თბილისში ერთი წლის ბავშვმა ლურსმანი გადაყლაპა

თბილისში ერთი წლის ბავშვმა ლურსმანი გადაყლაპა. ამის შესახებ "ფეისბუქზე" ექიმი ლევან ხარაშვილი წერს და რენდგენის ფოტოებსაც ავრცელებს. შემთხვევა გუშინ ღამე მოხდა. ბავშვი შეუძლოდ გახდა, რის შემდეგაც ის მშობლებმა საავადმყოფოში გადაიყვანეს.

ხარაშვილის ინფორმაციით, ლურსმნის ამოღება ენდოსკოპიით ანუ ქირურგიული გაჭრის გარეშე მოხდა.

"ბავშვი, რა თქმა უნდა, კარგადაა. წეღან წვნიანი და კარტოფილის პიურე მიირთვა", - წერს ლევან ხარაშვილი "ფეისბუქზე".