მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მღვდელმსახური: "ზოგიერთი ოჯახის დანგრევა აუცილებელია"
23:09 / 10-11-2013
"იმის ნაცვლად, რომ ადამიანმა გააანალიზოს, მიხვდეს, რა შეცდომა დაუშვა, სხვაში ეძებს მიზეზს და არა თავის სულელურ გადაწყვეტილებებში. ადამიანი მუდმივად დგას არჩევანის წინაშე: ირჩევს მეგობრებს, ახლობლებს, ცხოვრების თანამგზავრს... ხალხს, ვინც მისი ჭირისა და ლხინის მოზიარე უნდა იყოს. გზაჯვარედინზე დგომისას შეცდომის დაშვება გასაკვირი სულაც არ არის, თუმცა არსებობს მცდარი ნაბიჯი, რომელსაც ადამიანი თავისი ნებით დგამს და გვიან აცნობიერებს, რომ მოტყუვდა. დღეს სწორედ ამ თემაზე გვესაუბრება წმინდა მოწამეთა, კვირიკესა და ივლიტას სახელობის ტაძრის მღვდელმსახური ლევან ალადაშვილი:
- მამა ლევან, ალბათ ყველას ჰყავს სულ მცირე, ერთი ნაცნობი მაინც, რომელმაც თავის დროზე უარი თქვა სიყვარულზე და ოჯახი ანგარებით შექმნა. როგორ აფასებს ამ მოვლენას ჩვენი ეკლესია?
- ჩვენდა სამწუხაროდ, ეს არ არის ახალი მოვლენა. ყოველთვის იყვნენ და დღესაც არიან ადამიანები, რომლებიც ოჯახის შექმნას მერკანტილური ინტერესებით აფასებენ. ასეთები იმაზე კი არ ფიქრობენ, ვის უკავშირებენ თავიანთ მომავალს, არამედ იმაზე, თუ რა სარგებელს მოუტანთ მათ ეს ქორწინება. მით უმეტეს დღეს, როცა ბევრისთვის ადამიანური ღირსების საზომად სიმდიდრეა მიჩნეული. რა თქმა უნდა, ვინც ამგვარი მოსაზრებებით ხელმძღვანელობს, დიდ შეცდომას უშვებს. უსიყვარულოდ და უგულოდ შექმნილი ოჯახი შეიძლება არ დაინგრეს, მაგრამ ძალიან მძიმე ჯვარს იღებს ის, ვინც თავისი ცხოვრების მეგზურს სიმდიდრისა და მატერიალური კეთილდღეობის მიხედვით ირჩევს. ასეთებს ხშირად სანანებლად უხდებათ თავიანთი გადაწყვეტილება, რადგან ის, ვინც გულწრფელად უყვარდათ და ვისზეც ერთ დროს უარი თქვეს, მართლა წარმატებული ადამიანი ხდება, ხოლო ის, ვისაც მდგომარეობის გამო გაჰყვნენ, ან ლოთია, ან უსაქმური და ნარკომანი და მისი ფინანსური კეთილდღეობაც საპნის ბუშტივით ქრება. მერე აღსარებაზე მოდიან და ტირიან. ჩემთანაც მოსულან ადამიანები, რომლებმაც წლების წინ დაუშვეს მსგავსი შეცდომა და დღემდე ძალიან ნანობენ. ისინი ვერ უძლებენ ცხოვრებისეულ სიძნელეებს იმის გამო, რომ ერთმანეთის სიყვარული არა აქვთ.
- რას ურჩევთ ამ ადამიანებს?
