„კრედო ბანკმა“ ახალი პროექტი, „მასპინძელი“ წარადგინა

ბიზნესის დაწყება ერთი შეხედვით ყოველთვის უფრო მარტივი ჩანს, ვიდრე რეალურადაა. თავიდან ფიქრობ, რომ მთავარია მოინდომო და საწყისი ფინანსური თუ ადამიანური რესურსი გამოძებნო. როგორც კი პირველ ეტაპს გადალახავ, შენგან დამოუკიდებლად ჩნდება უამრავი დაბრკოლება. თუმცა, ეს დაბრკოლებები არასდროსაა გადაულახავი, თუ წინასწარ ხარ მასზე ინფორმირებული და ფლობ ცოდნას, რომელიც პრობლემას მარტივად მოგაგვარებინებს.

ტურისტული ბიზნესი - ერთი შეხედვით ყველაზე მარტივად განვითარებადი და შემოსავლიანი საქმე. თუმცა, ამ სფეროში წარმატებაზე დიდწილად მოქმედებს ადამიანური, სტუმარ-მასპინძლობის ფაქტორი. თუ ტურისტულ ბიზნესს ფლობ, აუცილებლად უნდა ერკვეოდე ე.წ. „hospitality“ ბაზარზე ყველაზე პოპულარული არხების მართვაში; მაქსიმალურად სწორად უნდა იყენებდე დროს და ტურისტებთან კომუნიკაციის შესაბამის უნარებს ფლობდე; კიდევ უამრავი დეტალია, რომლის გათვალისწინებასაც შეუძლია შენი საქმიანობა უფრო წარმატებული გახადოს.

სწორედ ამიტომ, კრედო ბანკმა კიდევ ერთი პროექტი, „მასპინძელი“ წამოიწყო. მოცემული პროექტის ფარგლებში უფასო ტრენინგები ჩატარდება იქ, სადაც ეს ყველაზე საჭიროა — რეგიონებში. ალბათ იცით, რომ „მასპინძელი“ არ არის ჩვენი პირველი პროექტი, რომელიც რეგიონებში ტურიზმის განვითარებას უწყობს ხელს. კრედო მუდმივად ზრუნავს, მომხმარებლების ცნობიერების ამაღლებაზე ამა თუ იმ კონკრეტულ სფეროზე. ნებისმიერ მომხმარებელს, რომელიც ტურისტული ბიზნესითაა დაინტერესებული, უსასყიდლოდ გადავცემთ სახელმძღვანელოებს, ჩვენი გამოცდილი ექსპერტები ტურიზმის სფეროში კონსულტაციებით ეხმარებიან მომხმარებლებს, ამასთან ბიზნეს სპეციფიკაზე მორგებული ფინანსური პროდუქტებით უზრუნველყოფთ მათ, საშეღავათო პერიოდებით და ვალდებულების დაფარვის მათზე მორგებული გრაფიკით.

ჩვენი ტრენინგები 27 სექტემბრიდან - წლის ბოლომდე სრულად მოიცავს საქართველოს რეგიონებს. პროფესიონალი სპიკერები მასტერკლასებს კომფორტულ და სასიამოვნო გარემოში წარმართავენ და საკუთარ გამოცდილებას გაგიზიარებენ. რასაკვირველია, იმისთვის, რომ მოცემულ სფეროში უკეთ გაერკვეთ, ტრენინგები არ წარიმართება მონოლოგის რეჟიმში. თქვენ მუდმივად გექნებათ კითხვის დასმისა და პასუხის მიღების საშუალება. ასევე, შესვენებაზე შეძლებთ ტრენერებს უშუალოდ გაესაუბროთ ნებისმიერ თქვენთვის საინტერესო თემაზე.

ასე რომ, თუ ტურისტული ბიზნესის განვითარებაზე ფიქრობ, უკვე ჩართული ხარ ამ სფეროში ან ახლა აპირებ თუნდაც საკუთარი სასტუმროს გახსნას, „მასპინძელი“ ნამდვილად დაგეხმარება წარმატების მიღწევაში.

ეწვიე კრედო ბანკის Facebook გვერდს, მოიწონე და დარეგისტრირდი სასურველ ტრენინგზე!

R