რას მოგვიტანს სატურნის გადასვლა თევზებში: პროგნოზი ზოდიაქოს ნიშნებისთვის

7 მარტს აკრძალვებისა და შეზღუდვების პლანეტა სატურნი მერწყულიდან თევზებში გადადის. ვრცელი სტატია ამ ტრანზიტის შესახებ დევს საიტზე და შეგიძლიათ გაეცნოთ. ახლა კი გთავაზობთ პროგნოზს, ზოდიაქოს ნიშნებისთვის, რაც მომდევნო 3 წლის განმავლობაში უნდა გაითვალისწინოთ:

ვერძი

მომდევნო 3 წლის განმავლობაში მოხდება თქვენი შინაგანი სამყაროს ტრანსფორმაცია. უნდა ჩამოყალიბდეთ საკუთარ პრიორიტეტებსა და ღირებულებებში, რა არის თქვენთვის მთავარი. კარგი იქნება, ნებით თუ იძულებით გათავისუფლდეთ მავნე ჩვევებისგან. მეტი დრო უნდა დაუთმოთ ჯანმრთელობას. განსაკუთრებით, თუ ქრონიკული დაავადებები გაწუხებთ. ჩაიტარეთ მკურნალობის, გაჯანსაღების კურსი. უნდა ეცადოთ, რომ იყოთ ჯანმრთელი ფიზიკურად, ფსიქიკურად და გონებრივად. მეტი დრო დაუთმეთ თქვენს თავს, შინაგანი სამყაროს გაცნობას. შეიძლება გარკვეული მიზეზების გამო მოგიწიოთ განმარტოებამ, იზოლირებულად ყოფნამ. გამორიცხული არაა, ზოგიერთი ემიგრაციაში გაემგზავროთ სწავლის, მუშაობის გამო. ზოგიერთს კი მოგიწევთ ახლობლებზე ზრუნვა. კარგი იქნება, თუ მეტ დროს დაუთმოთ ქველმოქმედებას, მოინახულებთ წმინდა ადგილებს.

კურო

გადახედეთ თქვენს სამომავლო გეგმებს, მიზნებსა და სურვილებს. სატურნი მოგაშორებთ ყველაფერ უსარგებლოს და დაგიტოვებთ მხოლოდ იმას, რაც წარმატებას მოგიტანთ, თუ სერიოზულად და გააზრებულად მიუდგებით. ყველაფერი არარეალური უნდა მოიცილოთ. წარმატების მისაღწევად უნდა გამოხვიდეთ თქვენი კომფორტის ზონიდან, უნდა შეიცვალოთ და უნდა აუწყოთ ფეხი თანამედროვეობას. უნდა ისწავლოთ, უნდა განვითარდეთ, იმ სფეროშიც კი, რომლის წარმომადგენელიც ხართ. არ უნდა დაკმაყოფილდეთ იმით, რასაც მიაღწიეთ, მუდმივად უნდა ვითარდებოდეთ. ამასთან, უნდა გათავისუფლდეთ სტანდარტებისა და საზოგადოების აზრისგან და საკუთარი თავის რეალიზებაზე უნდა იზრუნოთ. ნუ შეგეშინდებათ თამამი ნაბიჯების გადადგმის, თუ ხვდებით, რომ გამარჯვება მოითხოვს. ზოგიერთმა შეიძლება მიატოვოთ საქმე და გადაწყვიტოთ საკუთარი ძალები სრულიად სხვა სფეროში მოსინჯოთ. მოგინდებათ მეტი თავისუფლების შეგრძნება პირად ურთიერთობებშიც. აღარ მოგინდებათ კონტროლი და ზეწოლა პარტნიორის მხრიდან. გამორიცხული არაა, მოგიწიოთ მეტმა მზრუნველობამ უცხო ბავშვების მიმართ, დაიწყოთ მათთან მუშაობა, გახდეთ ნათლია, დაუახლოვდეთ გერს ან ბავშვების დასახმარებელ საქველმოქმედო აქციაში მიიღოთ მონაწილეობა.

ტყუპი

ღირსეული ადგილი უნდა მონახოთ ამ საზოგადოებაში. ჩამოყალიბდით, რისი მიღწევა გსურთ, რა მიმართულებით უნდა განვითარდეთ. უნდა განვითარდეთ, უნდა დაწინაურდეთ, უნდა მიაღწიოთ წარმატებას სოციუმში. იყავით მეტად დაკვირვებული და გახდით მიზანსწრაფული, რომ მიაღწიოთ ხელმძღვანელ პოსტს, წამოიწყოთ ბიზნესი. სატურნი ხშირად შეგახსენებთ, რომ თანამდებობას მეტი პასუხისმგებლობა და დაკვირვებულობა სჭირდება. თუ ოჯახის შექმნა გაქვთ გადაწყვეტილი, მეტი სერიოზულობა და ვალდებულება გმართებთ პარტნიორის მიმართ. მზრუნველობა უნდა გამოავლინოთ ოჯახის წევრების, განსაკუთრებით, ასაკოვანი ნათესავების მიმართ. ზოგიერთი გადაწყვეტთ უძრავი ქონების შეძენას, მოგინდებათ ფულის დაბანდება ძვირად ღირებულ ნივთებში, მათში, რომელიც ხაზს გაუსვამს თქვენს სტატუსს. ზოგიერთმა შეიძლება სწორედ ამ პერიოდში დაიწყოთ მუშაობა, ან გახვიდეთ პენსიაზე, და ამგვარად შეიცვალოთ სტატუსი. სატურნი არ მოგცემთ იოლ გამარჯვებებს, მაგრამ იყავით მომართული გამარჯვების მიღწევაზე და მის შენარჩუნებაზე. უარყოფით ასპექტში შეიძლება მოგეჩვენოთ, რომ ხელმძღვანელობა წინსვლაში გიშლით ხელს, გთრგუნავთ. არ დაარღვიოთ წესი და კანონი.