- ყველანაირად ვცდილობთ, რომ თავი აარიდონ ოჯახის დანგრევას, რადგან ეს უპასუხისმგებლობაა და სხვა არაფერი. არ შეიძლება ადამიანთან დღეს ჯვარი დაიწერო და ხვალ უარი თქვა მასზე. ზოგჯერ ხდება, რომ ცოლ-ქმარს ერთმანეთი არ უყვარს, მაგრამ მათი ოჯახი არ იშლება, თუნდაც შვილების გამო. სხვა საკითხია, რამდენად არის გაგება და სიყვარული ასეთ ოჯახში, მაგრამ ისინი გარეგნულად მაინც ინარჩუნებენ წონასწორობას. ხშირად ისეც ხდება, რომ ვითომ დიდი სიყვარულით ქმნიან ოჯახს, მოდიან, ჯვარსაც იწერენ, მაგრამ ეს ოჯახი ძალიან მალე იშლება. ასეთები არ გრძნობენ პასუხისმგებლობას თუნდაც საკუთარი შვილის წინაშე, საბოლოო ნაყოფი კი სავალალოა: დანგრეული ოჯახის შვილები ძალიან დიდი სტრესის ქვეშ ექცევიან - დედა ცალკეა, მამა - ცალკე და ისინი არ ფიქრობენ, რომ შვილს მარტო ჩაცმა და ჭამა არ უნდა, მას ჯანსაღი ოჯახური გარემოც სჭირდება. ეს ბავშვები ხშირად გულგატეხილნი და გაბოროტებულნი არიან. უპასუხისმგებლობა და ეგოიზმი - ეს ის თვისებებია, რომლებიც ნებისმიერ, ყველაზე ლამაზ ურთიერთობასაც კი ანგრევს და შლის. ამავე დროს, არის გამონაკლისი შემთხვევები, როცა მეუღლეებს ერთ ჭერქვეშ არ ეცხოვრებათ, ერთმანეთს ღალატობენ, რომელიმე ან პათოლოგია, ან ავადმყოფი, ასეთი ოჯახის დანგრევა აუცილებელიც კია, რომ ბავშვი ნორმალურ გარემოში აღიზარდოს, მაგრამ ჩვენთვის მიუღებელია ასეთი მიდგომა: "აღარ მომწონხარ, ვეღარ გეწყობი იმიტომ, რომ ვიღაც სხვა მომწონს" - ვიმეორებ, ეს ეგოიზმი და უპასუხისმგებლობაა - სხვა არაფერი.
- ალბათ ისიც უნდა ითქვას, რომ ხშირად მშობლებიც ზედმეტად ერევიან შვილის ცხოვრებაში.
- ჩემთვის გაუგებარი და მიუღებელია იმ დედის ან მამის საქციელი, ვინც შვილს უბიძგებს ანგარებიანი ნაბიჯი გადადგას და შეძლებულ ადამიანს გაჰყვეს ცოლად. ასეთი მშობლები უფრო თავის თავზე ფიქრობენ. შვილი მათთვის ერთგვარი გასაცვლელი მონეტის როლს ასრულებს. მომავალ სიძეს ან რძალს იმის მიხედვით აფასებენ, სოციალურ კიბეზე რა ადგილი უკავია, ფინანსურად უზრუნველყოფილია თუ არა, რომ მერე თვითონაც ისარგებლონ მისი მდგომარეობით...
უფლის ნებაა, რომ ადამიანი ცხონდეს და თუ ადამიანი ღვთისნიერია, თუ უფლის ნებას ეძიებს და გულში იმეორებს - "უფალო, იყავნ ნება შენი", თუ ისეთი ნაბიჯების გადადგმას ცდილობს, რომელიც ღვთისთვის სათნო იქნება, ყოველთვის გაიმარჯვებს, მაგრამ თუ არ იცის, რომ ოჯახის შექმნა გართობა არ არის, რომ ეს დიდ თავგანწირვას, სხვისი სურვილებისა და ინტერესების საკუთარზე მაღლა დაყენებას ნიშნავს, იმედგაცრუებული და გულგატეხილი დარჩება. ასეთები გვიან აღმოაჩენენ, რომ სიყვარული არც სპორტული ჟინია, არც გართობა და არც აზარტი, ეს გაცილებით უფრო მაღალი კატეგორიაა.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
