მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქიმწმენდის ვაუჩერი, რეკლამის განთავსების ვალდებულება და უფასო პარკინგი - ყველა სიახლე თეთრი ტაქსების მძღოლებისთვის
13:47 / 02-10-2018
„ტაქსებში მეტი სისუფთავის უზრუნველყოფის მიზნით, მფლობელს, რომელიც შესაბამის ლიცენზიას 2018 წლის 10 ოქტომბრის ჩათვლით აიღებს, გავლილი აქვს ტექნიკური ინსპექტირება, ჰყავს მარცხენასაჭიანი და 4-კარიანი ავტომობილი, უსასყიდლოდ გადაეცემა ავტომანქანის სალონის ქიმიური წმენდის ვაუჩერები,“ - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. მისი თქმით, ვაუჩერებს ტაქსების მფლობელებს გადასცემს მერიის მიერ გამოცხადებულ კონკურსში გამარჯვებული კომპანია, რომელიც ტაქსებზე ორი წლით რეკლამის განთავსების სანაცვლოდ, დააფინანსებს ტაქსების გადაღებვის სამუშაოებს და სალონის ქიმიურ წმენდას.
- სიახლე დედაქალაქში - მომავალი წლის ბოლომდე თბილისში ელექტროავტობუსები იმოძრავებს
„ტაქსებთან დაკავშირებული კიდევ ერთი მეტად მნიშვნელოვანი სიახლე გვაქვს, რომელიც მორგებულია მომხმარებელთა მოთხოვნაზე. მხედველობაში მაქვს ტაქსების ჰიგიენური მდგომარეობა. ტაქსებში მეტი სისუფთავის უზრუნველყოფის მიზნით, ზემოთჩამოთვლილი კრიტერიუმების მქონე ტაქსებს გადაეცემათ ავტომანქანის სალონის ქიმიური წმენდის ვაუჩერები. ხაზგასმით აღვნიშნავ, რომ ტაქსის მფლობელებს არ მოუწევთ არც ერთი ლარის გადახდა და არც ქალაქის ბიუჯეტიდან დაიხარჯება ფინანსები. აღნიშნულ ვაუჩერებს ტაქსების მფლობელებს გადასცემს მერიის მიერ გამოცხადებულ კონკურსში გამარჯვებული კომპანია, რომელიც ტაქსებზე ორი წლით რეკლამის განთავსების სანაცვლოდ, დააფინანსებს ტაქსების გადაღებვის სამუშაოებს და სალონის ქიმიურ წმენდას.
სამღებრო და ქიმიური წმენდის სამუშაოები განხორციელდება 2018-2019 წლის პერიოდში და 2019 წლის 1-ელი ოქტომბრისთვის ტაქსის ბაზარი განახლებული იქნება თეთრი, მოწესრიგებული ტაქსებით. მინდა კარგად გვესმოდეს, რომ ტაქსის რეფორმა ემსახურება ამ სფეროს განვითარებას და მომხმარებლებისთვის რაც შეიძლება უკეთესი მომსახურების მიწოდებას. ამდენად, ამ მიმართულებით გადადგმული ნაბიჯები არის ძალიან მნიშვნელოვანი და ჩვენი დედაქალაქისა და ჩვენი მოსახლეობის ინტერესებზე მორგებული,” - განაცხადა კახა კალაძემ.
გარდა ამისა, დედაქალაქის მასშტაბით 250-მდე საპარკინგე ადგილი სპეციალურად ტაქსებისთვის გამოიყოფა, სადაც ლიცენზიის მქონე ტაქსების განთავსება უფასო იქნება. როგორც კალაძემ აღნიშნა, უკვე შერჩეულია 60-მდე ლოკაცია, სადაც საპარკინგე ადგილები განთავსდება.
"დღეის მდგომარეობით შერჩეულია 60-ზე მეტი ადგილი, ჯამში 250-მდე ტაქსის სადგომით. ეს ლოკაციები განკუთვნილი იქნება მხოლოდ და მხოლოდ ტაქსებისთვის და იქ სხვა ავტომანქანების განთავსება აიკრძალება, ხოლო დარღვევის შემთხვევაში, რა თქმა უნდა, გამოიწერება ჯარიმები. ამ ადგილებზე სპეციალურად აღინიშნება, რომ ის განკუთვნილია მხოლოდ და მხოლოდ ტაქსებისთვის. რა თქმა უნდა, ტაქსის მძღოლები ამ ადგილებით ისარგებლებენ უფასოდ.
ჩვენ ვაგრძელებთ ამ ლოკაციების მოძებნას და დამატებით კიდევ წარმოდგენილი იქნება ქალაქის სხვადასხვა რაიონებში ასეთი ადგილები. მგონია, რომ მართლაც ძალიან მნიშვნელოვანი რეფორმაა. დედაქალაქის ვერცერთმა მთავრობამ ვერ გაბედა და ვერ განახორციელა ეს რეფორმა. საზოგადოების მხარდაჭერით მოსახლეობის თანადგომით ჩვენ მივიღეთ ეს გადაწყვეტილება და მგონია, რომ ეს სწორი გადაწყვეტილებაა. ეს ყველაფერი კეთდება ხალხის საკეთილდღეოდ. პარალელურად ვითარდება საზოგადოებრივი ტრანსპორტი, შემოგვყავს ახალი ავტობუსები, უნდა დავამატოთ კიდევ მეტროს ვაგონები, მოვაწესრიგოთ მეტროსადგურები. 2019 წლის ბოლოსთვის დედაქალაქს ეყოლება აბსოლუტურად განახლებული ავტობუსების პარკი, რაც ძალიან მნიშვნელოვანია. საზოგადოებრივი ტრანსპორტი უნდა გავხადოთ პოპულარული, კომფორტული და რაც შეიძლება სწრაფი, რომ გადაადგილება იყოს ქალაქში ყველაზე მოხერხებული", - განაცხადა კალაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
