"ჯანმრთელობის პრობლემების გამო ვერ მიმყავდა გადაცემა... ორთვიანი იძულებითი პაუზის შემდეგ ვუბრუნდები ჩემს საყვარელ პროფესიას" - თეა ადეიშვილი
ორთვიანი პაუზის შემდეგ თეა ადეიშვილი ეკრანს დაუბრუნდა. ჟურნალისტმა პირდაპირ ეთერში მაყურებელს და კოლეგებს მადლობა გადაუხადა მხარში დგომისთვსის და მოკითხვისთვის. მისი თქმით, ჯანმრთელობის პრობლემების გამო, იძულებული გახდა, რომ დროებითი პაუზა აეღო...
თეა ადეიშვილი:
- მაყურებელს მინდა მადლობა ვუთხრა, დღეს ორთვიანი იძულებითი პაუზის შემდეგ ვუბრუნდები ჩემს საყვარელ პროფესიას, ჩემს ოჯახს, მთავარ ახს. მადლობა ჩემს კოლეგებს, რედაქციას, რომლებიც უანგაროდ მუშაობდნენ ჩემს ნაცვლადაც კი, ჩემთვის ძალიან მძიმე დროს.
ჯანმრთელობის პრობლემების გამო, ვერ მიმყავდა „დღის სტუმარი“ და ვერ ვამზადებდი სიუჟეტებს „პოსტ ფაქტუმისთვის.“ ახლაც რეაბილიტაციის პროცესში ვარ და იმედია მომიტევებთ თუ რამე შეფერხებები მექნება. დავბრუნდი სწორედ იმიტო, რომ ამ ორი თვის მანძილზე მაყურებელი მწერდა და მეკითხებოდა, ხომ არ დავტოვე მთავარი არხი. არა, ეს ჩემი ოჯახია და ოჯახიდან არ მიდიან. მადლობა ყველას მხარდაჭერისთვის და მადლობა ჩემს არხს, ჩემს რედაქციას.
ერთი წლის წინ, ჟურნალისტმა ბარიატრიული ოპერაცია გაიკეთა. ნანუკა ჟორჟოლიანთან ინტერვიუში ჟურნალისტი ამბობდა, რომ დიდი ხნის მანძილზე წონის გამო ძალიან დიდი დისკომფორტი ჰქონდა. გარდა ჯანმრთელობის პრობლემებისა, შეექმნა ფსიქიკური, მენტალური პრობლემებიც. სოციალურ ქსელში კითხულობდა მის მიმართ წამოსულ ბულინგის კამპანიას და ოთახში იკეტებოდა. არ უშველა დიეტებმა, ჯანსაღმა კვებამ და ბოლოს გადაწყვიტა ჭარბი წონა ოპერაციით დაემარცხებინა...
წაიკითხეთ ასევე: