მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პოლიტიკურ დაპირისპირებას შეწირული კონსტრუქცია - რა ბედი ეწევა 75-მილიონიან "რიყის ტრუბებს"
05:26 / 21-10-2015
უკვე დიდი ხანია რიყეზე ე.წ. დოქების, იგივე "რიყის ტრუბების" მშენებლობა მიმდინარეობს, თუმცა დღემდე უცნობია, რა ბედი ელის ჯერ კიდევ გიგი უგულავას მერობის დროს დაწყებულ ნაგებობას. თავის დროზე ცნობილი იყო, რომ რიყის პარკის "დოქებში" მუსიკალური თეატრი და საგამოფენო ცენტრი გაიხსნებოდა, თუმცა დედაქალაქის მერიას დღესაც არ აქვს პასუხი, თუ რა ფუნქცია ექნება ე.წ. ტრუბებს. იგივე პასუხი აქვთ "თბილისის განვითარების ფონდშიც", რომლის დაკვეთითაც დაიწყო ამ კონსტრუქციის მშენებლობა.
იხილეთ ვიდეო "პალიტრანიუსზე" "ამ ეტაპზე მხოლოდ ის შეიძლება ითქვას, რომ მერია და შესაბამისი სამსახურები მუშაობენ იმაზე, თუ რა ფუნქციური დატვირთვა უნდა ჰქონდეს "რიყის დოქებს". როგორც კი საბოლოოდ გადაწყდება, რა სახით დასრულდება კონსტრუქცია და რა ფუნქცია ექნება, საზოგადოებას შევატყობინებთ", - გვითხრეს დედაქალაქის მერიასა და "თბილისის განვითარების ფონდში".AMBEBI.GE-ს კითხვას, თუ როდიდან დაიწყეს ნაგებობისთვის ფუნქციის შეცვლა, ან როდის მიიღებენ გადაწყვეტილებას, თუ რა ფუნქცია მიენიჭება შენობას, რომლის მშენებლობაზე უკვე დაიხარჯა 75 მილიონი სახელმწიფო ბიუჯეტიდან, "თბილისის განვითარების ფონდის" საზოგადოებასთან ურთიერთობის მენეჯერი ნათია ქემაშვილი უპასუხოდ ტოვებს.კითხვაზე თუ რა ფუნქცია უნდა ჰქონდეს "რიყის დოქებს", თბილისის მაცხოვრებლები ამბობენ, რომ კონსტრუქცია უნდა დარჩეს რიყეზე და საზოგადოებრივი ფუნქცია შეინარჩუნოს, კერძოდ მოეწყოს მუსიკალური თეატრი, საგამოფენო ცენტრი ან სხვა კულტურული და საზოგადოებრივი მნიშვნელობის ცენტრი.
განსხვავებული მოსაზრება აქვს თბილისის საკრებულოს დამოუკიდებელ დეპუტატს, ალეკო ელისაშვილს. დეპუტატის თქმით, "რიყის დოქები" დღეს სადაც არის, იმ ადგილიდან უნდა გადაიტანონ.
- ის, რომ ეს ძალიან ძვირადღირებული ე.წ. დოქები, რომელსაც უკვე ყველა "ტრუბებს" ეძახის, შეუსაბამო ადგილასაა, ფაქტია და ამას ბევრი კამათი არ სჭირდება. ყველა საუბრობდა, რომ ეს კონსტრუქცია გადასატანი იყო და ამ შემთხვევაშიც მერიასთან ურთიერთობისას იმ პრობლემას ვაწყდებით, რასაც ყველა შემთხვევაში. კერძოდ, ქალაქის მერი გადაწყვეტილებას ვერ იღებს არა თუ ამ დიდ საკითხთან დაკავშირებით, ელემენტარულ, სხვა გაცილებით უმნიშვნელო საკითხებთან დაკავშირებითაც.
მიუხედავად იმისა, რომ დედაქალაქის ბუჯეტს ამ დოქების გადატანა ძვირი დაუჯდება, ჩემი აზრით, სხვაგან უნდა გადაიტანონ. თუ ეს მოხდება, მხოლოდ ვინმეს გემოვნების მიხედვით არ უნდა წავიღოთ სადმე, უნდა გამოცხადდეს კონკურსი და იქ უნდა გამოჩნდეს წინადადებები, თუ რომელ ადგილს მოუხდება და სად იქნება უკეთესი,- ამბობს ალეკო ელისაშვილი.
