"ჯერ არგაჩენილი ხუთი თვის შვილიშვილი შეეწირა ჩვენს გაჭირვებას" - რა მოხდა ხარაგაულში
ხარაგაულში მცხოვრებ სოციალურად დაუცველ პაქსაშვილების ავარიულ სახლში იატაკი ჩავარდა, ინციდენტის შედეგად, 5 თვის ფეხმძიმე ქალმა ბავშვი დაკარგა. შემთხვევა ხარაგაულში ერთი კვირის წინ მოხდა.
აღნიშნული ინციდენტის გარდა, ამავე სახლის იატაკში ერთი თვის წინ 8 წლის ბავშვი ჩავარდა.
"სიკვდილს გადამირჩა რძალიც და შვილიშვილიც, თუმცა ჯერ არგაჩენილი ხუთი თვის შვილიშვილი კი შეეწირა ჩვენს გაჭირვებას, ვითხოვ დროულ დახმარებას, რადგან ამ სახლში ყველა წუთი სასიცოცხლოდ საშიშია ჩვენთვის," - ამბობს "ქუთაისიპოსტთან" სოციალურად დაუცველი ელენე პაქსაშვილი.
სოციალურად დაუცველი პაქსაშვილების საცხოვრებელი სახლი, სადაც ორი მცირეწლოვანი ცხოვრობს, დანგრევის საშიშროების წინაშე დგას. ერთი კვირის წინ, ხარაგაულში მოსულმა უხვმა ნალექმა სახლი უვარგისი გახადა. სოციალურად დაუცველებმა დახმარებისთვის ადგილბრივ ხელისუფლებას პირველი ინციდენტისთანავე მიმართეს. თუმცა უსაფრთხო, ალტერნატიულ ფართში მათი გადაყვანა მხოლოდ გუშინ, "ქუთაისიპოსტის" ადგილზე ჩასვლის შემდეგ მოხდა.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
