათგანი მსუბუქად დაზიანდა, ეს იყო უნაკლო ოპერაცია“ - აღნიშნა ტრამპმა. მისი თქმით, არცერთი ამერიკელი ჯარისკაცი არ გარდაცვლილა.
როგორ იპოვეს ალ-ბაღდადი
დონალდ ტრამპის ინფორმაციით, „ისლამური სახელმწიფოს“ ლიდერს ოპერაციამდე რამდენიმე კვირის განმავლობაში ადევნებდნენ თვალს.
სირიაში ქურთული ძალების მეთაურმა, მაზლოუმ აბდიმ „ტვიტერზე“ დაწერა, რომ წარმატებულ რეიდამდე სადაზვერვო ოპერაცია ხუთი თვის განმავლობაში მიმდინარეობდა.
CNN-ის წყაროების ინფორმაციით, ალ-ბაღდადის ადგილსამყოფელი აშშ-ს ცენტრალურმა სადაზვერვო სააგენტომ დაადგინა და ინფორმაცია თავდაცვის დეპარტამენტს გაუზიარა. ტრამპსა და ვიცე-პრეზიდენტ მაიკ პენსს „ისლამური სახელმწიფოს“ სავარაუდო თავშესაფრის შესახებ გასული კვირის დასაწყისში აცნობეს.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შთმბეჭდავია ამერიკული დაზვერვის მუშაობა და დაგეგმვის და გეგმის ასრულების უნარი--მხოლოდ ორი ჯარისკაცი დაშავდა მსუბუქად ასეთი რთული ოპერაციის შედეგად.