"მე და ჯარჯი არ დავშორებულვართ, მე ძალიან აფექტური ადამიანი ვარ, ჯარჯიც ძალიან ემოციურია. 15 წუთით ვიკინკლავეთ, გავგიჟდი და დავწერე ეს სტატუსი" - თათია შარანგია

თათია შარანგიამ დუმილი დაარღვია. პიანისტმა და ტელეწამყვანმა გადაწყვიტა თაყვანისმცემლებისთვის ყველაზე საინტერესო კითხვებზე სოციალურ ქსელში ეპასუხა. შარანგიამ ისაუბრა ჯარჯი თორაძესთან დაშორების თემაზე და ასევე ნანუკა გულუასთან მეგობრობაზე, რომელიც, როგორც აღმოჩნდა, არც ისე კარგად გაგრძელდა, რადგან ტელეწამყვანი ამბობს, რომ ყველას თავისი სიმართლე აქვს...

"არცერთი წუთით მე და ჯარჯი არ დავშორებულვართ, მე ვარ ძალიან აფექტური ადამიანი, ჯარჯი ძალიან ემოციური. 15 წუთით ვიკინკლავეთ, გავგიჟდი და დავწერე ეს სტატუსი. მაგრამ მერე უკვე ისეთმა საინტერესო რაღაცეებმა იჩინა თავი, რაზეც გული დამწყდა, თან გამიხარდა, იმიტომ, რომ ადამიანებმა გამოავლინეს თავიანთი თავი. მე არ მინდოდა, რომ დიდხანს გენერვიულათ და ამიტომ ძალიან მალე წავშალე ეს სტატუსი. მოკლედ, დაშორებულები მართლა არ ვყოფილვართ არცერთი დღე..." - თქვა შარანგიამ.

რაც შეეხება ნანუკა გულუასთან მეგობრობას, როგორც პასუხიდან გაირკვა შარანგია მეგობარს ნამდვილად დაშორდა:

"მე და ნანუკა გულუა ნამდვილად აღარ ვმეგობრობთ, არ გვაქვს ყოველდღიური ურთიერთობა. თუმცა, რა თქმა უნდა, ვუსურვებ ყველაფერ საუკეთესოს. ის ჩემი ცხოვრების ძალიან დიდი ნაწილი იყო. ალბათ ორივეს ჩვენ ჩვენი სიმართლე გვაქვს, რომლის გარკვევასაც მე ნამდვილად აღარ ვაპირებ".

წაიკითხეთ ასევე:

• “რა თქმა უნდა, სამუდამოდ ერთად“ - თათია შარანგია და ჯარჯი თორაძე შერიგდნენ