უკრაინელი მოდელის დრამა: რას ჰყვება 26 წლის ლამაზმანი, რომელსაც საუკეთესო მეგობარმა ოჯახი დაუნგრია - "იქორწინეს, მე კი სახლიდან გამომაგდეს"

უკრაინის წარმომადგენელმა Miss Universe 2023 კონკურსზე, მომღერალმა და მოდელმა 26 წლის ანჯელინა უსანოვამ განქორწინების დეტალებზე ისაუბრა. ანჯელინას ოჯახი მისმა საუკეთესო მეგობარმა დაანგრია.

• ქალი ქმრისა და მეგობრის ღალატმა შეძრა და თვითმკვლელობაზეც კი ფიქრობდა. ანჯელინამ გაიხსენა, რომ იმ დროს მისი თვითშეფასება განადგურდა.

მან დასძინა, რომ ოჯახი კორონავირუსის ეპიდემიის დროს დაენგრა. პანდემიის დროს ქალი უკრაინის დედაქალაქში ჩავიდა, ამ მომენტით ქმარმა ისარგებლა და ცოლის საუკეთესო მეგობართან გააბა რომანი. "მოღალატემა შემდგომ იქორწინეს, მე კი სახლიდან გამომაგდეს" - აღნიშნა მოდელი.

უსანოვამ დასძინა, რომ იმ მომენტში ხალხის მხარდაჭერა დაეხმარა, რომ გადარჩენილიყო. მასზე პროფესიონალი ფსიქოლოგი და დედა ზრუნავდნენ. ანჯელინა ქალებს მოუწოდებს, რომ რთული ცხოვრებისეული ეტაპისას, არ დანებდნენ და თავშესაფარი ოჯახის წევრებსა და მეგობრებში ეძიონ.

"მახსოვს დედაჩემმა დამირეკა და მითხრა: "გიფიქრია რამდენ ადამიანს შეგიძლია დაეხმარო? ოდესმე გიფიქრიათ, რამდენ ადამიანს გაუხარდებოდა შენთან შეხვედრა ამ ცხოვრებაში?" - ამ სიტყვებმა მომავლისკენ შემომაბრუნა. მერე ფსიქოლოგთან დავდიოდი, მაგრამ ყველაზე მნიშვნელოვანი, ალბათ, რაც დამეხმარა მუსიკა იყო. დავიწყე სიმღერა იმაზე, რაც მტკიოდა“, - ამბობს უსანოვა, რომელიც ჯერ არ ფიქრობს ახალ ურთიერთობაზე.

რა არის ცნობილი ანჯელინა უსანოვას შესახებ

ანჯელინა უსანოვა კიევიდანაა. ის მალე წარმოადგენს უკრაინას Miss Universe 2023 საერთაშორისო კონკურსზე 2023 წლის 18 ნოემბერს სან სალვადორში.

უსანოვამ იცის 7 ენა, წერს სიმღერებს მშვიდობის, ეკოლოგიისა და სიყვარულის თემებზე. ავსტრიისა და ინდოეთის აშირამებში სწავლის დასრულების შემდეგ მან პროფესიონალურად დაიწყო იოგას ვარჯიში.