28
მარტიდღის ზოგადი ასტროლოგიური პროგნოზი
ვაკის პარკში "ღამის მგლების" ბაიკერები მივიდნენ. მათ უცნობი ჯარისკაცის საფლავს პატივი მიაგეს. როგორც ჟურნალისტებთან საუბარში აღნიშნეს, თბილისში ჩამოვიდნენ ფაშიზმზე გამარჯვების წლისთავის აღსანიშნავად.
რაც შეეხება იმას, დაარღვიეს თუ არა კანონი ოკუპაციის შესახებ, ე.წ. ღამის მგლების თქმით, ისინი საქართველოს საზღვრის დაცვის პოლიციამ გამოატარა და კანონდარღვევას რომ ადგილი ჰქონოდა, მათ დააკავებდნენ.
უკვე მერამდენე წელია, 9 მაისისთვის საქართველოში "პუტინის მგლების" შემოსვლასთან დაკავშირებით საზოგადოების დიდი ნაწილი პროტესტს გამოთქვამს.
შინაგან საქმეთა სამინისტროს ინფორმაციით, რუს ბაიკერებს საქართველოში შემოსვლაზე უარი ეთქვათ.ე.წ. ღამის მგლებს საქართველოში შემოსვლა 2 მაისს, ლარსის გამშვები პუნქტიდან სურდათ და 50-მდე ბაიკერი უარით გააბრუნეს უკან, თუმცა, როგორც აღმოჩნდა თბილისში რამდენიმე "ღამის მგელმა" მაინც მოასწრო შემოსვლა.
So-called Night Wolves appear at Vake Park, Tbilisi
იხილეთ ვიდეო: ე.წ. ღამის მგლები ვაკის პარკში - სელფი რუს ბაიკერებთან და სტუმრების პირველი კომენტარი
