"ჩვენ ძალიან ძლიერები ვართ გონებრივად და ფიზიკურად... ბოლო-ბოლო, UFC-ში 2 ჩემპიონი გვყავს" - როგორ უპასუხა "ქოჩორამ" საქართველოზე დასმულ შეკითხვას?
საქართველოს ნაკრებისა და ესპანური "ლევანტეს" ნახევარმცველმა გიორგი ქოჩორაშვილმა ესპანურ გმოცემას ვრცელი ინტერვიუ მისცა და რამდენიმე საინტერესო თემაზე ისაუბრა.
ერთ-ერთი კითხვა საქართველოს შეხებოდა, თუ როგორი ხალხია ქართველები, რაზეც ფეხბურთელმა საინტერესო პასუხი გასცა:
"საქართველოში დგას ძალიან დიდი ქანდაკება - ქალი ღვინით და ხმლით. ეს ნიშნავს, რომ თუ თქვენ გვესტუმრებით და ჩვენი მეგობრობა გინდათ, მიგიღებთ ღვინით და ყველაფერს გავაკეთებთ იმისათვის, რომ ისიამოვნოთ. მაგრამ თუ ცუდი განზრახვით მოხვალთ, ხმლით დაგხვდებით. ჩვენ ძალიან ძლიერები ვართ გონებრივად და ფიზიკურად. მრავალი ომი გამოვიარეთ, მაგრამ მაინც შევინარჩუნეთ ენა, ტრადიციები, რელიგია და მიწა. ასეთი პატარა ქვეყანა რომ ასეთ დიდ წარმატებებს აღწევს, ბევრის მთქმელია. ბოლო-ბოლო, UFC-ში 2 ჩემპიონი გვყავს."
წყარო: Gazzetta News