ქალაქმგეგმარებლის, ზურაბ ბაქრაძის თქმით, "დოქები" რიყეზე არქიტექტურული თვალსაზრისით არასწორად არის აგებული.
"პირველ რიგში, ადგილი არ არის სწორად შერჩეული იმიტომ, რომ აშენებულია ძველ თბილისში, სადაც ყველა შენობა, რომელსაც იქ აშენებენ, განსაკუთრებულ პირობებს უნდა აკმაყოფილებდეს. არ არის აუცილებელი, რომ ძველს მიმსგავსებული იყოს. შეიძლება სრულიად თანამედროვე შენობაც იყოს, მაგრამ როგორ მიმართებაში იქნება იმ გარემოსთან, აუცილებლად წინასწარ გადასაწყვეტი იყო, ამიტომ ასეთი ნაგებობისთვის იქ ადგილი სწორად არ იყო შერჩეული", - ამბობს ბაქრაძე.
მისივე თქმით, კონსტრუქცია ფუნქციურადაც არასწორად არის გაკეთებული. როგორც ზურაბ ბაქრაძე ამბობს, თუ რიყის დოქებს საზოგადოებრივი დანიშნულება მიენიჭება, ხალხი ადვილად ვერ მივა, რადგან მოუხერხებელ ადგილას არის გაკეთებული და ტრანსპორტიც ძნელად მისადგომია, არ არის მანქანების გასაჩერებელი ადგილი.
ქალაქმგეგმარებლის თქმითვე, რიყის დოქების კიდევ ერთი წუნი მხატვრული, იგივე არქიტექტურული ფუნქციაა, როცა იმ გარემოს შესაბამისი არ არის, სადაც თავად კონსტრუქცია დგას.
"ამ არქიტექტურულ ნაგებობაზე მშენებლობის გაცემის უფლება იყო არასწორი. ხელისუფლება ამბობდა, რომ ამ შენობებს დაშლიდნენ და გადაიტანდნენ, მაგრამ როგორც ჩანს, ამას ისევე ვერ გაბედავენ, როგორც ბევრი სხვა რამ ვერ გაბედეს და სამწუხაროდ, ძველ თბილისში ასეთი შეუსაბამო ნაგებობა დარჩება", - ამბობს ზურაბ ბაქრაძე.
"რიყის დოქების" პროექტი ცნობილ იტალიელ არქიტექტორს მასილიანო ფუქსას ეკუთვნის. არქიტექტორი ფუქსასი პირადად იმყოფებოდა თბილისში, რათა პროექტი რიყის განაშენიანების გეგმაში სრულყოფილად ჩამჯდარიყო.
ეპოქალური შენობა - ასე უწოდა საქართველოს ყოფილმა პრეზიდენტმა მიხეილ სააკაშვილმა მუსიკისა და დრამის თეატრს და საგამოფენო დარბაზს. პროექტს, რომელიც ექსპრეზიდენტისთვის 21-ე საუკუნის საუკეთესო არქიტექტურულ ნაგებობას წარმოადგენს, დღეს მოსახლეობის გარკვეული ნაწილი უარყოფითად აფასებს.
ყოფილი პრემიერ-მინისტრი ბიძინა ივანიშვილი აცხადებდა, რომ წლების განმავლობაში სახელმწიფო ბიუჯეტიდან ხშირად გაურკვეველი პროექტები ფინანსდებოდა, მათ შორის რიყეზე მშენებარე კონსტრუქციები.
პრემიერმა ივანიშვილმა არაერთხელ გამოთქვა უკმაყოფილება რიყეზე მშენებარე ობიექტების მიმართ და ისინი "ზარბაზნის ტუჩსაც" შეადარა.
თაკო ესებუა
AMBEBI.GE
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს დოქები ისეა მაგ თბილისურ ფაქიზ გარემოში, ძვირფასეულობით სავსე ზარდახშას ტრაქტორის დიდი "ბოლტ-გაიკა" რომ დაადო ზევიდან!