მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მედიასა და არასამთავრობოებს წამებისა და დამამცირებელი მოპყრობის ორი ეპიზოდი აჩვენეს
10:47 / 20-06-2013
შინაგან საქმეთა სამინისტროში მიწვეულ მედიისა და არასამთავრობო სექტორის წარმომადგენლებს წამებისა და დამამცირებელი მოპყრობის ამსახველი ორი, 30 წუთიანი ეპიზოდი აჩვენეს. როგორც "ინტერპრესნიუსს" რადიო "პალიტრის" პროდიუსერმა, ეკა ბურჭულაძემ განუცხადა, ვიდეოჩვენება უხმოდ, ინგლისური ტიტრებით მიმდინარეობდა. მისივე ინფორმაციით, შს მინისტრმა განმარტა, რომ ვიდეომასალის ხმოვან ვერსიაში ნაწილობრივ მეგრულად საუბრობენ.
"ირაკლი ღარიბაშვილის ინფორმაციით, ერთ შემთხვევაში პირს აიძულებდნენ, ეღიარებინა დანაშაული, რომლის ჩადენაც უახლოეს მომავალში იგეგმებოდა, მეორე შემთხვევაში კი, პირისგან სასურველი ჩვენების მიღებას ცდილობდნენ", - განაცხადა ეკა ბურჭულაძემ.
მისივე განმარტებით, ვიდეოფირზე ასახულ პირთა იდენტიფიცირება თითქმის შეუძლებელია, რადგან დაფარული იყო მათი სახეები და პროცესი.
როგორც ბურჭულაძემ აღნიშნა, ვიდეოჩვენების დასაწყისში, მცირე განცხადება გააკეთა შინაგან საქმეთა მინისტრმა და დამსწრეები მოსალოდნელი მძიმე სანახაობის შესახებ გააფრთხილა.
"ირაკლი ღარიბაშვილმა სუსტი ნერვების მქონე პირებს დარბაზის დატოვება ურჩია, რადგან მისი თქმით, ძალიან მძიმე კადრები უნდა ეჩვენებინათ", - განაცხადა ბურჭულაძემ.
მისივე ინფორმაციით, მას შემდეგ, რაც დარბაზში შუქი ჩაქრა და ვიდეომასალის ჩვენება უნდა დაეწყოთ, შეხვედრა პროტესტის ნიშნად დატოვეს "ახალგაზრდა იურისტთა ასოციაციის", "სამართლიანი არჩევნების" და "საერთაშორისო გამჭვირვალობა - საქართველოს" ხელმძღვანელებმა. თუმცა, ვიდეოჩვენებას ბოლომდე დაესწრნენ "კონსტიტუციის 42-ე მუხლის" წარმომადგენლები და ექსპერტები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
