მეგან მარკლმა 16 დღიანი მოგზაურობისთვის კაბებში 130 000 ფუნტი დახარჯა

სასექსის ჰერცოგისა და ჰერცოგინიას 16 დღიანი მოგზაურობა ოკეანეთში დასრულდა. „დეილი მეილის“ ინფორმაციით, მეგან მარკლმა 76 ღონისძიებაში მიიღო მონაწილეობა და 30-ზე მეტი სამოსი გამოიცვალა. დიზაინერების მიერ შექმნილი კაბებისა და შარვლების საფასური, რომელიც ჰერცოგინიას ავსტრალიაში, ტონგასა და ახალ ზელანდიაში ეცვა, 130 000 ფუნტს (თითქმის 169 000 აშშ დოლარი) შეადგენს.

მეგანი სტელა მაკარტნის, ჟივენშის, ბარბერისა და სხვა ცნობილი ბრენდების სამოსთან ერთად ავსტრალიელი დიზაინერების კაბებშიც გამოჩნდა - მათ შორის დაიონ ლის და მარტინ გრანტის.

ჰერცოგინიამ ძვირადღირებული, თუმცა - სადა ფერებში გადაწყვეტილი სამოსი შეარჩია. შეუმჩნეველი არავის დარჩა მისი შავი ჯინსის შარვალი რომელიც ავსტრალიურმა ბრენდმა Outland Denim შექმნა. კომპანიაში არიან დასაქმებული ქალები, რომლებიც ტრეფიკინგს გადაურჩნენ.