"უნდა დავივიწყოთ ის, რაც გავაკეთეთ და ვიფიქროთ იმაზე, რა უნდა გავაკეთოთ" - რას წერს გიორგი ქოჩორაშვილი მნიშვნელოვანი მატჩის წინ
ეროვნული საფეხბურთო ნაკრებისა და ესპანური "ლევანტეს" ფეხბურთელი, გიორგი ქოჩორაშვილი მსოფლიო ჩემპიონატის შესარჩევი მატჩის წინ სოციალურ ქსელში პოსტს აქვეყნებს და წერს, რომ დროა, კვლავ გაახარონ ფეხბურთელებმა "მსოფლიოში საუკეთესო გულშემატკივრები".
"თითქოს დიდი დრო გავიდა, იმდენად ბედნიერებაა იმ ბიჭების, ჩემი მეგობრების ნახვა ვისთან ერთადაც ცხოვრების ერთ-ერთი ყველაზე მაგარი წუთები გავატარე.
თუმცა, აუცილებლად უნდა დავივიწყოთ ის, რაც გავაკეთეთ და ვიფიქროთ იმაზე, რა უნდა გავაკეთოთ, რადგან ახალი შანსი ახალი შესაძლებლობაა ხელახლა გავახაროთ მსოფლიოში საუკეთესო გულშემატკივრები", - წერს გიორგი ქოჩორაშვილი.