მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კადიროვის "საიდუმლო ციხეები" მისი უახლოესი გარემოცვისთვის - ჩეჩნეთში ელიტარული კლანების მასშტაბური წმენდა დაიწყო
15:31 / 27-10-2019
რამდენიმე დღის წინ მედიაში ჩეჩნეთის ლიდერის, რამზან კადიროვის ნათესავის ვიდეო გავრცელდა, სადაც ის ქალს ელექტროშოკით უსწორდება. ვიდეოში ასახული პიროვნება ჩეჩნეთის ლიდერის ნათესავია და, ცხადია, 2012 წელს სწორედ ამ გარემოების წყალობით დაინიშნა გროზნოს მერად.
მაშინ ისლამ კადიროვი 25 წლის იყო. მის განათლებაზე არაფერია ცნობილი, თუმცა, ამას ხელი არ შეუშლია, რომ ის ჩეჩნეთის ლიდერის რჩეული ყოფილიყო. მან გროზნოს მერის თანამდებობაზე 3 წელი იმუშავა, შემდეგ კი, ძალიან ჩახლართული კორუფციული სქემის გამო, სხვა, უფრო დაბალ პოსტზე - რესპუბლიკის ადმინისტრაციის ხელმძღვანელად გადაიყვანეს, სადაც კორუფციაში ჩაბმის შესაძლებლობა ნაკლებად ჰქონდა, თუ არ გავითვალისწინებთ, თანამშრომლებისთვის პრემიების სუბიექტურად გაცემას. ის რამზან კადიროვის ორ უახლოეს ქალბატონს სისტემატურად ურიცხავდა პრემიას, რის გამოც მისი დაღმასვლა დაიწყო. ისლამ კადიროვი კორუფციასა და ნარკოტიკებთან "ახლო ურთიერთობაში" ამხილეს.
ახლახან "Грозного ТВ"-მ ისლამ კადიროვის შესახებ სიუჟეტიც მოამზადა, სადაც მას ფსიქოტროპული მედიკამენტების ქურდობას აბრალებენ. ჩეჩნეთის ლიდერის პრეს-მდივნის, ალვი ქერიმოვას თქმით, მედიკამენტების მოხმარება ისლამ კადიროვმა ავტოავარიის შემდეგ დაიწყო. სიუჟეტი იმ კადრებით იწყება, სადაც ისლამი ასაკით მასზე ბევრად უფროს ქალს უყვირის და ელექტროშოკით უსწორდება. ისმის კაცის სიტყვებიც: "სად წაიღე ფული?!". ცოტა ხანში ის სხვა ქალის წინ ზის და ეუბნება: "ჩვენ ვიგონებთ ისტორიებს პუბლიკისთვის და ადამიანებს ასე ვხოცავთ", - შემდეგ ისევ პირველ ქალს უბრუნდება, - "შენ ჯერ მეჩეთში შეგარცხვენთ, შემდეგ კი მოგკლავთ". კადრებს ჩეჩნეთის ტელევიზიის თანამშრომლები იღებენ. სხვა კადრებში ჩანს, როგორ უგრეხენ ხელებს ისლამ კადიროვს დაცვის თანამშრომლები.
კადრების გამოქვეყნების შემდეგ, ჩეჩნეთის პოლიციამ გროზნოს ყოფილი მერის ქმედებებზე მოკვლევა დაიწყო. novayagazeta.ru-ს ცნობით, კადრებში ასევე კარგად არის ასახული, თუ როგორ უსწორდებიან ზოგადად ადამიანებს ჩეჩნეთში. მაგალითად, როგორ ექცეოდა ისლამ კადიროვი იმ ადმაიანებს, ვინც კომუნალურ გადასახადებს არ იხდიდა - მათ შორის რამზან კადიროვის ახლობლებიც არიან. სიუჟეტს "ღამის ვიზიტები" ჰქვია და მას ისლამ კადიროვი, ძალოვნებთან ერთად, რეგულარულად ატარებდა.
"უცნაურია ის ფაქტი, რომ დღემდე ჩეჩნეთის ხელისუფლება უარყოფდა მსგავსი ფიზიკური ანგარიშსწორების შესახებ ბრალდებებს, ისევე, როგორც უკანონო დაჭერებისა და წამების ფაქტებს, მიუხედავად იმისა, რომ არსებობდა ფაქტები და მტკიცებულებები. კიდევ უფრო უცნაურია ის, რომ რამან კადიროვმა საკუთარი გარემოცვის დასჯა გადაწყვიტა. ამ დრომდე ის რუსეთის კანონებით მხოლოდ დაბალ ფენას სჯიდა. თავის გარემოცვას კი, შეცდომების შემთხვევაში, თავისებური მეთოდებით უსწორდებოდა.
