მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართველი ხელოვანის სამკაული, რომელმაც იტალიელები აღაფრთოვანა - "დევნილობა, ომი, ჩემი ტკივილი, ვეცადე მასში გადმომეცა..."
15:27 / 24-10-2019
ფატი კახნიაშვილს რამდენიმე პროფესია აქვს: ქიმია-ბიოლოგიის სპეციალისტია, 5 წელი კერძო სკოლაში ასწავლიდა, შემდეგ სამუშაოდ იუსტიციის სისტემაში გადაინაცვლა, სადაც 13 წელი იმსახურა. შარშან კი, პირველ აგვისტოს იქ საქმიანობა შეწყვიტა და ხელნაკეთი სამკაულების შექმნა დაიწყო...
AMBEBI.GE-ს ინტერესიც სწორედ მისმა საოცარმა ნამუშევრებმა გამოიწვია - ფატი კახნიაშვილი ნატურალური ქვებისგან: სერდოლიტი, აგატი, ნეფრიტი, ჟადეიტი, მართლაც საინტერესო და გამორჩეულ ხელოვნების ნიმუშებს ქმნის, რომლებმაც ცოტა ხნის წინ იტალიელების აღფრთოვანებაც დაიმსახურა:
"რასაც ახლა ვაკეთებ, თავიდან ჰობი, სამოყვარულო საქმე იყო, რადგანაც 13 წელი სახელმწიფო სამსახურში ვიყავი, რუტინული სამუშაო იყო და შინაგანად მოთხოვნილება გამიჩნდა, რაღაც მეკეთებინა და სამოყვარულო დონეზე ნატურალური ქვების გამოყენებით, სამკაულების შექმნა დავიწყე.
საინტერესო იყო ჩემთვის ეს ქვები, მათზე ბევრი ინფორმაციაც მქონდა და თან, სულ ვკითხულობდი და ვიგებდი, თითოეულს როგორი დადებითი ენერგეტიკა ჰქონდა. მინდოდა, მათთვის ხელი შემეხო და მათი გამოყენებით რაღაც საინტერესო შემექმნა. მცირე ნაკეთობებით დავიწყე და მტევნის ფორმის ყელსაბამი გამოვიდა. იმდენად მომხიბლა, კარგად გამოჩნდა სხეულზეც...
თან, ყურძენი გარკვეულწილად ბავშვობის ნოსტალგიაც იყო - სამაჩაბლოდან ვარ დევნილი, ყველა ომი, გასაჭირი გამოვლილი მაქვს და ჩემი ტკივილი ვეცადე, იმ სამკაულში გადმომეცა
მომავალი ნამუშვრების კონცეფციაც აქედან წამომივიდა. მტევანი "ჩაჯდა" არა მხოლოდ ღვინის აქსესუარებში, სამკაულებშიც, ძალიან ლამაზი იყო და საბოლოოდ გადავწყვიტე მტევანი, ვაზი ყველა სამკაულში მეჩვენებინა. ამ გადაწყვეტილებამ დიდი მოწონება დაიმსახურა, რაც მეტი სტიმული იყო, ეს საქმე მეკეთებინა“ - გვეუბნება ფატი კახნიაშვილი.
მეტალიდან ლატუნს იყენებს, ძვირფასი მეტალებიდან ვერცხლში გაკეთების მცდელობაც ჰქონდა. ოქროს გამოყენებასაც აპირებს, ოღონდ, ამბობს, რომ ჯერჯერობით ძვირი სიამოვნებაა...
"ძალიან ლამაზი იყო ვერცხლში გაკეთებული ყელსაბამი - თემატურად ღვინოს და საქართველოს ეხებოდა. ის იტალიაში კონკურსზე წარმოვადგინე. მასზე მთელი დღე და ღამე ვიმუშავე... გააჩნია სამკაულის სიდიდეს, ზომას. ყელსაბამზე მეტი დრო მიდის, მცირე ბროშებზე უფრო ნაკლები“ - გვიყვება ქალბატონი ფატი, რომელსაც უნდოდა, მისი ნამუშევრები აბსოლუტურად ქართული პროდუქტი ყოფილიყო და ბრენდის დასახელებად "ზილფი" (სამკაული ოქროსი, ვერცხლის ან სპილენძისა, ამ სამკაულს კავებსაც უწოდებდნენ, ავტ.) ამიტომ შეარჩია.
