მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ხორავას ქუჩის საქმეზე პროკურორი ინა გუგუშვილი მარიკა გოგოხიამ შეცვალა
15:21 / 28-05-2018
ხორავას ქუჩაზე მოზარდების მკვლელობის საქმეში ახალი პროკურორი ჩაერთო. მარიკა გოგოხიამ საქმის სასამართლო განხილვის დასკვნით ეტაპზე, პროკურორი ინა გუგუშვილი შეცვალა. როგორც ჟურნალისტებს გოგოხიამ განუმარტა, საქმეში მისი ჩართვა არ უკავშირდება იმ ინციდენტს, რომელიც 26 მაისის სასამართლო სხდომაზე მოხდა.
"ჩემი ჩართვა სისხლის სამართლის საქმის წარმოების ამ ეტაპზე, ნამდვილად არ უკავშირდება იმ კონკრეტულ ინციდენტს. ვინაიდან საქმე არის დასკვნით ეტაპზე და წარსადგენია ასევე დასკვნითი სიტყვა, გარკვეულ დახმარებას ვუწევ ჩემს კოლეგებს, მაგრამ მინდა გითხრათ, რომ როგორც თბილისის პროკურატურის მუშაკი, ჩართული ვიყავი გამოძიების პროცესში", - განაცხადა პროკურორმა.
მარიკა გოგოხიამ ასევე ბრალდების მხარის დასკვნით სიტყვაზეც ისაუბრა და აღნიშნა, რომ დასკვნითი სიტყვის ბოლოს სახელმწიფო ბრალდება ორივე ბრალდებულის მიმართ გამამტყუნებელი განაჩენის გამოტანას მოითხოვს.
"დასკვნით სიტყვაში ხაზს გავუსვამთ ყველა იმ მტკიცებულებას, რომელიც სისხლის სამართლის საქმეში ჩვენს მიერაა მოპოვებული და შესაბამისად გამოვიკვლიეთ სასამართლოში. რომელ მტკიცებულებას გაიზიარებს სასამართლო და რომელს არა, ამაზე ვერ გეტყვით, რადგან ეს სასამართლოს კომპეტენციაა. ჩვენს მიერ მოპოვებული და გამოკვლეული მტკიცებულებებით დასტურდება, რომ დაზიანებები, რომელიც მიყენებული აქვთ გარდაცვლილებს, მიყენებული აქვთ დანებით. დასკვნითი სიტყვის ბოლოს ჩვენი მოთხოვნა იქნება ორივე ბრალდებულის მიმართ გამამტყუნებელი განაჩენის გამოტანა", - აღნიშნა მარიკა გოგოხიამ.
შეგახსენებთ, რომ 26 მაისს მიმდინარე სასამართლო განხილვაზე, რომელზეც დაცვის მხარის მიერ ჩატარებული ექსპერტიზის დასკვნის გამოკვლევა ხდებოდა, დაპირისპირება მოხდა. ინციდენტი თავდაპირველად ერთ-ერთი მოკლული მოზარდის ლევან დადუნაშვილის დედასა და ექსპერტ მაია ნიკოლეიშვილს შორის მოხდა, რომელიც სასამართლოზე იკითხებოდა. ამის შემდეგ კი როგორც მაია ნიკოლეიშვილმა განაცხადა, პროკურორი ინა გუგუშვილი ადვოკატ ინგა შარაშენიძის საცემრად გაიწია. თავად ადვოკატმა კი აღნიშნა, რომ მის მიმართ საცემრად ასევე ზვიად ფხაკაძემაც გაიწია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