კირჩხიბი

მეტი დრო უნდა დაუთმოთ ინტელექტუალურ, სამეცნიერო საქმიანობას. მოგინდებათ უმაღლესი განათლების მიღება, კვალიფიკაციის ამაღლება. შეიძლება დაასრულოთ დიპლომის, დისერტაციის, წიგნის წერა. რასაც არ უნდა აკეთებდეთ, მეტად უნდა გამოავლინოთ მიზანმიმართულობა და შეუპოვრობა. ნუ გგონიათ, რომ იოლად მიიღებთ ყველაფერს: მკაცრი ლექტორები შეგხვდებათ, ბევრი სამუშაო გექნებათ ან შეიძლება სწავლა ღირდეს ძვირი. გამორიცხული არაა, სწავლის გაგრძელება მოგინდეთ უცხოეთში ან სულაც უცხო ენის შესწავლა. თუ სკოლის პედაგოგი იყავით, ახლა შეიძლება ლექციების წაკითხვამ მოგიწიოთ. მეტი დაკვირვება გმართებთ უცხოეთში გასამგზავრებლად. ზოგიერთი შეიძლება უცხოელზე დაქორწინდეთ. თუ იურიდიული საკითხები გაქვთ მოსაგვარებელი, იყავით მეტად დაკვირვებული, დაიცავით თქვენი უფლებები. არ გაართულოთ დამოკიდებულება მეუღლის ნათესავებთან.

ლომი

მეტი ყურადღება მიაქციეთ ფინანსებს, უსაფრთხოების დაცვას. თუ ადრე ფინანსური ვალდებულებების გადაუხდელობა გეპატიებოდათ, ახლა შეიძლება უფრო მკაცრად მოგთხოვონ. უნდა გადაიხადოთ ვალები, იპოთეკა. თუ ადრე სხვის ხარჯზე ცხოვრობდით (მშობლების, სახელმწიფოს, მეუღლის) ახლა თავად მოგინდებათ მუშაობა. მოგიწევთ სამემკვიდრეო, ალიმენტის საკითხების მოგვარება და მეტი დაკვირვება გმართებთ. დაიცავით ბალანსი იმას შორის რასაც იღებთ და რასაც გასცემთ. მოხდება ღირებულებების გადაფასება, ცვლილებები თქვენს ცხოვრებაში, რის შემდეგაც მოხდება პიროვნული ძირეული ტრანსფორმაცია. კარგი იქნება, თუ გააკონტროლებთ თქვენს ხარჯს, გამონახავთ შემოსავალის ახალ ან დამატებით წყაროს.

ქალწული

მოგეჩვენებათ, რომ გარშემო მყოფები გზღუდავენ, ზეწოლას განიცდით მათგან. იყავით მეტად პასუხისმგებლიანი საკუთარი თავის და პარტნიორების მიმართ. რასაც არ უნდა აკეთებდეთ იყავით მიზანმიმართული, პასუხისმგებლიანი. დაისახეთ კონკრეტული მიზნები და იყავით შრომისმოყვარე. ვერ გეტყვით, რომ იოლად მიაღწევთ სასურველს. შეიძლება მოგიწიოთ სირთულეების, შეზღუდვების გადალახვამ, რომ მიზნები განახორციელოთ. თუ მარტოხელა ხართ შეიძლება მოვიდეს ასაკით უფროსი პარტნიორი ან საქმიანი ურთიერთობა გააფორმოთ გამოცდილ, სერიოზულ პიროვნებასთან. ზოგიერთმა შეიძლება იგრძნოთ პარტნიორის მხრიდან ზეწოლა, შეზღუდვა. ან შეიძლება ქორწინების შემდეგ შეგეზღუდოთ თავისუფლება. ნუ გადააბრალებთ სხვას მომხდარს, პასუხის უნდა აგოთ ყველაფერ იმაზე, რაც ხდება თქვენს ცხოვრებაში. გააქტიურდებიან კონკურენტები და მოგიწევთ მეტი ძალისხმევა, რომ შეინარჩუნოთ მდგომარეობა, გამარჯვება. შეიძლება გაგიჩნდეთ მეორე შვილი და ამის გამო მოგემატოთ პასუხისმგებლობა, ვალდებულებები, შეგეზღუდოთ თავისუფლება. ამ პერიოდში გაფორმებული ქორწინება გრძნობებზე კი არა უფრო ვალდებულებებზე, ანგარებაზე იქნება დამყარებული.

გაგრძელება იქნება...