მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კალანდიას მამხილებელი მტკიცებულებები არ არსებობს" - რას ამბობდა თვეების წინ გახმაურებული საქმის პროკურორი
20:10 / 04-06-2019
არასრულწოვანების მკვლელობიდან წელიწადნახევარის შემდეგ ხორავას ქუჩის საქმის "ოქროს მოწმე" მიხეილ კალანდია დათუნა სარალიძის ჯგუფურად, დამამძიმებელ გარემოებებში მკვლელობის ბრალდებით დააკავეს. მას ბრალს ოფიციალურად, სავარაუდოდ, ხვალ წაუყენებენ.
მიხეილ კალანდიას ოჯახის წევრები არასრულწლოვნის დაკავებას პოლიტიკურად მოტივირებულ გადაწყვეტილებას უწოდებენ. კალანდიას მამის განცხადებით, საქმეში მისი შვილის დანაშაულის დამადასტურებელი მტკიცებულებები რომ ყოფილიყო, მას წელიწადნახევრი სწინ დააკავებდნენ.
სწორედ მიხეილ კალანდია აღმოჩნდა ხორავას ქუჩის საქმის ყველაზე ხმაურიანი ფიგურანტი. მის მონაწილეობას საქმეში თავიდანვე დიდი ვნებათაღელვა მოჰყვა. მაშინვე გამოითქვა ეჭვი, რომ მას პროკურატურაში გავლენიანი ახლობლები ჰყავდა, რომლებიც ცდილობდნენ, კალანდია საქმიდან "გამოეძვრინათ". პარლამენტის დროებითმა საგამოძიებო კომისიამ რეკომენდაციებში "გავლენიანი ახლობელი" პირდაპირ დაასახელა - მირზა სუბელიანი. შსს-მ გასული წლის 9 ივნისს იგი დანაშაულის დაფარვის ბრალდებით დააკავა.
სუბელიანსა და კალანდიების ოჯახს ახლო ნათესაური ურთიერთობა აკავშირებთ. სწორედ ამიტომ აქტიურად მიმდინარეობდა მსჯელობა იმის შესახებ, რომ სუბელიანმა საკუთარი გავლენების გამოყენებით კალანდიას პროკურატურაში "საქმე ჩაუწყო".
ეს ეჭვი საქმის პროკურორის ზვიად ფხაკაძის პოზიციამ და განცხადებებმა კიდევ უფრო გაამყარა. გასულ წელს, პარლამენტის საგამოძიებო კომიტეტის სხდომაზე იგი აცხადებდა, რომ საქმეში ვერ იპოვეს ვერანაირი მტკიცებულება, რომელიც კალანდიას შესაძლო დამნაშავეობის ეჭვს გააჩენდა. უმთავრესი ეჭვი ფხაკაძის მიკერძოებულობასთან დაკავშირებით კომისისს წევრებს მიხეილ ალანდიას ტანსაცმლის ფაქტორმა გაუჩინა. საქმეში არ იყო წარმოდგენილი მიხეილ კალანდიას ტანსაცმელი, რომლის ექსპერტიზაც დაადასტურებდა, ჰქონდა თუ არა შემხებლობა მას დათუნა სარალიძესTან. პარლამენტის საგამოძიებო კომიტეტის სხდომაზე კომისიის წევრის, მამუკა მდინარაძის კითხვაზე - რატომ არ ამოიღეს კალანდიას ტანსაცმელი ექსპერტიზისთვის, მაშინ როცა სარალიძესთან უშუალოდ შემხებ ყველა პირის ტანსაცმელს ჩაუტარდა ექსპერტიზა ხორავას საქმის პროკურორმა, ზვიად ფხაკაძემ განაცხადა, რომ მიხეილ კალანდიას ქურთუკის ექსპერტიზა არ ჩატარდა, რადგან საქმეს ახალ დეტალებს არ შემატებდა.
საგამოძიებო კომიტეტის ერთ-ერთი სხდომაზე (2018 წლის, 25 ივნისს) მან განაცხადა, რომ დანაშაული, რომელიც შეიძლება კალანდიას ჩაედინა, შესაძლოა, ცემით დაკვალიფიცირებულიყო.
