მძიმე ღამის ქრონიკა ფოტოებში: დაშლა წყლის ჭავლით, ნაცემია რამდენიმე პირი... - რა ხდებოდა დედაქალაქის მთავარ გამზირზე (ფოტოები)

• ფოტოები: ინტეპრესნიუსი

მძიმე ღამე იყო თბილისისთვის წუხელ - დედაქალაქის გამზირზე წუთით არ გაჩერდა საპროტესტო აქცია.

• ყველაფერი 28 ნოემბერს, მას შემდეგ დაიწყო, რაც პრემიერ-მინისტრმა, ირაკლი კობახიძემ მმართველი გუნდის გადაწყვეტილება გამოაცხადა, რომ საქართველომ 2028 წლის ბოლომდე დღის წესრიგში არ დააყენებს ევროკავშირთან მოლაპარაკებების გახსნის საკითხს.

აქციის მონაწილეები თბილისში ორი ლოკაციაზე - გორგასლის ქუჩაზე, "ქართული ოცნების" ოფისთან და რუსთაველის გამზირზე, პარლამენტის შენობასთან შეიკრიბნენ. მოგვიანებით აქცია გაერთიანდა პარლამენტის წინ, სადაც ვითარება სამართალდამცველებსა და აქციის მონაწილეებს შორის არაერთხელ დაიძაბა.

დაახლოებით, ღამის 2:00 საათის, შემდეგ საპოლიციო ძალებმა დემონსტრანტების გაფრთხილების შემდეგ, რუსთაველის გამზირზე მიმდინარე აქციის დაშლა დაიწყეს. სპეცრაზმი იყენებს წყლის ჭავლსა და სპეციალურ საშუალებებს, მათ შორის ცრემლსადენ გაზს, და ე.წ. წიწაკის სპრეის მომიტინგეთა წინააღმდეგ, თუმცა დემონსტრანტები დაშლას არ აპირებენ და რუსთაველის გამზირის გარკვეულ მონაკვეთზე რჩებიან.

ვრცელდება ცნობები დაშავებულთა შესახებ, მათ შორის არიან მედიის წარმომადგენლები და სამართალდამცველებიც. ჯერჯერობით უცნობია რამდენი ადამიანი დაშავდა მიმდინარე საპროტესტო აქციაზე.

ნახეთ ასევე:

• "ფარმადეპოში" შემოვედით 15-მდე ადამიანი, უცებ შემოცვივდნენ, სასტიკად გვირტყამდნენ, უშვერი სიტყვებით გვაგინებდნენ" - შსს-ს წარმომადგენლებმა რუსთველის გამზირი ძალის გამოიყენებით გაათავისუფლეს