მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სახალხო დამცველის მიმართვა სამართალდამცავ უწყებებს
20:20 / 08-10-2016
სახალხო დამცველი უჩა ნანუაშვილი მოუწოდებს სამართალდამცავ უწყებებს, უყურადღებოდ არ დატოვონ დაპირისპირების შესაძლო წამოწყების შესახებ მიღებული არც ერთი ინფორმაცია. ამის შესახებ სახალხო დამცველმა უჩა ნუნუაშვილმა, ხმების დათვლის პროცესის დროს მომხდარი ინიდენტების შეფასებისას განაცხადა.
როგორც უჩა ჩანუაშვილის განცხადებაშია აღნიშნული, სხვადასხვა ინციდენტებზე არაეფექტური რეაგირება შესაძლოა ასევე იყოს ერთ–ერთი განმაპირობებელი მიზეზი ძალადობრივი აქტების.
"საქართველოს სახალხო დამცველის საარჩევნო მონიტორების მიერ მოწოდებული ინფორმაციის მიხედვით, საქართველოს სხვადასხვა რეგიონის ზოგიერთ საარჩევნო უბანში ხმების დათვლის პროცესში მოხდა ინციდენტები, რომლის დროსაც დაზარალდენენ ადამიანები და დაზიანდა ქონება. ქუთაისი N90 საარჩევნო უბნის მიმდებარე ტერიოტორიაზე მოხდა ფიზიკური დაპირისპირება, არიან დაზარალებული. ზუგდიდის მუნიციპალიტეტის სოფელ ჯიხაშკარის N 79-ე და N 108-ე საარჩევნო უბნებში შეიჭრნენ უცხო პირები, დაარბიეს უბნები, დააზიანეს ინვენტარი, დაამტვრიეს საარჩევნო ყუთი, არიან დაზარალებულები, მათ შორის - ადგილობრივი და საერთაშორისო დამკვირვებლები; ქალაქ მარნეული საოლქო საარჩევნო კომისიასთან ხდება პოლიტიკური მოძრაობების ერთიანი ნაციონალური მოძრაობის და ქართული ოცნების დიდი რაოდენობით მხარდამჭერების მობილიზება და ჩნდება მათ შორის დაპირისპირების საფრთხე. საოლქო საარჩევნო კომისიის ეზოში მიტანილია მარნეულის საარჩევნო ოქლის უბნებიდან მიტანილი ბიულეტენები და არსებობს ამ ბიულეტენების დაზიანების საფრთხე. ამავე პოლიტიკური მოძრაობების მხრადამჭერების მობილიზებაა ქალაქ ბათუმის N1 საარჩევნო უბანთან, სადაც ასევე არსებობს დაპირისპირების საფრთხე", - ნათქვამია სახალხო დამცველი განცხადებაში, რომელსაც ომბუდსმენის აპარატის პრესსამსახური ავრცელებს.
სახალხო დამცველი ასევე მიმართავს საარჩევნო სუბიექტებისა და პოლიტიკური პარტიების წარმომადგენლებს, გააკეთონ ყველაფერი, სიმშვიდის შენარჩუნებისათვის და თავიანთ მხარდამჭერებს მოუწოდონ ძალადობისაგან თავის შეკავებისკენ.
"ნუ დაივიწყებენ, რომ სახელმწიფოს ინტერესები ყოველგავრ პოლიტიკურ ინტერესებზე უფრო მეტად მნიშვნელოვანია.მივმართავ პოლიციას: საქართველოს მოქალაქეების და საქართველოს ტერიტორიაზე მყოფი ყველა პირის უსაფრთხოებაზე პასუხისმგებლობა ეკისრება სახელმწიფოს, პოლიცია ვალდებულია უზრუნველყოს თითოეული ადამიანის უსაფრთხოება, ხოლო ძალადობის გამოვლინების ყოველი შემთხვევისას - ამ ფაქტების გამოძიება და დამნაშავეებისათვის პასუხისგებაში მიცემა. მოვუწოდებ სამართალდამცავ უწყებებს, უყურადღებოდ არ დატოვონ დაპირისპირების შესაძლო წამოწყების შესახებ მიღებული არც ერთი ინფორმაცია. მყისიერი რეაგირება მოახდინონ და გაატარონ ყველა შესაძლო პრევენციული ღონისძიება, ძალადობის თავიდან აცილების მიზნით.ხაზგასმით უნდა ითქვას, რომ არჩევნების მშვიდობიანად ჩატარებაზე პასუხისმგებლობა უპირველესად ხელისუფლებას ეკისრება. განვლილ პერიოდში, ზუგდიდში, კორცხელსა და დიდინეძში მომხდარ ინციდენტებზე არაეფექტური რეაგირება შესაძლოა ასევე იყოს ერთ–ერთი განმაპირობებელი მიზეზი ძალადობრივი აქტების იმ ტალღისა, რომელსაც მიმდინარე ღამის განმავლობაში აქვს ადგილი. მსგავსი ინფორმაცია ჩრდილს აყენებს მთლიანად საარჩევნო პროცესს. სამომავლო, უფრო დიდი ზიანის თავიდან აცილება შესაძლებელი იქნება მხოლოდ იმ პირობებში, თუ სამართალდამცავი სისტემა მოახერხებს დასაწყისშივე განმუხტოს დაძაბულობის კერები და ადეკვატური და უსწრაფესი რეაგირება მოახდინოს უკვე მომხდარ ფაქტებზე", - აცხადებს უჩა ნანუაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
