ჟიზელ ბუნდჰენი პოდიუმს ტოვებს

ბრაზილიელი მოდელი ჟიზელ ბუნდჰენი, რომელიც რვაჯერ მოექცა მსოფლიოში ყველაზე მაღალანაზღაურებადი მოდელების სიაში, პოდიუმს ტოვებს. 34 წლის მოდელმა, რომელიც ამერიკული ფეხბურთის მოთამაშის, ტომ ბრეიდის მეუღლეა და ორი შვილის დედაა, საკუთარი გადაწყვეტილება ოჯახთან მეტი დროის გატარების სურვილით ახსნა.

შეგახსენებთ, რომ ჟიზელი ისეთი ბრენდების სარეკლამო სახეა, როგორებიცაა: Chanel, Carolina Herrera, H&M, Pantene და Oral-B. გარდა ამისა, მას საკუთარი თეთრეულის და კოსმეტიკის ხაზიც აქვს. მოდელის თქმით, პოდიუმის მიტოვების მიუხედავად, იგი ცალკეულ პროექტებში მუშაობას განაგრძობს.

მომზადებულია bbc.co.uk-ის მიხედვით.