ჯასტინ ბიბერს ვერ იცნობთ - უცნაურად ჩაცმული მომღერალი, ახალი იმიჯით მედიის ყურადღების ცენტრში მოექცა: "საკმაოდ მოუწესრიგებლად გამოიყურებოდა"
ჯასტინ ბიბერი ბევერლი-ჰილზზე სეირნობისას შენიშნეს. ვარსკვლავს თითქმის ვერ იცნობთ.
"ვარსკვლავი რამდენიმე კვირაში მამა გახდება, ამასობაში კი 30 წლის მომღერალი საკმაოდ მოუწესრიგებლად გამოიყურებოდა. ისეთ სასტუმროში შესვლისას, რომელსაც ცნობილი ადამიანები სტუმრობენ, როგორებიც მერაია ქერი და ოპრა უინფრი არიან, ბიბერს ტრუსები მოუჩანდა" - წერს მედია.
ბიბერი თავისი Tesla-დან გადმოვიდა, რომლის ფასიც 60,990-დან 120,000 დოლარამდე მერყეობს, ხელში ენერგეტიკული სასმელი ეჭირა და მხარზე ნაცრისფერი ქურთუკი ჰქონდა გადაკიდებული.
Baby-ს შემსრულებელი ცდილობდა, საზოგადოებას თვალში არ მოხვედროდა, შავი სათვალე ეკეთა, თეთრი მაისური და ფართო შარვალი ეცვა. მომღერალს შარვალი საკმაოდ დაბლა ჰქონდა ჩამოწეული, რათა მისი საცვლები გამოჩენილიყო.
შესამჩნევი იყო ისიც, რომ ჯასტინს წვერი აქვს მოშვებული.
ამჟამად ბიბერი თავისი ცხოვრების ახალი თავის დასაწყებად ემზადება - ის მალე პირველად გახდება მამა.
აპრილში, სანამ ჰეილი ბიბერი თავის ორსულობას საჯაროდ გამოაცხადებდა, ბიბერმა რამდენიმე ისეთი სელფი გამოაქვეყნა, სადაც ტიროდა, რამაც მისი ფანების შეშფოთება გამოიწვია.
ერთი თვის შემდეგ, ჰეილიმ და ჯასტინმა სასიხარულო ამბავი თავიანთ ფანებს გაუზიარეს და გამოაქვეყნეს ფოტოები, სადაც ჰეილი თავის მუცელს ჰავაიზე, საქორწინო ფიცის განახლების დროს აჩვენებდა.
წყვილი 2018 წლის სექტემბრიდანაა დაქორწინებული.
ჯასტინი და ჰეილი ერთმანეთს 2009 წელს შეხვდნენ - ისინი ერთმანეთს ჰეილის მამამ, სტივენ ბოლდუინმა ჯასტინის დოკუმენტური ფილმის Never Say Never-ის პრემიერაზე გააცნო.
წყვილს 2016 წელს ხანმოკლე რომანი ჰქონდა. იმ პერიოდში ჯასტინს სელენა გომესთან ათწლიანი ურთიერთობის წყვეტა ჰქონდა.
2018 წლის მაისის შემდეგ, როდესაც ჯასტინისა და გომესის ურთიერთობა საბოლოოდ დასრულდა, ჯასტინი და ჰეილი ერთად არიან. წყვილმა გულწრფელად ისაუბრა ურთიერთობის შესახებ - მათ შორის, ქორწინების პირველი წლის “რთული” პერიოდის შესახებ.
2021 წელს, GQ-სთან საუბრისას, ჯასტინმა გაამჟღავნა, რომ მისი და ჰეილის თავდაპირველი სირთულეები “ტრავმიდან” და “უბრალოდ, ნდობის ნაკლებობიდან” გამომდინარეობდა.