- "მ.კ. როდესაც მიდის ფარდულამდე, სასამართლო სხდომის ოქმებში რაც ფიქსირდება იმის ციტირებას ვახდენ, იმ მომენტში უკვე გ.ბ.-ს, ჩვენი ვერსიით დაჭრილი ჰყავს დათოს სარალიძე, შესაბამისად, საქმის გარემოებებით, არ დასტურდება, რომ გ.ბ. როდესაც დანას არტყამს სარალიძეს, მ.კ. იმყოფება ფარდულში და მუშტებს ურტყამს სარალიძეს. როდესაც მ.კ. მიდის ფარდულთან, გ.ბ. შემობრუნებულ დათოს არტყამს და გადადის „პასატის“ ავტომანქანის მიმართულებით. მ.კ. თვითონ საუბრობს, რომ გ.ჯ. როდესაც ურტყამს დათოს, ექაჩება სარალიძეს და მარცხენა მხარეს არტყამს ხელს. ამის განზრახვა და მიზეზ-შედეგობრივი კავშირი რა არის? კალანდიას მიზანი ის კი არ არის, რომ დაუჭიროს ან გაუკავოს სარალიძეს ხელი, არამედ მისი მიზანია მოაშოროს დათო სარალიძე გ.ჯ.-ს, რომელიც დაბლა ყავს დაჭერილი ხელებით. რაც შეეხება კალანდიას ჩვენებაში სიტყვა „მოეშვას“, ეს იმიტომ წერია, რომ ამ დროს დათო უკვე დაჭრილია. რამდენიმე წამში უკვე რეფლექსების მოდუნებას იწვევს ეს დაზიანება. ჩვენ ამ ყველა გარემოებებიდან გამომდინარე მიგვაჩნია, რომ თანამონაწილეობა არ არის. სხვა დანაშაულს რაც შეეხება, ცემის ფაქტს შეიძლება ჰქონდა ადგილი".
- გამოძიებამ ეცადა, რომ მ.კ-ს მიმართ რაიმე მამხილებელი მტკიცებულება მოგვეპოვებინა, მაგრამ არ არსებობს ერთი მტკიცებულებაც კი, რომელიც მ.კ.-ს მხრიდან დავითზე დანის დარტყმას დაადასტურებდა...
ასევე, მორიგ სხდომებზე ფხაკაძე ცალსახად ამბობდა, რომ არც მიხეილ კალანდიასთვის და არც სხვა პირისთვის ხელის დაფარებას ადგილი არ ჰქონია.
- ცალსახად ვადასტურებ, რომ არც მიხეილ კალანდიასთვის და არც სხვა პირისთვის ხელის დაფარებას ადგილი არ ჰქონია - არავის ხელს არ ვაფარებთ, ამას გეუბნებით როგორც მოქალაქე, როგორც სამი შვილის მამა და როგორც პროკურორი (აღნიშნული განცხადება ხორავას ქუჩის საქმის პროკურორმა პარლამენტის საგამოძიებო კომისიის სხდომაზე მიცემული ახსნა-განმარტებების შემდეგ გააკეთა - 2018 წლის 26 ივნისი)
ფხაკაძის ობიექტურობაში ეჭვი მაშინვე შეიტანეს კომისისს წევრებმა. მათ გამოთქვეს ეჭვი, რომ პროკურორმა ფხაკაძე საქმის გაყალბებას ცდილობდა.
ასევე ცნობილია, რომ ხორავას ქუჩაზე მომხდარი მკვლელობის საქმეზე მოწმის სახით გამოკითხვისას დ.ღ -მ განაცხადა, რომ გარდაცვლილ დავით სარალიძეს ფიზიკურად დაუპირისპირდნენ კონფლიქტში მონაწილე გ.ჯ და მიხეილ კალანდია, რა დროსაც დავით სარალიძეს ფიზიკურ შეურაცხყოფას კალანდია აყენებდა, თუმცა სასამართლოში ჩვენების მიცემისას მ.კ-ს ფიზიკურ დაპირისპირებაში მონაწილეობა უარყო.
ცრუ ჩვენების ბრალდებით დაკავებული არასრულწოვნის დ.ღ. -ს დედამ ერთ-ერთ სასამართლოო პროცესზე სიცრუეში დაადანაშაულა ფხაკაძე და პროტესტის ნიშნად სხდომა დატოვა. ნატო ნახუცრიშვილი აცხადებდა, რომ პროკურორი ფხაკაძე იტყუებდა, როცა აცხადებდა, რომ არასრულწლოვნის მიერ სასამართლოში მიცემული ჩვენება მისთვის მოულოდნელი იყო.
როგორც ჩანს, წელიწადნახევარი იყო საჭირო იმისათვის, რომ ბრალდების მხარეს მიხეილ კალანდიას მკვლელობაში მონაწილეობის დამადასტურებელი მტკიცებულებები მოეპოვებინა. ამ ეტაპზე უცნობია, რა მტკიცებულებები აქვს შსს-ს მიხეილ კალანდიას წინააღმდეგ.
"გამოძიებასთან თანამშრომლობის კუთხით არსებული სირთულეების მიუხედავად, შინაგან საქმეთა სამინისტრო მთელი ამ დროის განმავლობაში აქტიურად მუშაობდა მკვლელობაში მ. კ.-ს შესაძლო თანამონაწილეობის მიმართულებით.პირველი ინსტანციის სასამართლოს მიერ განაჩენის გამოტანის შემდეგ, ჩვენ მოვიპოვეთ მტკიცებულებები, რომლებმაც გამოძიებას მ. კ.-ს მხრიდან მკვლელობაში თანამონაწილეობის საფუძვლიანი ეჭვი გაუმყარა.“ - განაცხადა შს მინისტრი სმადგილმე ვლადიმერ ბოცვაძემ დღეს გამართულ ბრიფინგზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
