"რაც ლამაზი გაქვს, ის უნდა გამოაჩინო" - ეკა მამალაძის სტილის საიდუმლო და 5 მოდური რჩევა ქალებს

მოდის ინდუსტრიაში გლამური დაავადებად გადაიქცა. ადამიანები (განსაკუთრებით კი ცნობილები) მთელ დღეებს ხარჯავენ მოდური "ლუქების" შესაქმნელად, ამჯერად მოდური რჩევების მისაღებად ცნობილ მომღერალს ეკა მამალაძეს მივაკითხეთ და იმითაც დავინტერესდით, თუ შეიპყრო ამ საყოველთაო ციებ-ცხელებამ.

მოდის სტანდარტებზე უფრო მნიშვნელოვანი გაწაფული თვალია!

"ჩემს ასაკში ქალმა ყოველთვის იცის, რა უხდება და შესაბამისად თავისი სტილიც აქვს ნაპოვნი. ყოველთვის მაცვია ის, რაც მომწონს. კარგი თვალი მაქვს, სამოსს რომ შევათვალიერებ, ვიცი, მომიხდება თუ არა. იყო მოდური, ნიშნავს აჰყვე თანამედროვეობას. ერთი პერიოდი უკლებლივ ყველას დიდლიპებიანი პიჯაკები ეცვა. ლიპები ვიწრომხრებიან ქალს დღესაც სჭირდება, თუმცა განიერი მხარ-ბეჭის მქონე მანდილოსნისთვის მაშინაც შეუფერებელი იყო.

გლამურული კომბინაციის შერჩევამ ასაკი არ უნდა დაგავიწყოს. მაგალითად, ნანის ბოტასები მოსწონს. გაიძახის, თქვენთან ერთად წამიყვანეთ საყიდლებზე და სპორტული ფეხსაცმელი შევიძინოთო. სიმპათიების, პრაქტიკულობისა და მოდის მიუხედავად, რა თქმა უნდა, ბოტასებს მაინც არ იცვამს"

წითელი ფერი ყოველთვის ექსტრავაგანტურია!

ქართველებს მუქი ფერები გვიყვარს, ეს ალბათ ჩვენი აზიური ბუნებიდან გამომდინარეობს. ესეც რომ არა, შავი ფერი ნაკლოვანებების დამალვაში გვეხმარება, ვიღაცას ზედმეტი წონა აწუხებს, სხვა კომფორტს ანიჭებს უპირატესობას. შავი ადვილად მოსავლელია. პირადად მე ღია ფერებიდან ძირითადად ვირჩევ კრემისფერს ან თეთრს (იასამნისფერი კატეგორიულად არ მომწონს), მაგრამ წითელი უდავოდ ექსტრავაგანტულია! მაქვს დიზაინერ ქეთი ჩხიკვაძის წითელი კაბა, თამუნა ინგოროყვას იმავე ფერის ბროში და ფრჩხილის ლაქსაც წითელს ვიყენებ.

გაგრძელება