მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჩააქრე სინათლე 24 მარტს "დედამიწის საათისთვის"
17:07 / 22-03-2018
ბუნების დაცვის მსოფლიო ფონდის (WWF) პროექტი - "დედამიწის საათი", მსოფლიოს უდიდესი გარემოსდაცვითი მოძრაობაა, რომელმაც სტარტი 2007 წელს სიდნეიში აიღო. სინათლის ჩაქრობის სიმბოლური და ერთჯერადი ღონისძიების სახით წამოწყებულმა "დედამიწის საათმა" ისეთი მასშტაბები შეიძინა, რომ ერთი საათის და მეტი დროის განმავლობაში მას შეუერთდნენ კერძო პირები, ბიზნეს-საწარმოები და სხვადასხვა ორგანიზაციები.
ღონისძიება კლიმატის ცვლილების შესახებ, ცნობიერების ამაღლებას და მის შესაძლო სავალალო ზეგავლენის შეჩერებას ისახავს მიზნად. ამ დღეს ყოველწლიურად, ერთი საათით მსოფლიოს გარშემო იკრიბება მილიონობით ადამიანი და ასობით ქვეყანაში ქრება მთავარი ღირსშესანიშნაობების განათება.კლიმატის ცვლილებასთან ერთად, რომლის პირდაპირი შედეგებიც დღეს თვალსაჩინოა, ასევე გამოკვეთილი და მწვავე საკითხია ბიომრავალფეროვნების შემცირების მაღალი ტემპი. საზოგადოება კი ამ საკითხის შესახებ ნაკლებად არის ინფორმირებული. სწორედ ამიტომ, წლევანდელ "დედამიწის საათზე" კლიმატის ცვლილებასთან ერთად ბიომრავალფეროვნების შემცირების პრობლემას გაესმევა ხაზი.
ბუნებაში ყველა ცოცხალი ორგანიზმი, მათ შორის ადამიანიც, ერთმანეთზეა დამოკიდებული. ბიომრავალფეროვნების შემცირება ბევრ პრობლემას გამოიწვევს, რადგან იგი უზრუნველყოფს ყველა საჭირო რესურსზე ხელმისაწვდომობას: წყალი, საკვები, სუფთა ჰაერი, მედიკამენტები, თავშესაფარი და სხვა. ეს გამოწვევა დაუყოვნებელ მოქმედებას მოითხოვს.
ამჟამად საქართველოს წითელ ნუსხაში შეტანილია ფაუნის 139 და მერქნიანი ფლორის 56 სახეობა; მათგან ცხოველთა 43 და მცენარეთა 20 სახეობას მინიჭებული აქვს კატეგორიები "გადაშენების საფრთხის წინაშე მყოფი" ან "გადაშენების უკიდურესი საფრთხის წინაშე მყოფი". ჰაბიტატების განადგურება და ფრაგმენტაცია, ბრაკონიერობა, გარემოს დაბინძურება, ბუნებრივი რესურსების ჭარბი გამოყენება და სხვა ამგვარი ქმედებები, ამ სახეობების პოპულაციებს კიდევ უფრო ამცირებს. უმეტეს შემთხვევებში კი საზოგადოება ამ საკითხს სერიოზულ პრობლემად არ აღიქვამს. ამჯერად ჩვენი მიზანია გავავრცელოთ ინფორმაცია ცხოველთა გარკვეულ სახეობებზე და ვაჩვენოთ, რომ თითოეულის როლი მთლიან ეკოსისტემაში მნიშვნელოვანია.
საქართველოში ბუნების დაცვის მსოფლიო ფონდმა შეიმუშავა საინფორმაციო მასალები, რომლებსაც "დედამიწის საათის" კამპანიის ფარგლებში გამოიყენებს. პოსტერებზე საქართველოს ბიომრავალფეროვნებიდან რამდენიმე სახეობის ცხოველია წარმოდგენილი.
გასულ წელს 187 ქვეყანა და მილიონობით ადამიანი შეიკრიბა ყველაზე მნიშვნელოვანი მიზნის გარშემო - ჩვენი ერთადერთი სახლის - დედამიწის დაცვისთვის. წელს, "დედამიწის საათი" 24 მარტს, ადგილობრივი დროით 20:30 საათზე დედაენის ბაღში გაიმართება.
"ვიმედოვნებთ, რომ 24 მარტს ჩვენს ქვეყანაშიც ძალიან ბევრი ადამიანი ჩააქრობს სინათლეს ერთი საათით და შემოუერთდება "დედამიწის საათს". ასევე ვიმედოვნებთ, რომ ბევრი მათგანი არ შემოიფარგლება მხოლოდ ერთი საათით და ბუნების დაცვას ცხოვრების წესად აქცევს" - აცხადებენ "დედამიწის საათის" წარმომადგენლები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
