მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ლომების ადგილი როდიდან არის ქალაქებში? კანონთან როგორ ხარ?" - რატომ გახდა კრიტიკის ობიექტი ლაშა ბექაურის ვიდეო, სადაც ჩანს, რომ ის ვაკეში ლომის ბოკვერთან ერთად სეირნობს
10:19 / 25-12-2024
ორგზის ოლიმპიური ოქროს მფლობელი ლაშა ბექაური, ბოლო დროს ხშირად ეხვევა სკანდალებში. ბექაური ერთ-ერთია იმ სპორტსმენებს შორის, რომლებსაც დეკემბერში რუსთაველის გამზირზე მოვლენებზე კომენტარი არ გაუკეთებია. ის ხელისუფლებასთან დაახლოებულ სპორტსმენად ითვლება და ამის გამო, ხშირად აკრიტიკებენ.
- ბექაური ამჯერად სკანდალში თავისივე ინსტაგრამის გვერდზე გამოქვეყნებული ვიდეოს გამო მოხვდა. ჩემპიონი გვიან ღამით, ჭავჭავაძის გამზირზე პორშეს ფირმის ნაჩუქარი ავტომობილით ლომის ბოკვერთან ერთად ბასლაინის რიგში სეირნობს. "კადიროვი რომ იკადრებს, მხოლოდ ეგეთი კინოსცენარია..." - წერენ ვიდეოს კომენტარებში.
სოციალური ქსელის მომხმარებლები ვარაუდობენ, რომ ბექაურს ლომის ბოკვერი ცოტა ხნის წინ, საქართველოში სტუმრად მყოფმა ჩეჩენმა მებრძოლმა ხამზად ჩიმაევმა ჩამოუყვანა. თუმცა ეს მხოლოდ ვარაუდია. ერთი რამ კი ცხადია, რომ ჩიმაევს ხშირად სწორედ რამზან კადიროვთან მეგობრობის გამო აკრიტიკებენ.
ლაშა ბექაურის გამოქვეყნებული ვიდეოს კომენტარებში ვკითხულობთ:
"ღამის 2 საათზე, ილია ჭავჭავაძის ქუჩაზე, ბასლაინში პორშეთი გრიალებს ლაშა ბექაური და თან ეფერება თავის ლომის ბოკვერს. აი, კადიროვი რომ იკადრებს, მხოლოდ ეგეთი კინოსცენარია.“
"ამის ტრავმულ ბავშვობას უნდა გადაყვეს ეს ბოკვერი? დედა, ეს რა ქაჯი ყოფილა“
"ზოგი რომ წუწუნებთ, ლომებს გალიებში რატომ ვამწყვდევთო, თქვენი აზრით, რით განსხვავდება ეს გალიისგან? თუ პორშეში უკეთესი სუნია?“
"ამ ასაკში, ამდენი შრომის ფასად რამხელა გამარჯვება მოიპოვე. მთელი საქართველო შენით ამაყობდა. ადამიანები შენი გამარჯვებისთვის შენთვის ლოცულობდნენ. განსაკუთრებულად შეგიყვარეს; ეკრანების წინ შენს გამარჯვებებზე ტიროდნენ, გკოცნიდნენ, ტაშს გიკრავდნენ და აქამდე როგორ დაიყვანე და გააუფასურე ეს ყველაფერი?"
"კანონთან როგორ ხართ? გარეულ ცხოველების ყოლასთან დაკავშირებით?"
"ეს რა ქვეყანაში ვცხოვრობთ რომ ბოკვერს ჭავჭავაძეზე დაასეირნებენ ისე ვითომც არაფერი? ვისაც ეს ნორმა გგონიათ, იქნებ ცოტა ინფორმაცია მოიძიოთ გარეული ცხოველების უფლებებზე და მინიმალურ საცხოვრებელ პირობებზე“
"სამწუხაროა, თავზე იმხელა წარმოდგენა, რომ გაქვს ეს რომ ნორმა გგონია. ნორმალურ ქვეყანაში გარეული ცხოველის ამ ფორმის ვიდეო რომ დაგედო, შესაბამის პასუხს აგებდი"
"ლომების ადგილი როდიდან არის ქალაქებში და მანქანებში?“"
შეგახსენებთ, რომ საქართველოს კანონმდებლობით, გარეული ცხოველის ყოლა, მხოლოდ სპეციალური ნებართვით არის შესაძლებელი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