"ვაზის მტევანი ხომ საქართველოს კულტურის მთავარი ღერძია, რაც დიდ ისტორიას იტევს, რომ ყველაფერი ღვინის კულტურაშია გამოხატული და ეს იმდენად კარგად შეგვიძლია სამკაულით გადმოვცეთ, რომ კიდევ ერთხელ დავამახსოვროთ ჩვენი ქვეყანა საქართველოში ჩამოსულ უცხოელებს და არა მარტო მათ, ქართველებსაც მოვაწონოთ თავი. სასიხარულოა, რომ ქართველებსაც ძალიან მოსწონთ ჩემი ნამუშევრები“ - აღნიშნავს რესპონდენტი.
- ცოტა ხნის წინ თქვენი ნამუშევრები რომში იყო გამოფენილი. როგორ მიიღო ის იტალიელმა დამთვალიერებელმა?
- ეს უცხოეთში პირველი გასვლა იყო, მანამდე აპრილში საქართველოში მქონდა პირველი პერსონალური გამოფენა. ზუსტად ერთი წლის წინ კი, მოდის კვირეულზეც საკმაოდ კარგი გამოხმაურება მქონდა და შემდგომ ძალიან მალე გამიცნეს.
რაც შეეხება იტალიაში ჩატარებულ კონკურსში მონაწილეობას, ეს იდეა იტალიაში საქართველოს ახალგაზრდა ელჩმა, არაჩვეულებრივმა ნენო გაბელიამ მომაწოდა. ის პოპულარიზაციას უწევს არა მარტო ქართულ კულტურას...
მოკლედ, რომში ერთ-ერთ გალერეაში საინტერესო თემატური კონკურსი ჩატარდა და ინტერესით ჩავერთე. ნამუშევარი ისეთი უნდა ყოფილიყო, რომ რაიმე ამბავი მოეთხრო. დავიწყე სამკაულის გამზადება, კონკურსში ბევრი ადამიანი მონაწილეობდა, ვისაც ვერცხლის ყალიბი უნდა გაეკეთებინა.
ანბანი, 8000-წლიანი ღვინის ისტორია, მეტავანი, ქვევრი - ეს ყველაფერი სამკაულს უნდა დაეტია. მოკლედ, საქართველოს ისტორია შეიკრა, რომლისთვისაც შესაბამისი ტექსტიც უნიჭიერესმა ადამიანმა აკაკი გელაშვილმა დაწერა. 2 დღეში მივიღე დასტური იმაზე, რომ კონკურსში მონაწილეობას მივიღებდი...
სულ 30 სამკაული შეარჩიეს, 29 იტალიელი ხელოვანის იყო და ერთი უცხოელი მე ვიყავი, რომელიც იქ გამოიფინა. ეს ღონისძიება 10-13 ოქტომბერს ჩატარდა. ამის პარალელურად ნენო გაბელიამ პერსონალური გამოფენა ხელოვნების უნივერსიტეტშიც მომიწყო, სადაც სხვა სამკაულები მქონდა გატანილი.
იქაც ბევრი სტუმარი დაესწრო, არაჩვეულებრივი გამოხმაურება მოჰყვა როგორც იტალიელებისგან, ასევე ქართველი ემიგრანტებისგან. არაერთი მოწვევა მივიღე, მათ შორის, იტალიაში. შემოთავაზება მაქვს ამერიკიდან, ავსტრიიდან, ჰოლანდიიდან. ერთ კვირაში ჩემი გამოფენა კორეაში იქნება. ნოემბერში იგეგმება საქველმოქმედო გამოფენები ავსტრიაში.
- არ ნანობთ იმ წლებს, როცა ამ მიმართულებით მეტის გაკეთება შეგეძლოთ და თქვენ წლები სხვა სფეროებში მუშაობას დაუთმეთ?
- ბევრჯერ მიფიქრია ამაზე, მაგრამ ეს მოტივაცია ახლა მოვიდა, ერთი წლის წინ, რომ შინაგანად რაღაც მეკეთებინა. მოკლედ, ისე აღმოჩნდა, რომ ცხოვრებაში რამდენჯერმე შევიცვალე პროფესია და არც ერთ ჯერზე არ მინანია...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
