კოსტავას ქუჩაზე ახალგაზრდა მამაკაცი დაჭრეს

თბილისში, კოსტავას ქუჩაზე ახალგაზრდა მამაკაცი დაჭრეს. არსებული ინფორმაციით, მამაკაცს ჭრილობა ცეცხლსასროლი იარაღიდან მიაყენეს და ის ამ დროისთვის საავადმყოფოშია გადაყვანილი.

როგორც "ინტერპრესნიუსს" შს სამინისტროში განუცხადეს, აღნიშნულ ფაქტთან დაკავშირებით გამოძიება დაწყებულია სისხლის სამართლის კოდექსის 118-ე მუხლით, რაც ჯანმრთელობის განზრახ ნაკლებად მძიმე დაზიანებას გულისხმობს.