მასშტაბური წმენდა "ლუქს კლასში"
უფრო ადრე, novayagazeta.ru წერდა, რომ ბოლო ხანებში "საიდუმლო სარდაფში" არაერთი ჩეჩენი მაღალჩინოსანი ჩაიყვანეს და წამების შედეგად, მათგან უამრავი საიდუმლო და არალეგალური ბიზნესის შესახებ მიიღეს ინფორმაცია. შემდეგ კი მათ საკუთრებაში არსებული უძრავი ქონება ჩამოართვეს.
"რთულია იმის ახსნა, თუ რატომ იქცევა ჩეჩნეთის ლიდერი ასე - ბოლო სამი თვეა კადიროვმა ელიტარული კლანების მასშტაბური წმენდა დაიწყო", - წერს გამოცემა.
novayagazeta.ru-ს ცნობით, კადიროვმა აგვისტოში გროზნოს შემდეგ ყველაზე დიდი ქალაქის, არღუნის მერი, იბრაგიმ თემირბაევი გაათავისუფლა, რომელიც წლების განმავლობაში მისი ბრძანების უსიტყვო შემსრულებელი იყო. არღუნის მერი თვალის დაუხამხამებლად იტაცებდა და "აქრობდა" იმ ადამიანებს, ვინც კადიროვის ხელისუფლებას რაიმე ფორმით საფრთხეს უქმნიდა. მთელს რესპუბლიკაში და (არა მხოლოდ) ცნობილია არღუნის ციხე, რომელიც სწორედ მან შექმნა.
თემირბაევის გათავისუფლების მიზეზად, ჩეჩენი მაღალჩინოსნების მიმართ არალოიალური დამოკიდებულება დასახელდა. სხვა ვერსიით კი, თემირბაევი სხვა ჩინოვნიკებთან სატელეფონო საუბარში კადიროვს "უღირსად" მოიხსენიებდა. თუმცა, რატომღაც ვერ მიხვდა, რომ საუბარი ისმინებოდა... ამის შემდეგ გროზნოს ტერიტორიაზე, ერთ-ერთ საიდუმლო სარდაფში რამდენიმე დღის განმავლობაში ჰყავდათ გამომწყვდეული. წამების შემდეგ, მან ყველა იმ ადმიანის გვარ-სახელი გაამხილა, ვისაც მასთან საუბაში რამზან კადიროვი აუგად მოუხსენებია.
თემირბაევის ადგილზე კადიროვის 28 წლის ნათესავი დაინიშნა, რითაც მან მაღალ პოსტებზე მისი ნდობით აღჭურვილი პირების დანიშვნის ტრადიცია გაამყარა.
"ყველა მათგანი, ვისაც თუნდაც დროებთ უმუშავია მაღალ პოსტზე, მონაწილეა იმ წამების, მასობრივი რეპრესიებისა და სექსუალური უმცირესობის წარმომადგენელთა მიმართ ძალადობის, რასაც კადიროვის ხელისუფლება წლების განმავლობაში ახორციელებდა", - წერს გამოცემა, რომლის ცნობითაც, ახლა ეს რეჟიმი მათაც მოუბრუნდათ, ოღონდ იმ განსხვავებით, რომ მათ წინააღმდეგ სისხლის სამართლის საქმე არასდროს აღძრულა. ისინი უბრალოდ "ქრებოდნენ". სხვა საკითხია, რამდენად ღრმად შეიჭრება კადიროვი თავისი გარემოცვის გაცხრილვაში.
არ არის გამორიცხული, რომ ისლამ კადიროვთან ერთად, სასამართლოს წინაშე სხვა არაერთი პირიც წარსდგეს და კანონის მთელი სიმკაცრით დაისაჯოს.
"ფაქტია, რომ ჩეჩნეთის ლიდერმა ისტორიული გადაწყვეტილება მიიღო - ის ჩეჩნეთის ელიტას უსწორდება, რაც ძალიან სახიფათო ნაბიჯია. ისლამ კადიროვი პირველი მაღალჩინოსანი და კადიროვის უახლოესი გარემოცვის წევრია, რომელსაც რუსეთის კანონებით გაასამართლებენ, თუმცა, ცხადია, რომ არა უკანასკნელი - ჩეჩნეთის ლიდერის ქმედებებიდან ჩანს, რომ მან სხვებიც ამოიღო მიზანში", - წერს გამოცემა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
