"მესენჯერში" გიორგი ასანიძის შეტყობინება მომივიდა... ეგრევე გადავურეკე, არ მიპასუხა, მივხვდი რომ გაუტეხეს "ფეისბუქი" - რას წერს თეა ადეიშვილი?
ჟურნალისტი თეა ადეიშვილი სოციალურ ქსელში წერს, რომ მის სოციალურ ქსელში შეღწევას ცდილობდნენ. როგორც ირკვევა, ამისთვის კონკრეტული პირები სპორტსმენ გიორგი ასანიძის "ფეისბუქს" იყენებდნენ, რომელიც ასევე "გატეხილია".
"მესენჯერში ჩვენი დიდი სპორტსმენის გიორგი ასანიძის შეტყობინება მომივიდა: შენი ნომერი მომწერეო. ვიფიქრე, რაღაც ახალი რეკორდი მოიხსნა და ინფორმაციის მოწოდება უნდა თქო. გიორგის ვიცნობ, როგორც ჟურნალისტს არაერთხელ გადამიღია, მისით მიამაყია. ასანიძე მხოლოდ მსოფლიო სპორტის კი არა, საქართველოს ნამდვილი, ერთგული პატრიოტია და ეს არაერთხელ დაამტკიცა თავისი სამოქალაქო პოზიციით, დაუფიქრებლად გავუგზავნე ჩემი ტელეფონის ნომერი, პასუხმა გამაკვირვა!
წამიერად დავიბენი და ეგრევე გადავურეკე, არ მიპასუხა, მივხვდი რომ გაუტეხეს ფეისბუქი, ვიფიქრე ბოლომდე მოვაყოლებ, რა უნდა, რა სქემა აქვს-თქო და კითხვები დავუბრუნე, მიხვდა რომ მივხვდი და აღარ მიპასუხა, დანარჩენი მიმოწერაში ნახეთ…
არ ვიცი, ჩემთან შემოღწევას ცდილობდნენ ალბათ, თქვე მანიაკებო, თქვე ავადმყოფებო, ჩემს ვერც პირად და ვერც საჯარო ცხოვრებაში ვერაფერს იპოვით, მე რომ შემრცხვეს და თქვენს ჭუჭყიან ცხოვრებას მიხედეთ, რომელშიც თავადაც ვერ გარკვეულხართ თქვენ კი ფრთხილად იყავით, ხალხნო" - წერს თეა ადეიშვილი.