მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით დარჩიაშვილი - როცა დანაშაულს ადამიანთა ჯგუფი სჩადის, ეს ნიშნავს, რომ პრობლემა სისტემურია
02:40 / 19-09-2012
საპარლამენტო უმრავლესობის ლიდერი დავით დარჩიაშვილი თანამდებობიდან გადადგომის თაობაზე სასჯელაღსრულების, პრობაციისა და იურიდიული დახმარების საკითხთა მინისტრის, ხათუნა კალმახელიძის გადაწყვეტილებას მიესალმება.
"ფაქტია, რომ ვიდეოზე დანაშაულია გადაღებული, რომელსაც სასჯელაღსრულების სისტემის თანამშრომლები სჩადიან. ყველა დამნაშავე უნდა იყოს დასჯილი", - განუცხადა დარჩიაშვილმა "ინტერპრესნიუსს".
მისივე განმარტებით, ის, რომ დანაშაულს ადამიანთა ჯგუფი სჩადის, უკვე სისტემურობის პრობლემაზე მეტყველებს.
"სისტემურობის მასშტაბურობაზე ვერ დაგელაპარაკებით, რადგან ყველა ვიდეო არ მინახავს, მაგრამ როცა ადამიანები ერთად სჩადიან დანაშაულს, ჩანს, რომ აქ გარკვეული სისტემაა. ამ სისტემას აღმოჩენა და დაშლა სჭირდება. რადგან მინისტრმა ეს ვერ შეძლო, ის სამინისტროდან მიდის. მგონი სწორად მოიქცა", - აღნიშნა დარჩიაშვილმა.
სასჯელაღსრულების გლდანის #8 დაწესებულებაში პატიმრების მიმართ არასათანადო მოპყრობის ფაქტების ამსახველი კადრები გუშინ გავრცელდა. საგანგებო განცხადება პირველად შსს-მ გააკეთა. სამინისტროს ინფორმაციით, პატიმართა მიმართ დამამცირებელი ან არაადამიანური მოპყრობის ფაქტების ორგანიზებაში "ქართული ოცნების" დედოფლისწყაროს მაჟორიტარობის კანდიდატის მამა, თამაზ თამაზაშვილი ფიგურირებს. გამოძიების ცნობითვე, დანაშაულის დამკვეთ მხარესთან კონტაქტის უზრუნველყოფა თავდაპირველად თამაზ თამაზაშვილის, ხოლო შემდგომ თამაზ ელიზბარაშვილის მეშვეობით ხორციელდებოდა. გამოძიების ამ ეტაპზე ბრალდებულებად ცნეს და დააკავეს გლდანის მე-8 საპყრობილის უსაფრთხოების განყოფილების უფროსი ლევან ფურცხვანიძე, განყოფილების კონტროლიორი ლევან ფხალაძე და განყოფილების ინსპექტორი ბორის ფარულავა, ხოლო ვლადიმერ ბედუკაძე იძებნება.
გუშინვე პატიმრების წამების, ასევე ფიზიკური და მორალური შეურაცხყოფის ამსახველი უმძიმესი კადრები "მაესტრომ" და "მე-9 არხმა" გაავრცელეს. აღნიშნული კადრების ეთერში გასვლის შემდგომ სასჯელაღსრულების, პრობაციისა და იურიდიული დახმარების საკითხთა მინისტრმა უწყების სასჯელაღსრულების დეპარტამენტის თავმჯდომარე დავით ჭაკუა თანამდებობიდან გაათავისუფლა, მოგვიანებით კი პრემიერს მისი გადადგომის წინადადებით მიმართა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
