მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ზვიად ცეცხლაძის მამა: "პოლიტპატიმრების ოჯახების პირველი აქცია შედგა - 9 აპრილის მემორიალი დავიცავით რუსული რეჟიმისგან..."
14:10 / 09-04-2025
ჩვენ, პოლიტპატიმრების ოჯახის წევრებს, გვაინტერესებდა, რა შედეგს მივიღებდით პირველივე დაანონსებულ აქციაზე. თამამად შემიძლია ვთქვა, რომ ჩვენი აქცია შედგა - როგორც 8 აპრილის ღამისთევის ნაწილში, ასევე დღის განმავლობაში განსახორციელებელი აქტივობების თვალსაზრისით, - ამის შესახებ აქციების დროს დაკავებული, ორგანიზაცია "დაფიონის“ დამფუძნებლის, ზვიად ცეცხლაძის მამამ, ზურაბ ცეცხლაძემ საპროტესტო აქციაზე განაცხადა.
მისი თქმით, "ქართული ოცნება“ ქვეყანას "რუსეთისკენ მიაქანებს.“
"ჩვენ ჩვენი მოძრაობის შექმნის შემდგომ პირველი აქცია დავაანონსეთ 8-9 აპრილისთვის და კონკრეტულად ვუთხარით საზოგადოებას ჩვენი მიზნების შესახებ. ეს მიზნები იყო: უნდა გაგვეცოცხლებინა 1989 წლის 9 აპრილი; ასევე 2 წლის შემდგომ დამოუკიდებლობის აღდგენის 9 აპრილი და საზოგადოებისთვის უნდა გვეთქვა მთავარი სათქმელი, რომ დღეს, როგორც მაშინ (90-იან წლებში), აუცილებლად დავიცავდით რუსული რეჟიმისგან 9 აპრილის მემორიალს და ჩინოვნიკებს, რომლებსაც ეს ქვეყანა რუსეთისკენ მიჰყავთ, არ მივცემდით უფლებას, მისულიყვნენ იქ პროპაგანდის მიზნით, ფარისევლურად, ყვავილები მიეტანათ და შემდგომ ეს გამოეყენებინათ იმისთვის, რომ საზოგადოება დაერწმუნებინათ, თითქოს რამედ უღირთ 9 აპრილი ან 9 აპრილს დაღუპული ადამიანები. ქვეყანას რუსეთისკენ მიაქანებენ - იმ რუსეთისკენ, რომელმაც 1989 წლის 9 აპრილს ნიჩბებით აჩეხა საქართველოს მოქალაქეები. ეს ფაქტობრივად ჩვენი სატესტო გადაწყვეტილება იყო. ჩვენ, პოლიტპატიმრების ოჯახის წევრებს, გვაინტერესებდა, რა შედეგს მივიღებდით პირველივე დაანონსებულ აქციაზე. თამამად შემიძლია ვთქვა, რომ ჩვენი აქცია შედგა - როგორც 8 აპრილის ღამის თევის ნაწილში, ასევე დღის განმავლობაში განსახორციელებელი აქტივობების თვალსაზრისით.
მიუხედავად დიდი პოლიციური რეჟიმისა, ჩვენ ძალიან მედგარი წინააღმდეგობა დავახვედრეთ მათ და საქმე შეხლა-შემოხლამდე და დარბევამდე აღარ მისულა. გაითვალისწინეს, რომ აქციის მონაწილეები მობილიზებული იყვნენ წინააღმდეგობის გასაწევად. ამ თვალსაზრისითაც ძალიან მნიშვნელოვანია, რომ ხალხმა გამოაჩინა თავისი ბრძოლის ჟინი, რომ მზად არის, რუსული რეჟიმის წინააღმდეგ უფრო მკაცრი წესებით და მეთოდებით იბრძოლოს. მინდა, ეს თვითმარქვია ხელისუფლებამ გაითვალისწინოს - რაც უფრო მეტ სადამსჯელო კანონებს მიიღებს და მარწუხებში მოაქცევს ქვეყანას, მით უფრო მეტ რადიკალურ ბრძოლის მუხტს მიიღებს. ეს არავის აწყობს - არც ქვეყანას, არც ჩვენ და არც თვითმარქვია ხელისუფლებას. აქედან გამომდინარე, ვფიქრობ, ჩვენი მიზნები და გეგმები სრულად შედგა და შემდგომ მიზნებთან და გეგმებთან დაკავშირებით დღევანდელი დღის დასრულების შემდგომ აუცილებლად მოვიყრით თავს, მივიღებთ გადაწყვეტილებას, დავაანონსებთ და როგორც დღეს შევასრულეთ, ისე შევასრულებთ შემდგომში ყველაფერს“, - განაცხადა ზურაბ ცეცხლაძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
