მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ლევან ვასაძემ ჩემი და ორჯერ სიკვდილს გადაარჩინა" - როგორ ახასიათებს ირაკლი კაკაბაძე ცნობილ ბიზნესმენს
04:37 / 03-06-2014
მწერალი და უფლებადამცველი ირაკლი კაკაბაძე "ფეისბუქის" პირად გვერდზე ბიზნესმენ ლევან ვასაძისა და საკუთარი თავის შედარებით დახასიათებას აქვეყნებს. მწერალი აღტაცებული დარჩა ინგა გრიგოლიას თოქ-შოუში ბიზნესმენის გამოსვლით და წერს, რომ ბილ კლინტონის შემდეგ ასეთი პოლიტიკური "სფიჩი" არცერთი პოლიტიკოსისგან არ მოუსმენია.
"ლევან ვასაძე ჩემი ბავშვობის და ძალიან ძვირფასი მეგობარია. გულახდილი ვიქნები და ვიტყვი, რომ მე და ის ბევრ რამეში სხვა აზრზე ვდგავართ. მე არ მომწონს კაპიტალიზმი და ის კაპიტალისტია. მე მომეწონა ანტი-დისკრიმინაციული კანონი და მას არა. მე ანარქისტი ვარ და ის კონსერვატორი. მე ხანდახან მარქსსაც ვციტირებ და ის მემარცხენე არ არის. მაგრამ, საერთოც ბევრი გვაქვს - ძალიან ბევრი. ის მე ძალიან მიყვარს როგორც ჩემი ძმა, რომელმაც ჩემი და ორჯერ სიკვდილს გადაარჩინა და მე თვითონაც 1989 წლის 9 აპრილს პირდაპირი მნიშვნელობით რუს ჯარისკაცებს არ მოაკვლევინა ჩემი თავი, რაზეც მერე ერთ თვალში მხედველობა თითქმის დაკარგა. გუშინ ვუყურე მის საუბარს ინგა გრიგოლიასთან და უნდა გამოვტყდე - მიუხედავად იმისა, რომ ძალიან ბევრ საკითხში არ ვეთანხმები, მისი გამოსვლა იყო ბოლო 20 წლის მანძილზე ერთ-ერთი ყველაზე გამართული და ხედვით სავსე, დალაგებული, ამავე დროს ზომიერი უზადო ხელოვნებით შესრულებული პოლიტიკური სიტყვა, რომელიც მე ბილ კლინტონის მერე არც ერთი პოლიტიკოსისგან არ მომისმენია - არათუ საქართველოში, არამედ მთელს მსოფლიოში. აქ ჩანდა კაცი, რომელსაც ნამდვილად სწამს იმის, რასაც ამბობს და რომელსაც სულ არ აინტერესებს რეიტინგები და საერთაშორისო პოლიტიკური კონიუნქტურა. ეს ჩემს დიდ პატივისცემას და უფრო მეტიც - აღტაცებას იმსახურებს. მიუხედავად იმისა, რომ ნახევარი ფეხით ჯოჯოხეთში მყოფი ბოჰემური ცხოვრებით გაუბედურებული გიჟი მემარცხენე ანარქისტი ვარ. ორი დღეა შთაბეჭდილების ქვეშ ვარ. ასეთი პოლიტიკური სფიჩი დიდი ხანია არ მომისმენია - ბოლო მახსენდება ბილ კლინტონის გამოსვლა დემოკრატიული პარტიის კონვენციაზე 1992 წლის ივლისში. ეს არის და ეს. იხარე, ლევან და იდღეგრძელე", - წერს კაკაბაძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
