მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დუბაიში დაკარგული უკრაინული მოდელი გზის პირას იპოვეს, ხელ-ფეხისა და ხერხემლის მრავლობითი მოტეხილობით - ოჯახი ეჭვობს, რომ ის სექსუალური ტრეფიკინგის მსხვერპლი გახდა
13:28 / 20-03-2025
20 წლის უკრაინელი მოდელი მარია კოვალჩუკი, რომელიც მარტის დასაწყისში დუბაიში გაუჩინარდა, 19 მარტს, მრავლობითი მოტეხილობით საავადმყოფოში იპოვეს. როგორც შემდგომ გაირკვა მარია გამვლელებმა, წინა დღეს, გზის პირას ნახეს. გოგონა ოჯახს რვა დღის განმავლობაში არ დაჰკავშირებია.
რუსული პროპაგანდისტული "ტელეგრამის" არხის SHOT-ის თანახმად, მარიამ 20 წლის იუბილე 9 მარტს აღნიშნა. იგი წვეულებაზე წავიდა, სადაც შეიხებმა უმასპინძლეს. მეორე დღეს გოგონამ დედას დაურეკა და უთხრა, რომ ორ უცნობ ადამიანთან ერთად აპირებდა სასტუმროში დარჩენას. მარიას დედა ამბობს, რომ სატელეფონო საუბრის დროს გოგონას დაბნეული ჩანდა და ხმა უკანკალებდა, თითქოს არ იყო დარწმუნებული საკუთარ გადაწყვეტილებაში. ამის შემდეგ მასთან კონტაქტი დაიკარგა.
ახლობლები შეშფოთდნენ, როდესაც მარიამ ზარებსა და შეტყობინებებზე პასუხის გაცემა შეწყვიტა. ისინი მეგობრებისა და სამართალდამცავების მეშვეობით ცდილობდნენ მისი ადგილსამყოფლის გარკვევას.
რვა დღის შემდეგ, გოგონა გზის პირას იპოვეს. ის კრიტიკულ მდგომარეობაში იყო, მას მრავლობითი მოტეხილობა აქვს ხელ-ფეხის და ხერხემლის არეში. იგი სასწრაფოდ გადაიყვანეს საავადმყოფოში, სადაც მას ოთხი გადაუდებელი ოპერაცია ჩაუტარდა. ახლა მარია ვერ მოძრაობს - მხოლოდ ტუჩებს ამოძრავებს, მაგრამ ჯერ ვერ ლაპარაკობს. ექიმები მის მდგომარეობას მძიმედ აფასებენ.
ახლობლები აღშფოთებული არიან მომხდარით. ისინი არ გამორიცხავენ, რომ მარია სექსუალური ტრეფიკინგის მსხვერპლი გახდა, რომელსაც რამდენიმე დღე აუპატიურებდნენ და შემდეგ გზაზე დააგდეს.
მარია კოვალჩუკი დუბაიში 15 თებერვალს ჩავიდა. იქ მუშაობდა მოდელად, იღებდა ვიდეოებს OnlyFans-ისთვის და მონაწილეობდა პოლიტოლოგ ბორის კაგარლიცკისადმი მიძღვნილ კამპანიაში - "ბორის მშვიდობისთვის!" რუსეთში მას "ტერორიზმის გამართლების“ ბრალდებით 5 წელი მიუსაჯეს.
აქამდეც არაერთხელ გავრცელებულა ინფორმაცია, რომ სოციალური ქსელების გავლენიან პირებს (განსაკუთრებით მოდელებს და ინფლუენსერებს) დუბაიში მდიდარი არაბი მამაკაცები ეპატიჟებიან "ექსკლუზიურ წვეულებებზე“. ჰპირდებიან ფუფუნებას, ძვირადღირებულ საჩუქრებს და დიდ ჰონორარს. თუმცა, რეალობაში ისინი ხშირად ხდებიან სექსუალური ექსპლუატაციის ან ძალადობის მსხვერპლი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
