მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ჯდება ავლაბრის რეზიდენციის და ქუთაისის პარლამენტის შენობების შენახვა
03:19 / 25-04-2017
AMBEBI.GE დაინტერესდა, რა თანხა იხარჯება წლიურად პრეზიდენტის სასახლის, პარლამენტის შენობისა და მთავრობის კანცელარიის შენახვისთვის. კომუნალური ხარჯი, რემონტი, დეზინფექცია, სამეურნეო საქონლის ხარჯი და ა.შ - ეს არასრული ჩამონათვალია, რა მომსახურებისთვისაც აღნიშნული შენობების შენახვის თანხა იხარჯება. ოფიციალური წერილის საფუძველზე, უწყებებისგან ინფორმაცია მივიღეთ და გთავაზობთ 2016 წელს შენობების შენახვისთვის დახარჯული თანხის მონაცემებს.
საქართველოს სახელმწიფო უზრუნველყოფის სააგენტომ, სადაც შედის ინფორმაცია ავლაბრის რეზიდენციის მომსახურების ხარჯებთან დაკავშირებით, მოგვაწოდა ინფორმაცია, რომ აღნიშნული მიზნით 2016 წელს სულ 1 559 171 ლარი დაიხარჯა.
პრეზიდენტის სასახლის შენახვის ხარჯები დეტალურად ასე გადანაწილდა:
• კომუნალური ხარჯი - 1 018 962 ლარი
• სამეურნეო საქონლის შეძენის ხარჯი - 28 000 ლარი
• სათანადო მომსახურების (დამხმარე პერსონალის) ხარჯი - 325 025 ლარი
• შენობა-ნაგებობების სარემონტო ხარჯი - 187 184 ლარი
ავლაბარში პრეზიდენტის სასახლის მშენებლობა მიხეილ სააკაშვილის დროს, 2004 წელს დაიწყო და 2009 წელს დასრულდა. სახელისუფლებო ცვლილებების შემდეგ, საზოგადოებაში არსებობდა მოლოდინი, რომ ხარჯების ოპტიმიზაციის მიზნით, პრეზიდენტი გიორგი მარგველაშვილი უარს იტყოდა პრეზიდენტის სასახლეში ცხოვრებაზე. მოლოდინის საფუძველი იყო პრემიერ-მინისტრის ბიძინა ივანიშვილის 2012 წლის განცხადება, რომ პრეზიდენტის სასახლის შენახვის ხარჯები ძალიან მაღალია. მან პრეზიდენტ მარგველაშვილს ავლაბრის რეზიდენციიდან გადასვლისკენ მოუწოდა. ივანიშვილმა განაცხადა, რომ პრეზიდენტს შეუძლია მთავრობის კანცელარიაში არსებული პრეზიდენტის რეზიდენცია დაიკავოს.
პრეზიდენტის რეზიდენცია მთავრობის კანცელარიაში იყო განთავსებული, სანამ 2009 წლის ივლისში ის ახლადაშენებულ სასახლეში გადავიდოდა. მარგველაშვილს ბიძინა ივანიშვილმა მართლაც დაუთმო თავისი სამუშაო კაბინეტი მთავრობის კანცელარიის შენობაში, მე-10 სართულზე, სადაც იქამდე უნდა დარჩენილიყო, ვიდრე პრეზიდენტის ახალი რეზიდენციის მშენებლობა არ დასრულდებოდა ათონელის #25-ში. თუმცა 2014 წელს პრეზიდენტმა მარგველაშვილმა ავლაბრის სასახლეში გადასვლის გადაწყვეტილება მიიღო და განმარტა, რომ კანცელარიაში ორ ოთახში მუშაობა შეუძლებელი იყო.
რაც შეეხება, პარლამენტის ქუთაისის სასახლეს. საკანონმდებლო ორგანო ქუთაისში ახალ შენობაში სამუშაოდ 2012 წელს გადავიდა. მისი მშენებლობა 2010-2012 წლებში მიმდინარეობდა.
საქართველოს პარლამენტის აპარატს ქუთაისში მდებარე საქართველოს პარლამენტის სასახლე განკარგულებაში 2016 წლის 16 მარტს გადაეცა. შესაბამისად, მათ მიერ AMBEBI.GE-სთვის მოწოდებული ინფორმაცია მოიცავს 2016 წლის 16 მარტის შემდეგ პერიოდს.
აღნიშნული შენობის შესანახად საქართველოს პარლამენტის აპარატის ბიუჯეტიდან 2016 წლის 16 მარტიდან სულ დაიხარჯა 693 097ლარი. ხარჯი შემდეგნაირად გადანაწილდა:
• ელექტროენერგია - 531 392.74 ლარი.
• ბუნებრივი აირი - 83 895.84 ლარი
• წყალი - 63 362.03 ლარი
• დასუფთავების მოსაკრებელი - 10 242.79 ლარი
• დეზინფექციის ხარჯი - 4 203.12 ლარი.
AMBEBI.GE ოფიციალური წერილის საფუძველზე ჯერ კიდევ ელოდება ხარჯების შესახებ საჯარო ინფორმაციის მიღებას საქართველოს მთავრობის კანცელარიისგან, რომელსაც მოგვიანებით გააცნობს მკითხველს.
ნანა მღებრიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
