23
მარტიდღის ზოგადი ასტროლოგიური პროგნოზი
საქართველოს ეკონომიკაში დადებითი ტენდენციები და ბიზნესაქტივობის ზრდა შეინიშნება, ამის შესახებ ჟურნალისტებს ფინანსთა მინისტრმა, ნოდარ ხადურმა განუცხადა. მინისტრის ინფორმაციით, პირველი კვარტლის შემოსავლებმა შარშანდელს 63,500,000 ლარით გადააჭარბა.
"საქართველოს ეკონომიკაში დადებით ტენდენციები და ბიზნესაქტივობის ზრდა შეინიშნება, რის დასტურადაც მინისტრი კიდევ რამდენიმე ფაქტს ასახელებს. მისი ინფორმაციით, შემოსავლების ზრდასთან ერთად გაზრდილია ექსპორტის მაჩვენებელიც. პირველ კვარტალში მან 398,000,000 დოლარს მიაღწია,"- აცხადებს ხადური.
საერთაშორისო სავალუტო ფონდის ბოლო დასკვნის თანახმად კი, თუ საქართველოში არჩევნების შემდგომი ეკონომიკური ზრდის შენელება გაგრძელდება, ზრდა შესაძლოა, მოსალოდნელზე დაბალი იყოს.
საქართველოს მთავრობის გათვლებით, 2013 წელს ქვეყნის ეკონომიკურმა ზრდამ ექვს პროცენტს უნდა გადააჭარბოს. ფონდის მიერ მომზადებულ ანგარიშში ასევე ნათქვამია, რომ კაპიტალის შემცირებული შემოდინება, განსაკუთრებით ინვესტიციების კუთხით, ფინანსური სტაბილურობისთვის შესაძლოა, გამოწვევა იყოს. ამავე დასკვნის თანახმად, რუსეთის ბაზრის გახსნას და ევროკავშირთან თავისუფალი ვაჭრობის შეთანხმებას შეუძლია ექსპორტის გაზრდა. თუმცა, ქვეყანაში უმუშევრობა და სიღარიბე მაღალ ნიშნულზეა და მომავალში ეკონომიკის ზრდა განსხვავებული უნდა იყოს.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
